Ditẹrọnọmị 32:6 - FỊAFỊA BAỊBỤLỤ

⁶ Ọmịnị oḅori-sọarị tẹ sịḅịḅio nyana-a tomi, mị-ḅara mẹ mie ọ́ kẹ KỊNỊNYANAḄỌ ḅe gbẹẹ ḅara aro? Oriḅe tẹ ọ́ mịẹ tẹ ọ́ sịẹ kụrọ ḅọ ḅe ọmịna ḍaḅọ, tẹ ọ́ tẹmẹḅọ ḅe ori-a?

Ditẹrọnọmị 32:6 Iomraidhean Croise

2 Samụẹlị 7:24

Tẹ ị́ ị́ atomi Izirẹlị sịẹma kụrọma ị́ ḅụụ pịrịm ini ị́ atomi sọ gbamaso ḅẹ ḅara anịsakị Yei KỊNỊNYANAḄỌ, ị́yẹrị ḅo ịna Tamụnọ sọm.”

Jobu 10:8

“Tamụnọ ị́ aḅara ma ị̀ mịẹ tẹlẹma tẹ ị̀ tẹmẹm; tẹ mịọkụ í vuunma pịkị tẹ ị̀ ḅaarị.

Devidi-Anume 100:3

Gbala-gbala ọ̀ kẹ ḅioḅọrọma ma mịnẹ KỊNỊNYANAḄỌ ḅe ori Tamụnọọ. Ori wa tẹmẹm, tẹ wa sime ọ̀ pịrịm; wamịnị ori atomi, pịkị ori anana-ogbo.

Devidi-Anume 116:12

Arị inetẹ tiye kẹ KỊNỊNYANAḄỌ ḅe pịrị ḅẹ ọ̀ kẹ ị̀ na anga iḅi ḅara mamgba ḅụ?

Devidi-Anume 149:2

Izirẹlị, ḅioḅẹlẹẹ, ị́ Tẹmẹḅọ ḅe gotẹ Zayọnị ḅẹ apụ, ó ḍerekuu, ọmịna amadaḅọ ḅe gotẹ!

Devidi-Anume 74:18

Kụma kẹ ḅiokoroma, Yei KỊNỊNYANAḄỌ, mịnẹ si kẹ ị́ tọn apụ ma ị́ ḍẹrịarị, mịnẹ ịn Tamụnọ nimi-a, ịn pịkị í ḍiki-simarị.

Devidi-Anume 74:2

Ị́ atomi ma kẹ ḅiokoroma, iḅere-iḅerea kụra-ḅio ị́ sẹlẹ ọkị apụ ma, omoni ḅara-ḅio ị́ pakama-ḅo tẹ kẹ sime ị́ pịrị furo-ḅẹ-apụ sọma tẹ apụ ma. Zayọnị Tụndụ kẹ ḅiokoroma-a, sakị ḅẹ gbọrụ sakị ḅụ ị́ anga yọ mẹ.

Devidi-Anume 95:6

Ó ḅoo, wa iḅo tẹ sunsin ọ̀ pịrị; ó yee wa KỊNỊNYANAḄỌ ḅe tọrọkọ kparakị, wa Tẹmẹḅọ ḅe.

Paka-so 15:16

Tẹmẹ-naịn-naịn na opu ḅalafa na ịn gbaịnm; ị́ ḅara-kọngọ ḅẹ gburo-gburo mẹ gotẹ, ịn paa ḍụḅarị sime-ḅara simem, nwenii ị́ atomi ma mẹnjị-ḅọrọm, Yei KỊNỊNYANAḄỌ nwenii ị́ atomi ma tẹ ị́ fẹẹ ọkị tẹ apụ ma mẹnjị-ḅọrọm.

Paka-so 4:22

Anịsakị í Fero ḅẹẹ ḅa, mie KỊNỊNYANAḄỌ ḅe ḍuko yee, ‘Izirẹlị anie ị̀ tarị owiḅọtụḅọ.

Ayịzaya 1:2

KỊNỊNYANAḄỌ ḅe ḅẹẹm, “So na Kiri na, ọmịnị à ḍukoarị ye pokii! Yẹrị ḍikiḍiki-pakamaḅotẹ awọmẹ ma kọngọ-kụrọma ị̀ pịrị tẹẹ.

Ayịzaya 27:11

Sịn ma aḅara kpatụ tẹ anyị sara tẹ, tẹ ereme arị kolokolo tẹ kẹ fịnị sọmarị. Anị gotẹ ọkọ pakarị ye, tomi ma gberie-sọ fiearị ye naa-a, ịn Tẹmẹ Tamụnọ ḅe in ḍiki-sịḅịjịrị ḅịa, anịanịa ọkụrụkụrụ kalịye kẹ in ḍie.

