Ditẹrọnọmị 30:3 - FỊAFỊA BAỊBỤLỤ

³ anịtẹrẹmẹ mie KỊNỊNYANAḄỌ ọmịna Tamụnọ ḅe ọmịna iḅi fụḅara mẹ pịkịma-ḅo ọ́ pịrị tẹ ọkụrụkụrụ nyana ọ́ pịrị ḅarịye; tẹ sin tomi-kụlọkụlọ ma tẹ KỊNỊNYANAḄỌ ọmịna Tamụnọ ḅe ọ́ gala-galama suu anga mamgba ḅụ ó kobiri ḅarịye.

Ditẹrọnọmị 30:3 Iomraidhean Croise

Suku-saakị 28:15

Ḍikii, arị ị́ na emii, tẹ í mu anga, mu anga ḅụ ị́ wẹrị kpaịnma ḅa, tẹ pịkị ị́ kẹ mị ama mẹ ḅo ḅa; kẹ gotẹ ọkọ ḅẹẹarị, arị ị́ koroma-so ḅịa nwenii arị aniemẹ tẹ à ḍuko ị́ pịrị tẹ ye mẹ mịẹ ḅa.”

Suku-saakị 48:21

Anịtẹso Izirẹlị nwẹnị Josẹfụ ḅẹẹ, “Ḍikii, à fịị ḅẹ-yearị, kụma Tamụnọ ị́ na sime ḅa, tẹ pịkị siin ị́ kẹ ị́ aḍapụ ama mẹ ḅo ḅa.

1 Paka-aị 16:35

Pịkị ḅẹẹ, “Yei Tamụnọ, wamịna ḅọrọmaḅọ, wa ḍụa-ḅọrọmaa, wa kobiri tẹ wa ḅọrọmaa, sịẹ-sịẹ ma ogboku, mịẹ tẹ wa ịmịẹtẹ kẹ ị́ fịafịa ẹrẹ ḅẹẹ, tẹ í tokini mẹ wamịna opu sọ ḅẹ ḅara.

Nehimaya 1:9

kụma ọ́ pịkịma ị̀ ḍọkụma-ḅom tẹ ì oloko ma koko tẹ arị mịẹ-mịẹ, ọ́ gala-gala mu ala-tẹịn So-atọrụ ma suku-ḅio sọ-sọ, arị arị ayọ ma ḅụ ó kobiri ḅo à ḅẹẹm ị̀ ẹrẹ mẹ sime ḅẹ tẹ à sẹlẹ-ọkị anga mẹ ḅụ koroma ḅa.’

Jobu 42:10

Jobu tẹkẹ ori ikiapụ ma pịrị fama tẹso, KỊNỊNYANAḄỌ ḅe elemu ọ̀ nyana aị ma kẹ ọ̀ gbẹẹm, tẹ Jobu tarị nyana ye ḅụ KỊNỊNYANAḄỌ ḅe maaịn-maaịn kẹ ọ̀ pịrịm.

Devidi-Anume 107:3

jen asịẹ ḅụ ori ịn pịkịma-ḅo tẹẹ, ịrụa saakị paka-ḅoarị anga mẹ ḅụ na anị tuuideriarị anga mẹ na, ọgọnọ-jụ na suku-jụ na.

Devidi-Anume 147:2

KỊNỊNYANAḄỌ ḅe mịẹ tẹ Jeruselemu naa-saakịarị; ori in kun so ja sịẹ mu apụ ma pịkịma-ḅoarị.

Ayịzaya 27:12

Anị ene mẹ ḅụ, Yuferetisi tọrụ ḅụ ọkị mu Ijiputi kiri mẹ kunoma anga la, KỊNỊNYANAḄỌ ḅe ori atomi sịn kobiri ḅa, gbọrụḅọ-gbọrụḅọ, gbala tomḅọ mbịaka mgbọlị ḅụ fun sẹlẹ-siin ḅara.

Ayịzaya 43:5

Ḅalafa ma — yẹrị na ị́ na emi! “Sụma-jụ ịrụa saakị paka-ḅoarị yọ mẹ na anị tuuideriarị ala-tẹịn yọ mẹ na ḅụ arị í atomi ma ọkị ama ḅo ḅa.

Ayịzaya 54:7

“Boowa kala-sakị mie à kẹ í koroma so ye; pokolo tẹ ḅẹlẹma mie à kẹ ị́ kẹ pịkị-ḅo ḅarịye.

Ayịzaya 56:8

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe, anie amịna atomi Izirẹlị kẹ kun-ḅara ḅụ pịkị ama ḅo tẹ ḅọ ḅe, minini tẹ mịnẹ ọ̀ paa jen-apụ sọ kẹ ḅo ịna ḅụ sụa ḅa.

Jerimaya 12:14

KỊNỊNYANAḄỌ ḅe mẹẹ, “Izirẹlị na kpekitẹ anga apụ tẹ à kẹ ị̀ atomi Izirẹlị pịrị amakiri mẹ guluguluma apụ ma ḅụ à ḍuko ḅẹ ye emi. Àrị arị si-sịḅịḅio-sụapụ ma ọkị-so ḅa ịna sime-yọ ḅụ, suku-na-suku-na kẹ kiri ḅio ḍiḅi wararị sịn nụnụ pakama-ḅo ḅara, tẹ Juda pụkọ-pakamaḅo ḅa ịna aḅara-ḅio.

Jerimaya 23:3

Ị̀ atomi ma ḅụ kirikọn-apụ arị in kobiri ḅo ḅa, arị ịn gala-galama mu la asịẹ ma ḅụ, tẹ àrị ịn kẹ ḅo ịna amakiri lama ḅa. Ịn tọnwa awọmẹ nyana tẹ ịna kịẹn-ḅịḅị sun ḅa.

