Ditẹrọnọmị 32:2 - FỊAFỊA BAỊBỤLỤ

² Yee ì tolumaye eene mẹ koro ḅara koro, ị̀ ẹkwẹn, igirigi ye deinma ḅara deinma, deinma koro eene mẹ kpọ-a osuka ọgọnọ sime-ḅara sime, tẹ nwẹịn-nwẹịn eene asụan ọgọnọ sime-ḅara sime.

Ditẹrọnọmị 32:2 Iomraidhean Croise

2 Samụẹlị 23:4

ori ịn ọgọnọ dede bele paka-ḅo ḅara kẹ ḅịya-pakam kpiti So-tọrụ ofori dede-ḅio otuka puu-paka ḅara eene tẹ mịẹ tẹ osuka kiri mẹ ḅụ so-paka ḅara.

Devidi-Anume 65:10

Ye ḍiḅi ḅẹ tẹ soku tẹ aḍụọ ma ḅụ í gburo-gburoma eene ọsụma sararị, tẹ minji kẹ arị pisima tẹlẹmarị; í igirigi kẹ kiri mẹ lọkọmarị, tẹ mịẹ tẹ ịwọma ḍiḅi asịn ma so-pakarị.

Devidi-Anume 72:6

Yee amadaḅọ ḅe ye-ḍiḅi wararị ḍụọ mẹ ọgọnọ koroarị eene kịka, yee ọ̀ kiri ọgọnọ sararị nwẹịn-nwẹịn eene kịka.

Egberima-Ẹkwẹn 4:2

À kẹ í tolumarị ye mẹ iḅim, ọkọ ẹrẹsị anịmgba kẹ ḅiokoromaa.

Hosiya 14:5

À sime Izirẹlị pịrị ḅarị ḅara samụnọ kiri ḅụ koro eene kịka ḅa. Ịn fịlawa panga-ḅaa ḅara kẹ panga-ḅaa ḅa; ini iḅiọkụ kuno sụa kụrọma ḅa Lẹbanọnị ḅẹ sịn ọkụ.

Hosiya 6:4

Kụma KỊNỊNYANAḄỌ ḅe ḅẹẹarị, “Izirẹlị na Juda na, àrị ọ́ kẹ mịẹ ḅẹ-yearị ye tiye? Ọ́ nyana ị̀ pịrị ḅẹlẹma sarama soarị ḅara dede si-so kaan-so ḅara anị dede igirigi kịkarị anie dede-funfun ịmaịn-faarị ye mẹ.

Emọsị 7:16

Mie ḅụ mịọkụ KỊNỊNYANAḄỌ ḅe ḍukoarị ye pokii. Ị́yẹrị ị̀ ḅẹẹarị à ḅarị ịkịan koro ma, tẹ maa-tọrụsụaḅọ ḅara kẹ ẹkwẹn Izirẹlị ḅẹ apụ pịrị dasịẹmaa.

Mayịka 5:6

Okologie ḅụ ini Asiriya nẹngịma ḅa, tẹ lubulu ḅio nụnụ paka-ḅo okologie kẹ Nimirọdị nẹngịma ḅa; anịsakị ini Asiriya ḅẹ apụ ḅara ḅụ wa ḅọrọma ḅa, Nimirọdị wamịna ama ḅio sọ ḅo tẹ wamịna ama agara mẹnjị sakị.

Mayịka 5:7

Anịtẹso Izirẹlị ḅụ fịị-a tẹ kọn apụ ma, tọnwa tomi-kụlọkụlọ ogbo-ḅio, KỊNỊNYANAḄỌ ḅe fịrịma ye mịẹ iwomarị igirigi na, osuka ọgọnọ sịrarị nwẹịn-nwẹịn eene na sime-ḅara sime ḅa, Anịsakị ịn Tamụnọ ḅụụ ḅụ sịrẹrẹ ḅa, tomi ḅụ-a.

Zẹkaraya 10:1

KỊNỊNYANAḄỌ ḅe ḅara ḅụ eene ḅii, kụra aya-ḅịḅị mẹ ḅụ. KỊNỊNYANAḄỌ ḅe mie eene oḅuto ma na nwẹịn-nwẹịn eene ma na kẹ fịrịmarị, nwẹnị mịẹ tẹ ḍụọ ma ịwọ ḅẹḅọ-ḅẹḅọ pịrịarị.

Hiburu 6:7

Eene koro, koro tẹ eene-minji mẹ mẹnị ọkị tẹ, iḅi ḍiḅi aị pakama-ḅo arị ḍiḅi apụ pịrịarị kiri, anie Tamụnọ bomatẹ kiri.