Ayịzaya 43:1

Izirẹlị, ị́ tẹmẹ KỊNỊNYANAḄỌ ḅe ḅẹẹarị, “Ḅarị ḅalafa ma — àrị ị́ ḅọrọma ḅa. Àrị ẹrẹ kẹ ị́ sịn tẹẹ — yẹrị ị́ nyanam.”

Ayịzaya 43:7

Ini ị̀ atomii, tẹ yẹrị ịn tẹmẹm ini ebube kẹ ị̀ pịrị ḅẹ ḅara.”

Ayịzaya 44:2

Yẹrị anie KỊNỊNYANAḄỌ tẹ ọ́ tẹmẹ ḅọ ḅe; í iyi kụra-ḅio à ḅarasụa ị́ pịrịarị. Ḅalafa ma, ị́yẹrị ị̀ fịrịmẹnjịḅọọ, à sẹlẹ ọkị tẹ ḅẹlẹmarịapụ.

Ayịzaya 63:16

Ị́yẹrị wamịna Ḍaḅọọ. Wamịna elemu aḍapụ, Ebira-amụ na Jekọbụ na ọkọ kẹ wa ọkị-a-o, kụma, KỊNỊNYANAḄỌ, anie wamịna ḍaḅọ, sakị mamgba wa pụkọ-pakamaḅoarị ḅọ ḅe.

Ayịzaya 64:8

Kụma, KỊNỊNYANAḄỌ, wamịna Ḍaḅọọ. Wa ọgbọịn-lịka na kịkam, tẹ aḅaịn-ḅẹlẹ tẹmẹḅọ na kịkam. Ị́yẹrị wa tẹmẹm,

Jerimaya 4:22

KỊNỊNYANAḄỌ ḅe mẹẹ, “Ị̀ atomi apantu sọ tẹẹ; ini ì nimi-a. Oḅori sọarị ḍọkọḍọkọ-awọmẹ mie ịn kịkarị; in yefieye naa nyana-a. Siye mịẹ ḅụ ịna ḅara gbana tẹẹ; kụma iḅiye mịẹ ḅụ ini papaa apụ.”

Jerimaya 5:21

Ọ̀ kẹ ye-sịn, ọmịnị oḅori-sọarị apantu amẹẹ tọrụngbọ nyana wararị, kụma inetẹ ye ẹrị-a apụ; tẹ ḅeri nyana wararị, kụma inetẹ ye naa apụ.

Hosiya 13:13

Izirẹlị ḍumo ḅẹ sakị nyana wararị, kụma oḅori-sọ ḅụra mịẹ tẹ arị inetẹ anị kẹ ye mịẹ-a — gbala iyi pakama-ḅo ḅẹ-yearị tụḅọ tẹ ḅarị paka-ḅo ḍụkụ-a ye furo ḅio ḅụ.

Malakayị 1:6

Kụrọ mamgba nyana KỊNỊNYANAḄỌ ḅe agbamịẹapụ ma ḅẹẹm, “Owiḅọtụḅọ amịna ḍaḅọ kụn-arị, tẹ fịrịmẹnjịḅọ pịkị amịna sịḅịdaḅọ kụn-arị. Yẹrị ọmịna ḍaḅọ — tiye ẹrẹsị ọmịnị ị̀ kụn-a? Yẹrị ọmịna sịḅịdaḅọ — tiye ẹrẹsị ọmịnị ị̀ mangịma-a? Ọmịnị ì ḍiki-simarị, tẹ anịsọ ó gbelarị, ‘Ndẹẹ wa kẹ í ḍiki-sima ḅara?’

Jọnị 8:41

Ọmịna ḍaḅọ mịẹ ye mie ọ́ mịẹarị ye.” Ịn nwẹnị pakịrị, “Tamụnọ ḅe ḅioju ngẹrị anie wamịna ḍaḅọ, wa jen ḍaḅọ nyana-a, tẹ wamịnị anie ọ̀ karakara awọmẹẹ.”

Fịrịmẹnjịapụ 20:28

Mie ḅụ, ọ́ tọrụ kẹ ọmịna aḅụụ wẹrịị, ọ́ pịkị iḅị-tọrụ kẹ Fịafịa Tẹmẹ ḅe kẹ ọmịna ḅarasụa wararị anana ogbo mẹ ḅụ wẹrịị. Ọ́ Tamụnọ ọ̀ Tụḅọ ḅe fịị tẹ mịẹ agba mẹ ḅụ kẹ ò nye sọma wararị sọsị mẹ ḍikiḍiki kpaịnmaa.

