Ditẹrọnọmị 32:11 - FỊAFỊA BAỊBỤLỤ

¹¹ Igo tẹ fiin kẹ amịna feni awọmẹ tolumarị ye sime-ḅara, tẹ fiin-fiin amịna asambịrịma feni ikelemarị amịna apamba finjima-finjima ịn kuun-ọkịarị tẹ amịna pamba ḅẹ pịkọ ọgọnọ ịn dogiarị.

Ditẹrọnọmị 32:11 Iomraidhean Croise

Suku-saakị 1:2

kiri mẹ gbọrụ ọrụtọn ḅara sọ sime-a, tẹ gberie-sọ ofori ḅara kẹ koro-simem. Kanakana mie pokolotẹ abajị mẹ gbaịn-koro wararị, tẹ Tamụnọ Tẹmẹ ḅe minji mẹ ọgọnọ mẹnjị-mẹnjị saḅarị.

Devidi-Anume 18:10

Ọ̀ pamba-sụa ye kpọlịtẹ vuunma fiinm; fẹrụ mẹ apamba ọgọnọ mie ọ̀ ḅọrọ ò mu anga mu ye.

Paka-so 19:4

Ọmịnị à kẹ Ijiputi-ḅẹ-apụ ma mịẹ ye na, arị igo apamba ọgọnọ ó dogi tẹ ọmịnị ọkị-ḅo ị̀ ḅụụ pịrị ḅara na ẹrị tẹ.

Ayịzaya 31:5

Feni fiin ọ̀ warị ikelema-ikelema tẹ amịna awọmẹ gbaịn ḅọrọmarị gbọrụ ḅara mẹ, mie yẹrị, Kụrọmamgba nyana KỊNỊNYANAḄỌ ḅe, kẹ Jeruselemu gbaịn tẹ anị ḍụa ḅarị ḅara.”

Ayịzaya 40:31

Kụma ini ma tẹ ḅarasụa gotẹ KỊNỊNYANAḄỌ ḅe kẹ ḅiokpọmarị apụ ma ḍọkị nimi ḅa ini ịwọ ịnyọ sụa tẹ. Ini igo fiin iwo tẹ ịwọ ịnyọ nyana ḅara kẹ naa sakị ḅa; ịn mangị ḅa tẹ ịn ḅụụ-lọkọ ḅịa; ịn mẹnjị ḅa tẹ ịnyọ ịna ḅụụ fa ḅịa.

Ayịzaya 46:4

Yẹrị ọmịna Tamụnọọ, tẹ pịkị ó ḍikiḍiki nwenii ọmịnị omongi tẹ ọmịna sịḅị iḅulu ḅịya ḅa. Yẹrị ọ́ tẹmẹm, à pịkị ó ḍikiḍiki ḅa; à ḅarasụa ọ́ pịrị tẹ ọ́ pụkọ-pakamaḅo ḅa.

Ayịzaya 63:9

ịna tọrụsiẹrị mamgba ḅụ. Enjẹlị-a, kụma KỊNỊNYANAḄỌ ḅe ḅioju mie ịn ḅọrọma ye. Ọ̀ ḅẹlẹma na sịḅị-kụrụkụrụ na ḅụ ori ịn pụkọ-pakamaḅom. Sakị mamgba ori ịn balarị ḅọrọtẹ sakị ḅụ sọ,

Jerimaya 13:11

Okolo-kapa kpataịma konju oḅoloarị ḅara mẹ anie à ḅii ḅara, mịnẹ Izirẹlị na Juda na ḅẹ apụ ma ọkọ kẹ ì oḅolo kụrọma. À gotẹ miemẹ mịẹ ye ini ị̀ atomi sọ tẹ tokini na kụn na ọkị-ḅo ị̀ ẹrẹ pịrị ḅarị ḅara; kụma ịn ḍụkụ tẹ ị̀ ḅịḅịpoki-a.”

Hosiya 11:3

Anịsọ yẹrị anie Izirẹlị toluma tẹ ịn mẹnjị ḍịn ḅọ ḅee. Àrị ì kuḅu ḅio ị̀ atomi saakị dogim, kụma yẹrị in ḍikiḍiki pakama-ḅo ye mẹ in minini ḍụkụ-a.

Ditẹrọnọmị 33:12

Benijamịnị gbolomaye ḅụ ori mẹẹ: KỊNỊNYANAḄỌ ḅe ḅẹlẹmarị ḅọ ọ̀ ḅụụ ḅụ ò ye ḅụụ la-a ḅara angarị bebe ene mamgba ḅụ ori ọ̀ gbaịn ikelemarị, tẹ ori ò kuḅu ḅio angarị.

Hiburu 11:3

Minini ḅụ mie wa ḅọrọ tẹ nimi ye, mịnẹ Tamụnọ ẹkwẹn-ḅịḅị kẹ so na kiri na tẹmẹm, mịẹtẹ tọrụngbọ inetẹ ẹrịarị aị ma ḅo tọrụngbọ inetẹ ẹrị-a aị ma ḅụ ḅọrọ tẹ tẹmẹ-aị sọ tẹ.

Mịẹfinji 12:14

Tamụnọ nwẹnị maa opu igo apamba kẹ á pịrị, á kẹ fiin ịkpa mẹ ḅio á sime-sime anga mẹ muu, anịanga ịn tẹra akụra na pakịrị na kẹ á ḍikiḍiki kpaịnma tẹ daragọnị ḅe ḅarị mu ye kẹ á lama ḅịa.

Mịẹfinji 12:4

Ọ̀ nwẹnị ori etemi kẹ So-ḅio simearị alolia ma kẹ tẹra kiri ḍie ḅẹ gbọrụ kiri kpọrọrọ tomikiri sara. Ọ̀ nwẹnị mu ẹrẹḅọ ma tọrọkọ sịẹ, mịẹtẹ árị á tụḅọ mẹ iyi koroma gbọrụ kiri, ori ọkị pẹị ḅẹ ḅara.