Ditẹrọnọmị 32:3 - FỊAFỊA BAỊBỤLỤ

³ Gbala à KỊNỊNYANAḄỌ ẹrẹ mẹ kẹ kpo-kpo gbolo ḅẹ ẹrẹsị. Opu kẹ wamịna Tamụnọ pịrịị!

Ditẹrọnọmị 32:3 Iomraidhean Croise

1 Paka-aị 17:19

Yei KỊNỊNYANAḄỌ, ị̀ sịḅị ẹrẹsị, na anị wẹrịtẹ í ḅioḅẹngbọ sime-ḅara ḅụ ị́ mịẹ tẹ à mịna opu aị mamgba nimim mịnẹ ị́ nwẹn sime gburo-gburotẹ ye mẹmgba kọrị tẹ. Í pembe gbọrụḅọ-sọ ofori, Yei KỊNỊNYANAḄỌ,

1 Paka-aị 29:10

Anịẹrẹsị Devidi kobiri-ogbo mẹmgba tọrọkọ ḅụ KỊNỊNYANAḄỌ ḅe bomam, tẹ nwẹnị ḅẹẹ, “Yei KỊNỊNYANAḄỌ, wamịna ḍaḅọ, Izirẹlị ḅẹ Tamụnọ, boma sime ị́ pịrị mu ḅẹẹ-sakị ḅẹẹ-sakị la.

1 Paka-aị 29:11

Yei KỊNỊNYANAḄỌ gburo-gburo mẹ na, kụrọ mẹ na, ebube mẹ na, owu-ḅara-iḅi mẹ na, opu mẹ na í nyee; So ma ḅio na Kiri mẹ ḅio na simearị aị mamgba ị́ aị; ama-da mẹ í nyee, Yei KỊNỊNYANAḄỌ, anịsakị ị́yẹrị anie sịḅịdaḅọ tẹ saakị gele inweni-mgba nẹngị wararị ḅọ.

1 Paka-aị 29:13

Anịsakị wa mịọkụ ịmịẹtẹ kẹ ị́ ḅẹẹm, wamịna Tamụnọ tẹ ị́ ebube ẹrẹ mẹ tokinim.

Devidi-Anume 150:2

Ọ̀ kọrị tẹ opu akọrịnama ma gotẹ ò tokinii. Ọ̀ ḅakatẹ opu mẹ tokinii.

Paka-so 20:24

Lịka mie ọ́ kẹ agbamịẹ-anga nama ị̀ pịrị ḅarịye, tẹ anị ọgọnọ ḅụ ọmịna anana ma na, ọmịna pootẹ-anambulo ma na kẹ dọkịma-agba ma na, dein-pịrị-agba ma na mịẹ ị̀ pịrị ḅarịye; à mịẹtẹ kịnị ị̀ ẹrẹ kẹ ḅiokoroma ḅẹ anga goyegoye ḅụ à ḅo tẹ ó boma ḅa.

Paka-so 33:19

KỊNỊNYANAḄỌ ḅe nwẹnị ḅẹẹ, “À mịẹtẹ à kọn iḅi mamgba ị́ tọrọkọ mẹnjị-ḅọrọ ḅa, tẹ ị́ tọrọkọ ḅụ ị̀ ẹrẹ ‘KỊNỊNYANAḄỌ ḄE,’ mẹ go pakama ḅa; anịsakị à ḍiki-ḅụụjịrị nyana anị ḅọ mẹ tẹ à ḍiki-ḅụụjịrị nyana pịrị ḅẹ ḅọ mẹ pịrị ḅa, tẹ sịḅị-kụrụkụrụ nyana anị ḅọ mẹ tẹ àrị ọkụrụkụrụ nyana pịrị ḅẹ ḅọ pịrị ḅa.

