Ditẹrọnọmị 30:2 - FỊAFỊA BAỊBỤLỤ

² tẹ ọmịnị na, ọmịna awọmẹ na, pịkịma KỊNỊNYANAḄỌ ọmịna Tamụnọ ḅe ḍọkụma-ḅo, tẹ mịmgba à tọn ọ́ pịrị aị mamgba ḅụ ọmịna ḅioḅẹngbọ mẹmgba na, ọmịna ḅala mẹmgba na kẹ ọ̀ ḅịḅị poki rẹ,

Ditẹrọnọmị 30:2 Iomraidhean Croise

1 Paka-aị 29:17

Ị̀ Tamụnọ, à nimi wararị mịnẹ ḅioḅẹngbọ mẹ mie ị́ daaḍikiarị ye tẹ tụkụ sịẹ ḅụ ḅioḅẹlẹ nyanam; ị̀ ḅioḅẹngbọ kẹ karakara ḅụ à mịna aị mamgba kẹ tọn ị̀ pịrị-a ḅara ḅụ agba mịẹ ị́ pịrị tẹẹ, à pịkị mịọkụ ị́ atomi ma ẹrị tẹẹ, inima tẹ mịanga ḅụ sime tẹ ḅioḅẹlẹ ḅara kẹ tọn ịn pịrị-a ḅara ḅụ agba mịẹ ị́ pịrịarị apụ ma.

1 Paka-aị 29:9

Anịtẹso tomi ma nwẹnị ini ịna kuroma ḅo ḅara kẹ ḅarana pịrị aị ma gotẹ ḍereku, gbala ini ịna bebe ḅioḅẹngbọ kẹ tọn ịn pịrị-a ḅara ḅụ agba mịẹ KỊNỊNYANAḄỌ ḅe pịrị tẹ ẹrẹsị; Devidi amadaḅọ ḅe sọ nwẹnị gburo-gburo ḅara kẹ ḍereku.

2 Paka-aị 30:9

Kẹ gotẹ ọkọ ḅẹẹarị, ọ́ pịkịma KỊNỊNYANAḄỌ ḅe ḍọkụma-ḅo ḅoo, ọmịna mịnapụ na, ọmịna awọmẹ na ịna kun apụ ma ḅụụ sịḅị-kụrụkụrụ na ḅarasụa na ḍọkị-ẹrị ḅa, tẹ pịkịma mị ama mẹ ḅo ḅa. Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ḍiki-ḅụụjịrị na, sịḅị-kụrụkụrụ na nyana wararị tẹ ọmịna ḅụụ ọ̀ tọrụ pịkị siin ḅịa, ọ́ pịkịma ọ̀ ḍọkụma-ḅo ḅoo”.

Nehimaya 1:9

kụma ọ́ pịkịma ị̀ ḍọkụma-ḅom tẹ ì oloko ma koko tẹ arị mịẹ-mịẹ, ọ́ gala-gala mu ala-tẹịn So-atọrụ ma suku-ḅio sọ-sọ, arị arị ayọ ma ḅụ ó kobiri ḅo à ḅẹẹm ị̀ ẹrẹ mẹ sime ḅẹ tẹ à sẹlẹ-ọkị anga mẹ ḅụ koroma ḅa.’

Devidi-Anume 119:2

Ḅioḅẹlẹ sime ọ̀ tọn kuroma aị ma ḍukamẹnjịarị apụ ma pịrịm, anie amịna ḅioḅẹngbọ mamgba kẹ ọ̀ ḅịḅị pokiarị apụ ma.

Devidi-Anume 119:80

Yee à bebe ḅara kẹ ị́ tọn kuroma aị ma poki tẹ mịẹ, mịẹ tẹ owu-ḅara-sii ḅụụ-jịrị ḅo ị̀ la ḅịa ḅara.

Devidi-Anume 41:12

Ị́ ḅarasụa ị̀ pịrị ḅa, à kuraye mịẹarị ẹrẹsị: ị́ ị̀ kẹ ị́ tọrọkọ wẹrị mu ḅẹẹ-sakị ḅẹẹ-sakị la ḅa.

Jerimaya 29:13

Ọmịnị ị̀ ḍọkị ḅa, tẹ ọmịnị ị̀ ḍọkị ẹrị ḅa, ọmịnị ọmịna ḅioḅẹngbọ mamgba kẹ ị̀ ḍọkị ḅarị ẹrẹsị.

Jerimaya 3:10

Tẹ ma-mamgba ḅọrọ tẹso, Juda, Izirẹlị si ịyịmbara ma, oḅori kẹ ị̀ sịn ḅara kẹ pịkị ị̀ dama-ḅom; anị á tẹmẹ-la-a. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 36:3

Ẹbịsịya Juda ḅẹ atomi ma arị ọkị-ḅo ịna ọgọnọ gbana ḅẹ tọn-arị guluguluma mẹ gboloma ye naa sakị ini ịna si etela ma ḅụ pịkị ḅa. Anịtẹso arị ịna si-sịḅịḅio na ịna asi na wẹrịso ịn pịrị ḅa.”

