Ditẹrọnọmị 32:5 - FỊAFỊA BAỊBỤLỤ

⁵ Ini ịn sime iḅi ḅara mẹ sima ḅara kẹ ori na mịẹ tẹ, ịna aḅụụ simearị ḅẹkụ gotẹ, ini ḅarị ori awọmẹ-a; ini anie karakaraye mịẹ-a, pịkị gbọrụ ḅụụ mu-a ḅụọ ḅẹ apụ.

Ditẹrọnọmị 32:5 Iomraidhean Croise

Suku-saakị 6:12

Tẹ Tamụnọ nwẹnị tomikiri mẹ ẹrị, anịsakị ḍikii, anị ḅụ ọkị-ọkị ye ofori, gbala tomi mamgba ịna etela mịẹ sima fama tẹ tomikiri mẹ ḅụ.

Devidi-Anume 78:8

Ini ịna elemu aḍapụ ma kịka ḅịa ḅara, anie kọngọ kụrọma na ḅịḅịpoki-a na atomi ma, gbala-gbala Tamụnọ kẹ ḅiokpọma kuroma-kuroma-a apụ ma, tẹ ḅioḅẹngbọ-kẹ-sịrẹrẹ-niḅi ḅara kẹ koro-sime ọ̀ pịrị-a apụ ma.

Paka-so 32:7

KỊNỊNYANAḄỌ ḅe nwẹnị Mozizi ḅẹẹ, “Ideri-muu, kẹ gotẹ ọkọ ḅẹẹarị, ị́ atomi inima tẹ ị́ Ijiputi ama ḅụ pakama-ḅo apụ ma ịna aḅụụ sima tẹ.

Egberima-Ẹkwẹn 8:8

À ḍukoarị ye goyegoye karakaram; anị ḅụ iruo ye anịanịa kịnị da-irima arị gberie-sọ ofori.

Ayịzaya 1:4

Yei, si amịẹaị mịẹarị sịẹ, ọ́ fa tẹẹ! Ọmịnị anie ḅụrụ-kọsịtẹ si-mịẹapụ. Ọmịna asi ma ọ́ jịjịma tẹ iku ọ́ ḅaa ḅẹ-yearị! Ọ́ KỊNỊNYANAḄỌ, Izirẹlịapụ tẹkẹarị Fịafịa Tamụnọ ḅe sịkị tẹ ọḅụ kẹ ò gbin tẹ.

Ayịzaya 63:8

KỊNỊNYANAḄỌ ḅe ḅẹẹm, “Ini ma ị̀ atomii; ini oḅori kẹ ị̀ sịn ḅịa.” Tẹ mie ḅụ ori ịn ḅọrọmam,

Hosiya 9:9

Ịn mịẹarị siye ḅụ ịn kẹ mịẹ-mịẹ ye ḅarị ofori, anie Gibiya ḅụ in sime sakị ịn mịẹ-mịẹ gbọrụ ḅara mẹ. Tamụnọ ịna si kẹ ḅiokoroma tẹ anị gotẹ in fomu ḅa.

Zẹfanaya 3:7

À kuromam mịnẹ anịtẹso ị̀ atomi mangịma nyana ị̀ pịrị ḅa, tẹ arị ịn da karakarama gotẹ kẹ in fomu ye mẹ daa-ọkị ḅa, mịnẹ ịn ḅarị gbala-gbala à kẹ in toluma ye mẹ kẹ ḅioḅọrọma ḅịa. Kụma ala-a ịn paa elemu ịn mịẹ-mịẹ gbọrụ ḅara mẹ mịẹarị.”