Paka-so 6:3

À ḅụụ-pakama Ebira-amụ ḍiem, Ayịzịkị ḍiem, pịkị Jekọbụ ḍiem Kụrọmamgba Nyana Tamụnọ ḅara ḅụ, kụma arị ị̀ ẹrẹ, KỊNỊNYANAḄỌ ḅe, ḅara kẹ ị̀ ḅụụ mie pakama tẹ ini ì nimi-a.

Jerimaya 10:6

KỊNỊNYANAḄỌ, ị́ kịka gbọrụḅọ-sọ ofori; ị́ opu kụrọ nyana wararị, tẹ ị́ ẹrẹ opu na kụrọ na ẹrẹ.

Jerimaya 23:6

Ori ama-daarị sakị Juda ḅẹ apụ ma ye kẹ ịn lama ḅẹ ye ofori, tẹ Izirẹlịapụ ma dein ḅụ anga ḅa. Ịn kẹ ọ̀ sịn ḅarị ẹrẹ anie, ‘KỊNỊNYANAḄỌ ḅe anie Wamịna Ḅọrọma.’ ”

Matiyo 1:23

“Ḅụụ-gboloa iriawọ-tụḅọ fura tẹ owiḅọtụḅọ iyi ḅa, tẹ ịn kẹ ọ̀ sịn ḅarị ẹrẹ Ịmanụwẹlị” (anie fiearị, “Tamụnọ wamịnị na emi”).

Jọnị 17:26

À mịẹtẹ ini í nimi tẹ, tẹ à pịkị ọkọ mịẹ tọrọkọ mu ḅa, mịẹtẹ ị́ nyana ị̀ pịrị ḅẹlẹma mẹ ịna ḅụụ ḅio sime ḅarị ḅara, tẹ yẹrị sọ ịna ḅụụ ḅio sime ḅarị ḅara.”

Jọnị 17:6

“Tomikiri mẹ ḅụ ị́ sẹlẹ pakama-ḅo ị̀ pịrị apụ ma à mịẹtẹ ini í nimi tẹ. In sime ị́ pịrịm, tẹ ịn kẹ ị̀ pịrịm. Ini ị́ ẹkwẹn ḍuko ḅara mịẹ tẹ,

Ẹfisọsị 1:19

pịkị wamịnị minini apụ ma ḅụ ọ̀ kọrịarị opu kọrịnama ḍụḅa la ḅara na nimi. Wamịna ḅụụ ḅio kọrịnama kọrịarị kụrọ mẹ anie anị gbọrụ opu ịnyọ mẹ,

Ditẹrọnọmị 3:24

Yei KỊNỊNYANA-TAMỤNỌ, ị́ ḍụḅa mẹ na, í opu ḅara mẹ na mie ị́ paa kẹ saakị ị́ fịrịmẹnjịḅọ ḍie tẹ ye, kẹ gotẹ ọkọ ḅẹẹarị, tọ oru-tamụnọ So-ḅio anịanịa kiri ḅio emi tẹ inetẹ ị́ akọrịnama ma na, ị́ mịẹ opu aị ma na mịẹ ḅẹ?

Ditẹrọnọmị 5:24

tẹ ọ́ ḅẹẹm: Ḍikii, KỊNỊNYANAḄỌ wamịna Tamụnọ ḅe ori ebube na, ori opu na kẹ wa ḍie tẹẹ, tẹ wa pịkị ọ̀ pọkọ naa tẹ kọrị fịnị mẹ ogboku, mịmgba wa Tamụnọ tomḅọ na ẹkwẹn tẹ tomḅọ paa ḍumo-sime wararị ẹrị tẹ.

Mịẹfinji 15:3

tẹ ịn nwẹnị Mozizi, Tamụnọ fịrịmẹnjịḅọ ḅe na, Anana Tụḅọ ḅe na nume mẹ sụarị: “KỊNỊNYANAḄỌ, Kụrọmamgba Nyana Tamụnọ, ị́ amịẹaị ma ḍụḅam, pịkị ḅụụ-buamam! Tomikiri ḅẹ asịẹ ma ḅẹ Amadaḅọ, í etela mẹ kuram, pịkị karakaram!