Romu 8:15

Kẹ gotẹ ọkọ ḍukoarị, Tamụnọ kẹ ọ́ pịrị Tẹmẹ ḅe ọ́ kẹ omoni sọma tẹ ọmịna Tẹmẹ-naịn-naịnma ḅẹ ḅọ-a; anie nakara Tẹmẹ ḅe rẹ ọ́ kẹ Tamụnọ awọmẹ sọmarị, tẹ Tẹmẹ ḅe kụrọ ḅụ wa oloku pakama tẹ Tamụnọ naa ḅa, “Ḍaa, ị̀ Ḍa.”

1 Kọrịntị 6:20

ò yela ye kẹ ọ́ fẹẹm. Ọkọẹrẹsị ọmịnị ọmịna oju ma kẹ ebube kẹ Tamụnọ pịrị ḅẹ aị mịẹ.

Galesiya 3:26

Minini ḅụ mie ọmịnị-mgba ḅọrọ tẹ Kịrayịsị Jizọsị na gbọrụ ḅụ sime tẹ Tamụnọ awọmẹ sọ ye.

Galesiya 4:6

Kẹ ọmịnị ori awọmẹ mẹ ḍie-pakama ḅụ, Tamụnọ ọ̀ Tụḅọ ḅe Tẹmẹ ḅe kẹ wamịna aḅioḅẹngbọ suu tẹ, tẹ Tẹmẹ ḅe oloku pakamarị, “Ḍa, ị̀ Ḍa,”

Ditẹrọnọmị 1:31

na ịkpa mẹ ḅio ọ́ KỊNỊNYANAḄỌ ọmịna Tamụnọ ḅe owiḅọ ori owiḅọtụḅọ dogi ḅara kẹ etela mẹmgba tẹ ọ́ mẹnjị anga ḅụ ó dogi nwenii ó ḅo mịanga la ḅara ẹrị tẹ ḅara.

Ditẹrọnọmị 14:1

Ọmịnị anie KỊNỊNYANAḄỌ ọmịna Tamụnọ ḅe owiapụ-awọmẹ; ọmịnị ogie kẹ ọmịna aḅụụ pẹlẹ ma, pịkị ọmịna afụḅara-ḅọkọ kẹngẹ gbana fịtẹ-apụ pịrị ma.

Ditẹrọnọmị 32:15

Kụma Jẹsurun ḅẹlẹkị sụam, tẹ ḅụọ tẹịnm; ị́yẹrị ḅẹlẹkị sụam, ị́ kpokorom, í ḅo welewelem; anịtẹso ori ọ̀ Tamụnọ ḅe tẹ ọ̀ tẹmẹḅọ ḅe sịkịm, tẹ ọ̀ ḅọrọma mẹ ḅẹ Ịkụ ḅe kombom.

Ditẹrọnọmị 32:18

Ịkụ Ḅe tẹ ọmịnị iyi Ịkụ Ḅe ọmịnị ọ̀ bala-a, tẹ ḍumo kẹ ọ́ pịrị Tamụnọ ḅe kẹ ḅioḅọrọmam.

Ditẹrọnọmị 32:28

Gbala ini anie datụkụma nimi ofori ḅẹ opu sịẹ anịsakị ịna aḅụụ yefieye naa ofori,

2 Pita 2:1

Elemu sakị iruo ịkịankoro apụ tomi ma ogboku paka gbọrụ ḅara mẹ, mie ọmịna ogboku sọ iruo ye-tolumapụ paka ḅarị ḅara. Ye gala-galama na kura-a toluma aị na mie in dogi-ḅo ḅarịye, tẹ pịkị ịn pakịrị ḅo Sịḅịdaḅọ ḅe sọ pịkị ḅa, anị ḅara ḅụ ịn bẹkẹ-ḅara-kẹ in ḅaa guluguluma ḅarị ḅụụ-fụka dogi-ḅo amịna ọgọnọ gbana ḅa.

1 Jọnị 3:1

Ḍaḅọ ḅe kẹ wa ḅẹlẹma la ḅara ḍikii! Ọ̀ nyana wa pịrị ḅẹlẹma mẹ ḍụḅa la ḅara ḅụ, ịn Tamụnọ awọmẹ kẹ wa sịn tẹ — karakara-ḅara-ḅụ anie wa pịkị sime-ḅara. Miemẹ ẹrẹsị tomikiri ḅẹ atomi ma wa nimi-a: anie amụ in Tamụnọ nimi-a ẹrẹsị.