Kịẹn-aḅịḅị 23:21

Jekọbụ ḅụụ amụ ò si-fụḅara ẹrị-a; Izirẹlị ḅụ amụ ọ̀ ḅụụ-fụka ẹrị-a. KỊNỊNYANAḄỌ ịna Tamụnọ ḅe ori ini na emii anịsakị amadaḅọ oloku pọkọ mẹ ịna ogbo-ḅio emii

Matiyo 16:4

Mị sakị mẹ ḅẹ atomi ma Tamụnọ nimi-a si-mịẹapụ ḅara ḍikii! Ọmịnị ị̀ ḅara ḅụụ-buamaye ḅiiarị aro? Ọmịnị ọkọ sime ye nyana ḅịa! Jona ḅụụ-buamaye mẹ kịngẹ mie ịn kẹ ọ́ pịrị ḅarịye.” Mie ḅụ ọ̀ nwẹnị in koroma tẹ mẹnjị so.

Matiyo 17:17

Jizọsị nwẹnị pakịrị, “Ọmịnị minini nyana-a tẹ pịkị kuraye mịẹ-a atomi ḅara ḍikii! Àrị ọmịnị na sime mu tọ sakị la ḅẹ? Àrị ọmịnị inema mu tọ sakị la ḅẹ? Tụḅọ ḅe kẹ mịanga ḅo ị̀ pịrịị!”

Matiyo 3:7

Tomi ma ọkọ kẹ gbii-gbiima ọ̀ dama-ḅoarị ogbo Jọnị nwẹnị ẹrị mịnẹ tọnwa Farịsiiapụ na Sadusiiapụ ma na sọ ọ̀ ḅara minji sara ḅẹ ḅo tẹ. Tẹ ọ̀ nwẹnị ịn ḅẹẹ, “Ọmịnị ododo amẹẹ, tụḅọ ḅọrọ ḍuko ọ́ pịrị mịnẹ ọmịnị inetẹ Tamụnọ ḅara ḅo ḅarị fomu-ḅara mẹ ḅụ so ḅẹ?

Luku 9:41

Jizọsị nwẹnị pakịrị, “Ọmịnị minini nyana-a tẹ pịkị karakara kuroma-a apụ! Ọ́ sịn-arị àrị ọmịnị na sime tọ sakị la ḅẹ? Ndẹẹ àrị ọmịna amịẹaị ma inema la ḅẹ sakị?” Anịtẹso ọ̀ nwẹnị tomḅọ ḅe ḅẹẹ, “Ị́ tụḅọ ḅe kẹ mịanga ḅoo.”

Jọnị 8:41

Ọmịna ḍaḅọ mịẹ ye mie ọ́ mịẹarị ye.” Ịn nwẹnị pakịrị, “Tamụnọ ḅe ḅioju ngẹrị anie wamịna ḍaḅọ, wa jen ḍaḅọ nyana-a, tẹ wamịnị anie ọ̀ karakara awọmẹẹ.”

Fịrịmẹnjịapụ 2:40

Pita paa pịkị anị ịna ḅụụ sọ-mu ḅẹ ḅara kẹ ẹkwẹn kụrọma ịn pịrị tẹ ịn ḅẹẹm, “Si sịḅịḅio sụa apụ la ḅẹ ḅoarị fomu-ḅara mẹ, ọmịnị ọmịnị inetẹ ḅara, inetẹ ḅara mịẹ tẹ anị ọ́ lama.”

Fịrịmẹnjịapụ 7:51

Sitivini paa ẹkwẹn ma mu tẹ ḅẹẹm, “Ọmịnị kpọma sịḅịḅio kụrọtẹ atomii! Ọmịna aḅioḅẹngbọ ma oru nimi apụ aḅioḅẹngbọ sime-ḅara simem, anie mịẹ ẹrẹsị ó ḅeri-iningima Tamụnọ oku mẹ pịrịm. Ọmịna atẹngịapụ ma sime gbọrụ ḅara mẹ mie ọmịnị sọ simearị ḅara. Sakị mamgba ọmịnị sọ Fịafịa Tẹmẹ ḅe dasịẹma tẹ!