Jerimaya 29:14

Inn, à ḍukoarị, ọmịnị ị̀ ḍọkị ẹrị ḅa, tẹ arị ọ́ kẹ pịkị ọmịna amakiri ḅo ḅa. Sịẹ goyegoye na ye-yọ goyegoye na tẹ arị ọ́ gala-gala mu la anga ma, arị ó kobiri ḅa, tẹ ọ́ kẹ pịkị-ḅo ó simearị tẹ arị ọ́ kẹ kun-so mu yọ fịrịma amakiri mẹ la ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 31:10

KỊNỊNYANAḄỌ ḅe mẹẹ, “Tomikiri ḅẹ asịẹ, ọmịnị ì pokii, tẹ ị̀ ẹkwẹn ma ḍuko wasama mu ala-jụ simearị dọkụ mu sọmarị ayọ ma lama. Yẹrị ị̀ atomi gala-galam, kụma arị in kobiri ḅa tẹ in kikima ḅa anana-ḍikiḍikiḅọ amịna anana-ogbo kikima ḅara.

Kururu Owu-apọkọ 3:22

KỊNỊNYANAḄỌ ḅe jike-a ḅẹlẹma mẹ gbala-gbala daasịẹ-sịẹ-a, ori ọkụrụkụrụ mẹ gbala-gbala kunoma kunoma-a.

Kururu Owu-apọkọ 3:32

Kụma, ò kururu pakama sọ, ọ̀ sịḅị-kụrụkụrụ nyana ḅa, ò jike-a ḅẹlẹma mẹ wẹrịtẹ ḍụḅa la ḅara ḅụ.

Izikẹlị 11:17

“Mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye mẹ ḍuko ịn pịrịị. Àrị ịn gala-galama mu tẹ amakiri ma ḅio in kobiri pakama-ḅo ḅa, tẹ Izirẹlị amakiri mẹ kẹ siin ịn pịrị ḅa.

Izikẹlị 36:24

Sịẹ goyegoye na amakiri goyegoye na ḅụ arị ọmịnị ọkị pịkị-ḅo ọmịna soku-ḅẹ amakiri lama ḅa.

Izikẹlị 39:28

Anịtẹso ị̀ atomi ma nimi ḅa mịnẹ yẹrị anie KỊNỊNYANAḄỌ ḅe. In miemẹ nimi ḅa, à kun-ḅara kẹ in kẹ fịrịmam, tẹ mịọkụ àrị ịn kẹ pịkị-ḅo ịna ḅara-kuḅu ḅẹ amakiri lamatẹ ẹrẹsị, kpọkpọ gbọrụḅọ-sọ koroma-soa ḅara ḅụ.

Mayịka 7:19

Ị́ ọkụrụkụrụ mẹ pịkị siin gbọrụ sakị kẹ sime wa pịrị ḅa. Ị́ wamịna asi nanga ḅa ị́ ḅụọ-suku ḅụ, tẹ arịmgba kẹ tọrụ mẹ ḅẹ owolo ḅio wakị nguma ḅa!

Zẹkaraya 10:9

Karakaraye àrị ịn gala-galama sịẹ-sịẹ ogboku suu tẹ ḅẹ sọ, ịn paa ala fa wararị ayọ ma ḅụ sime tẹ ị̀ kẹ ḅiokoroma ḅa. Ini na ịna awọmẹ na fịị-a so tẹ gbọrụ ḅụ pịkịma ama ḅo ḅa.

Romu 11:23

Ini Juu-ḅẹ-apụ ma sọ, ini ịna minini nyana-a mẹ ḅụ ḅara-siin kụma ọ̀ pịkị ịn kẹ ịna sime kiri koroma ḅa. Gbala Tamụnọ inetẹ aniemẹ mịẹ ḅa.

Romu 11:26

Mie Izirẹlị mẹmgba ḅọrọtẹ ḅọrọma ḅarị ḅara. Fịafịa Ḍiri mẹ ḅẹẹm, “Ḅọrọmaḅọ ḅe Zayọnị ḅụ sime tẹ ḅo tẹ Jekọbụ furo-ḅẹ-apụ ma ḅụ si-sịḅịḅio mẹmgba sin ḅa.

Romu 11:31

Ọmịna ḅara la ọkụrụkụrụ mẹ gotẹ, Juu-ḅẹ-apụ ma sọ ḅarị ḅịḅị poki-a, ọkụrụkụrụ anị ḅụ ḅo ịn la ḅarị ḅara gotẹ, anị ḅo ọ́ la gbọrụ ḅara mẹ.

Ditẹrọnọmị 13:17

Sime sima pịrị aị ma ḅẹ gberie-sọ ọmịna ḅara sọ ma; mịẹtẹ KỊNỊNYANAḄỌ ḅe ọ̀ ḅalafama ịganị ḅụ pịkị tẹ ọkụrụkụrụ na, ḍiki-ḅụụjịrị na nyana ọ́ pịrị, tẹ ọ̀ wẹrịtẹ ye karị ḅara kẹ minini ọmịna aḍapụ ma pịrị ḅara ori ọ́ mịẹtẹ ọ́ kama ḅẹ ḅara,

Ditẹrọnọmị 4:27

Anịsakị KỊNỊNYANAḄỌ ḅe ọ́ gala-galama ḅa tomi ma ogbo-ḅio ḅụ, tẹ opu asịẹ ma ogbo-ḅio KỊNỊNYANAḄỌ ḅe ó dee mu suu ḅarị anga ḅụ ọmịna aḅụụ kirikọn ḅarị apụ kịẹn-ḅịḅị kịsị ḅa.