Ditẹrọnọmị 32:16 - FỊAFỊA BAỊBỤLỤ

¹⁶ In ò jikemam igoni oru-atamụnọ na afana sọọ Tọn-tọn amịẹaị mịẹ kẹ in ori ịganịmam.

Ditẹrọnọmị 32:16 Iomraidhean Croise

1 Amadapụ 14:22

Juda KỊNỊNYANAḄỌ ḅe tọrụ ḅụ si mịẹm tẹ nwẹnị ori ịganịma tẹ ori ịna asi ma tẹ in mịẹ ịna aḍapụ mịẹ asi mamgba nẹngị asi ma afanam.

1 Amadapụ 14:9

kụma ị́yẹrị si mịẹ ị́ ọḅụjụ ama-da so tẹ apụ mamgba nẹngị fama tẹẹ, tẹ mu ja oru-atamụnọ nyana, tẹ ḅara kẹ ye kịkama tẹmẹ tẹ kẹ ị́ ḅụụ pịrị tẹ ị̀ kẹ ị́ ọḅụjụ gbin-koroma tẹẹ, tẹ ịganị sịn sakị tẹ ì ḅụụ ḅụ;

2 Amadapụ 17:11

tẹ arị gele ayeyọ mamgba ḅụ kụnụaị dọkịmam, opu asịẹ ma tẹ KỊNỊNYANAḄỌ ḅe ịna tọrọkọ ḅụ dogi siin apụ ma wẹrịtẹ mịẹ ḅara. Ịn si-sịḅịḅio amịẹaị mịẹm, kẹ KỊNỊNYANAḄỌ ḅe mịẹ tẹ ori ịganị,

2 Amadapụ 17:17

Ini ịna owiapụ-awọmẹ na eremịna-awọmẹ na dọkịmam kẹ agba mịẹ ḅara ḅụ, ịn ḅịrịapụ na majịkị-mịẹapụ na warị ye ḅiim, tẹ ịna aḅụụ kẹ KỊNỊNYANAḄỌ ḅe ḍiki-tọrụ ḅụ siye mịẹ dẹrịmam, kẹ ọ̀ mịẹ tẹ ori ịganị.

2 Amadapụ 21:6

Ori ori owiḅọtụḅọ dọkịmam kẹ agba mịẹ ḅara ḅụ, tẹ fụḅara-ḍiki-ḅịrịapụ na, ye ḅii amịẹaị na mịẹm, tọrụ tolu tẹ okoḅa-sarasara-ye-gbelapụ na, arịapụ na aḅara ḅụ. Ọ̀ KỊNỊNYANAḄỌ ḅe ḍiki-tọrụ ḅụ ḅaka si mịẹm, kẹ ori ịganị sịn-saakịma.

2 Amadapụ 23:13

Amadaḅọ ḅe nwẹnị pịkị amadaḅọ Sọlọmọnị Izirẹlị ḅẹ amadaḅọ ḅe Jeruselemu ḅụ ịrụa-saakịarị-anga na, ịn kẹ Kịnị Sima Tụndụ “Koropusiyoni Tụndụ” sịn anga ḅẹ ideri pakịrị ḅụ nama kẹ Asịtatị pịrị Sidọnị ḅẹ apụ tọn-tọn oru pịrị gele-ayeyọ ma pilema.

Devidi-Anume 106:29

Ịna amịẹaị ḅụ ịn KỊNỊNYANAḄỌ ḅe ịganị jike saakịm, tẹ ḅalafama si obi nwẹnị ịna ogboku saakị.

Devidi-Anume 78:58

Oru tẹkẹ-ayọ tẹ ịn nama ḅụụ pịrị-aị ma ori ịganịmam, ini oru-afụḅara tẹmẹ ye mẹ pịkị kpọma ori ịganị owimam.

Ayịzaya 43:12

À tọrọkọ paka ḅẹ ye ḍukom, anị tẹso, à ḅo ḅarasụa ọ́ pịrịm. Jen sịẹ ḅẹ oru-tamụnọ jene amụ miemẹ mịẹ-a; Ọmịnị anie ị̀ ḅẹrẹ-kiri sime apụụ.

Jerimaya 2:11

Jen gbọrụ sịẹ sọ amụ amịna atamụnọ ḍima-a, karakaramatẹ arị aị ma tamụnọ-a ḅẹ sọ. Kụma ì atomi tamụnọ nwẹn ḅẹẹ aị tẹ inetẹ gberie-sọ mịẹ ịn pịrị ḅịa aị ma kẹ Tamụnọ tẹ kụn ọkị-ḅo ịn pịrị tẹ ḅọ ḅe kiri ḍima tẹẹ.