2 Kọrịntị 11:3

Ị̀ ḅalafaarị mịnẹ kịnị ḅo ọmịna akuroma sima kọsịma tẹ mịẹtẹ ọ́ Kịrayịsị ḅụ ọ́ nyana karakara minini mẹ sịkị ḅa — anị gbọrụ ḅara mẹ mie ododo ḅe, aka na epele na kẹ, iruo aị ḅụ oḅori kẹ Ivu sịn ḅara.

Ditẹrọnọmị 31:29

Kẹ gotẹ ọkọ ḅẹẹarị, à nimi wararị mịnẹ, à fịtẹ so sakị ọ́ tụkụma ḅara ḅụ ó sime iḅi ḅara mẹ sima ḅara kẹ ye mịẹ ḅa; tẹ etela mẹ tẹ à tọn ọ́ pịrị ye mẹ ḅụ vuunma tọrụ pịkị akaka da ḅa; anịsakị ḅo ḅarị ene ma ḅụ siye ḅo ọmịna ọgọnọ gbana ḅa, gbala ọ́ KỊNỊNYANAḄỌ ḅe ḍiki-tọrụ ḅụ aniemẹ tẹ siye mịẹ ḅa ẹrẹsị, tẹ ọmịna aḅara ḅẹ kọrịnama ḅụ ori ịganị sịn saakị ḅa.

Ditẹrọnọmị 32:20

Tẹ ọ̀ ḅẹẹm: Àrị in aḅụụ ị̀ tọrụ ḅọị ḅa, arị ịna kunoma sime ḅẹ ḅara ẹrị ḅa gbala ini anie karakaraye mịẹ-a ḅụọ ḅẹ apụ, awọmẹ tẹ minini ḅụụ ḅụ ofori apụ.

Ditẹrọnọmị 4:16

ọmịnị ọmịna aḅụụ ẹbị anieofori ó ḅofa owiḅọ, anịanịa ẹrẹḅọ ḅẹẹye-ḅẹẹye kịkama ye tẹmẹ ọmịna aḅụụ pịrị ḅụ si mịẹ ḅara kẹ ye mịẹ,

Ditẹrọnọmị 4:25

Ọmịnị ama mẹ ḅio simetẹ omongi, tẹ awọmẹ na taa-awọmẹ na ile-awọmẹ na iyi sakị, ọ́ ḅẹẹye-ḅẹẹye kịkama tẹmẹ ḅụ si mịẹ ḅara kẹ ye mịẹ tẹ KỊNỊNYANAḄỌ ọmịna Tamụnọ ḅe ḍiki-tọrụ ḅụ siye mịẹ ma. Miemẹ anie siye tẹ ori ịganịma ḅa.

Ditẹrọnọmị 9:24

Ene mẹ tẹ à saakị ọ́ nimi kụra-ḅio ọ́ sịḅị-kụrọma KỊNỊNYANAḄỌ ḅe pịrịarị.

Filipayị 2:15

mịẹtẹ ọmịnị angarị si, gulugulu fatẹ tomikiri mẹ ḅụ, ọ́ Tamụnọ karakara awọmẹ ḅara kẹ si na gboloma-a, tẹ fịafịatẹ ḍumo kọn ḅarị ḅara. Ịna ogboku ḅụ ó So-tọrụ ḅẹ alolia kọrị ḅara kẹ ḅịya pakaa,

Ḅẹrẹkọn-apụ 2:19

Kụma ḅẹrẹkọnḅọ ḅe fịị sakị fịị sakị, ini ọḅụ pịkị mu sii ịna aḍapụ mịẹ ḅara nẹngị ḅara mịẹm, oru-atamụnọ ḍukamẹnjị na fịrịmẹnjị ịn pịrị, tẹ sịḅị-tuu-tu ịn pịrị ḅụ; ịna amịẹaị tẹ ịn mịẹ-mịẹ aị ma ḅụ, anịanịa ịna etela ma tẹ kịnị na kura-a aị ma ḅụ gberie-sọ ịn wẹrịso-a.