Jerimaya 4:14

Jeruselemu, í ḅioḅẹngbọ ḅụ si mẹ sịkịrị-siin, mịẹ tẹ ị́ ḅọrọma ḅarị ḅara. Í si-aị kuroma mu tọ sakị la ḅẹ?

Kururu Owu-apọkọ 3:32

Kụma, ò kururu pakama sọ, ọ̀ sịḅị-kụrụkụrụ nyana ḅa, ò jike-a ḅẹlẹma mẹ wẹrịtẹ ḍụḅa la ḅara ḅụ.

Kururu Owu-apọkọ 3:40

Ó yee wa wamịna etela ma sọkịrị tẹ arị pekele-ḍiki, tẹ pịkịma KỊNỊNYANAḄỌ ḅe ḍọkụma-ḅo!

Izikẹlị 6:9

ịn nwẹnị arị ayọ ma ḅụ kun-soapụ ḅara kẹ anga ḅa. Anịjụ ḅụ ini ị̀ kẹ ḅiokoroma tẹ nimi ḅa mịnẹ yẹrị in fomum, pịkị ịna atọrụ tuum, ịna minini nyana-a aḅioḅẹngbọ ma ị̀ ḅụ mangị-so tẹ oru-afụḅara kẹ ye-sịn ị̀ nẹngị tẹẹ ẹrẹsị. Ịna ḅụụ-ngụngụma siye na ḅụụ kẹ iderima kiri koroma aị na tẹ ịn mịẹ tẹ aị gotẹ.

Hosiya 3:5

Kụma sakị ḅo ḅa Izirẹlịapụ ma siin pịkị KỊNỊNYANAḄỌ ịna Tamụnọ ḅe dama-ḅo ḅarị sakị, pịkị Devidi furo paka-ḅo ịna amadaḅọ na. Anịtẹso ịn KỊNỊNYANAḄỌ ḅe ḍiki-ḅalafaa ḅa tẹ ori iḅi ḍiepịrị-aị daa-ọkị ḅa.

Lẹvitikọsị 26:40

Kụma ịn nwẹnị ịna mịẹ-irima na, ịna aḍapụ kịnị pikirima ḅụ ịna mịẹ-irima tẹ ịn kẹ ị̀ mịẹ, tẹ mẹnjị ḅụ sọ ị̀ na tụḅụrụ ḅara mẹ kẹ si go,

Zẹkaraya 12:10

Devidi furo-ḅẹ-apụ ma na Jeruselemu ḅụ simearị osi apụ ma na arị ọkụrụkụrụ tẹmẹ na tẹkẹ tẹmẹ na kẹ ịna aḅụụ suu ḅinma ḅa. Ini ini ogie kẹ temi ḅaa ḅọ ḅe ḍiki ḅa, tẹ ò ḍuu ḅa, ngẹrị tụḅọ ḍuu ḅara kịka ḅara. Ini akụ tẹmẹ kẹ ḍuu ḅa, amịna mgbe fịị ḍuuarị apụ kịka ḅara.

2 Kọrịntị 3:16

Kụma anị inetẹ so ḅa Fịafịa Ḍiri mẹ Mozizi gboloma ye mẹ ḅụ ḅẹẹ ḅara, “Mozizi pịkị KỊNỊNYANAḄỌ ḅe da tẹso, ọ̀ tọrụ gbaịn ḅịtẹ mẹ som.”

Ẹfisọsị 6:24

Yee Tamụnọ ḍiki-ḅụụjịrị, fịị fịị-a ḅẹlẹma wa Nyanaḅọ Jizọsị Kịrayịsị ḅẹlẹmarịapụ mamgba na sime.

Ditẹrọnọmị 13:3

ọmịnị anị ịkịankoroḅọ ḅe anịanịa anị ḍawọ-puuḅọ ḅe ẹkwẹn-aḅịḅị poki ma; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọ́ daaḍikiarị, ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na kẹ KỊNỊNYANAḄỌ ọmịna Tamụnọ ḅe ḅẹlẹma ḅoto.

Ditẹrọnọmị 6:5

Anịsakị ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na, ọmịnị ịnyọ mẹmgba na, kẹ KỊNỊNYANAḄỌ ọmịna Tamụnọ ḅe ḅẹlẹma ḅa.

1 Jọnị 1:9

Kụma wa wamịna asi ḍuko pakama Tamụnọ pịrị kụma, ori ò minini ḅara mịẹ tẹ kuraye mịẹ ḅa: ọ̀ wamịna asi wẹrịso wa pịrị tẹ, wamịna mịẹ-irima mamgba ḅụ wa sịkịrị fịafịama ḅa.