Jerimaya 2:25

Izirẹlị, ịnyọ kẹ ị́ aḅụọ tama ma, anịanịa ị́ pọkọ-ḅẹ-ololo kpakịkịma ma, mangị-mangị oru-atamụnọ ḍuka mu ḅụ. Kụma ị́ mẹẹ, ‘Ẹn-ẹn! Arị inetẹ pịkị-ḅo ḅịa. À jen asịẹ ḅẹ atamụnọ ḅẹlẹma tẹ in ḍuka-mu ḅa.’ ”

Jerimaya 7:18

Awọmẹ ma sanga kolokoloarị, owiapụ ma fịnị tọnọarị, tẹ ereme ma fịlawa kpoo-kpoo tẹ kẹ kiki mịẹ-mịẹ ịn kẹ So-ḅẹ-Amada-Ẹrẹḅọ nwẹn sịn ẹrẹ oru ma pịrịarị. Ịn pịkị iru sara oru-atamụnọ pịrịarị, kẹ ị̀ ḅụụ-sịnịsịnịma ḅẹ ḅara.

Jerimaya 8:19

Pokii! Bebe amakiri mẹ ikelema-koro à naarị ì atomi owu pakamarị, KỊNỊNYANAḄỌ ḅe ọ̀ ḅarị jen kẹ Zayọnị ḅụ ofori? Zayọnị amadaḅọ ḅe ọ̀ ḅarị jen kẹ anị anga ofori? KỊNỊNYANAḄỌ, ịna amadaḅọ ḅe, pakịrịarị, “Ó tiegotẹ ị̀ ịganịma, anie sunsin ọmịna oru-afụḅara ma pịrị, pịkị iḅo ọmịna ofori-ofori ja asịẹ ḅẹ atamụnọ ma pịrị ḅụ?”

Izikẹlị 8:3

Ọ̀ nwẹnị ị̀ tọrụ ḅụ ḅara kịkaye sụn-pakama tẹ kẹ ị̀ sịḅị-ḅẹ-inume ḅụ gịẹsịma ì kuun-sịẹma. Anịtẹso mịẹ ịkịan mẹ ḅụ Tamụnọ tẹmẹ nwẹnị ị̀ saakị gelema So-tọrụ sọ mu tẹ ị̀ kẹ mu Jeruselemu la. Ori ị̀ kẹ Tamụnọ-warị mẹ ḅẹ ọgọnọ-jụ ḅẹ ogigo-ḅọkọ sọ mu anga mẹ mum, anie Tamụnọ ịganịma ḅụra oru-fụḅara sime anga mẹ.

Lẹvitikọsị 18:27

Kẹ gotẹ ọkọ ḅẹẹarị, ama mẹ ḅẹ atomi ma mịna tọn-tọn-aị mamgba mịẹm, inima tẹ ọmịna tọrọkọ tarị sime-sime apụ ma. Anie mịẹtẹ ama mẹ ḅo pilemam.

1 Kọrịntị 10:22

Anịanịa, wa ḅọrọ KỊNỊNYANAḄỌ ḅe ịganịma ḅẹ ḍọkịarị ḅoto? Wa ọkịarị wa kụrọ ọ̀ nẹngị wararị ḅoto?

Ditẹrọnọmị 32:21

In ì jikema tẹ arị aniemẹ tẹ tamụnọ-a ye na afana sọ tẹ, ini ịna akpokobịa ma kẹ ị̀ ịganịma tẹẹ. Anị ḅara mie à kẹ ịn jikema tẹ ini inima tẹ tomi-a tomi ma na afana sọ ḅarị ḅara; à ye-nimia gbọrụ opu sịẹ ḅụụ sọ tẹ ini ịganịma ḅa.

Ditẹrọnọmị 5:9

Ọ́ sunsin arị pịrị ma, pịkị fịrịmẹnjị arị pịrị ma, kẹ gotẹ ọkọ ḅẹẹarị, yẹrị KỊNỊNYANAḄỌ ọmịna Tamụnọ ḅe anie afana Tamụnọ tẹ ḍapụ ma mịẹ-irima ye mẹ kẹ awọmẹ ma ọgọnọ gbanarị mu inima tẹ ì ḍiki-ḅioḅuarị apụ ma ḅụ tẹrẹị karama ḅụọ na, ini karama ḅụọ na laarị.

Ditẹrọnọmị 7:25

Ịn kẹ ye kịkama tẹmẹ wararị ịna oru-atamụnọ ma ọ́ fịnị kẹ arị dọkịma ḅa, arị ọgọnọ simearị seleḅa, anịanịa golu mẹ ọ́ nwẹn mọnị ma, anịanịa arị ọkị ọmịna aḅụụ pịrị; anieofori anị ḅofa ḍiein sọ tẹ ó tuu koroma; kẹ gotẹ ọkọ ḅẹẹarị, anị tọn-tọnye sọ KỊNỊNYANAḄỌ ọmịna Tamụnọ ḅe pịrị wararị.