Ditẹrọnọmị 3:6 - FỊAFỊA BAỊBỤLỤ

⁶ Wa ịkatakirikọn-a-ḅara kẹ ịn ḅaam, wa kẹ wẹrịtẹ Siyọnị, Ẹsịbọnị ḅẹ amadaḅọ ḅe mịẹ ḅara, opu ama goyegoye ḅụ owiapụ na, ereme na, awọmẹ na ḅaa ḅụ.

Ditẹrọnọmị 3:6 Iomraidhean Croise

Kịẹn-aḅịḅị 21:2

Anịtẹso Izirẹlị nwẹnị ịlọ minini KỊNỊNYANAḄỌ ḅe pịrị tẹ ḅẹẹ, “Ị́yẹrị nwẹnị karakara ḅara kẹ mịna atomi ma kẹ ị̀ ḅara ḅio suu ḅẹḅẹ anịrẹ arị ịkatakirikọn-a-ḅara kẹ ịna opu ama ma ḅaa fama ḅa.”

Ditẹrọnọmị 1:4

Ò Sihọnị, Amọrayịtị apụ ma amadaḅọ tẹ Ẹsịbọnị ḅụ sime ḅọ ḅe na, Ọgụ, Basani ḅẹ amadaḅọ tẹ Asịtarọtị na, Ẹdẹrẹyi na ḅụ sime ḅọ ḅe na nẹngịma tẹso,

Ditẹrọnọmị 2:24

Ọ́ saakịị, tẹ ọmịna mẹnjị kọntẹ Anọnị mẹ ḅẹ Tụndụ Ogboku mẹ mẹnjị saḅaa; ḍikii, à Siyọnị Amọrayịtị ḅọ Ẹsịbọnị ḅẹ amadaḅọ ḅe na ori ama na kẹ ọmịna ḅara-ḅio ḅụ ọ́ pịrị tẹ, ọ́ saakị owu kẹ ọ̀ pakaa tẹ anị ọkị nyana-a.

Ditẹrọnọmị 2:34

Anị sakị mẹ ḅụ wa ori opu ama mamgba ọkịm, tẹ ịkatakirikọn-a-ḅara kẹ ori opu ama goyegoye ḅụ owiapụ na, ereme na, awọmẹ na ḅaa famam. Gbọrụḅọ-sọ wa ḅaa kọnma-a.

Ditẹrọnọmị 29:6

ọmịnị ḅarana ọmịna fịye nyana tẹ fị-a, anịanịa iru, anịanịa kụrọtẹ iru nyana tẹ ḅuu; mịẹtẹ ó nimi ḅẹ ḅara mịnẹ yẹrị anie KỊNỊNYANAḄỌ ọmịna Tamụnọ ḅe.

Ditẹrọnọmị 3:2

Kụma KỊNỊNYANAḄỌ ḅe nwẹnị ị̀ ḅẹẹ: Ò ḍiki-ḅalafa ma, kẹ gotẹ ọkọ ḅẹẹarị, arị ori na, ori atomi mamgba na, ori ama na kẹ ị́ ḅara-ḅio ḅụ ị́ pịrị tẹ; anịsakị ị́ kẹ Siyọnị, Amọrayịtị apụ ma amadaḅọ ḅe tẹ Ẹsịbọnị ḅụ sime ḅọ ḅe mịẹ ḅara kẹ ị́ ọ̀ mịẹ ḅa.

Ditẹrọnọmị 3:5

Mịna opu ama mamgba anie ịn gele-geletẹ onu na, ogigo-aḅọkọ na, ẹngbẹsẹ na kẹ ọmụ gotẹ mịẹ kụrọma wararị aị, onu gbori-a tọnwa akala-ama sikima.

Jọsụwa 11:14

Izirẹlịapụ ma mịna opu ama ma ḅụ ọmụ mẹ ḅio ọkị aị mamgba na opu anama ma na ini ọkị ịna aḅụụ pịrịm kụma tomḅọ goḅọ-goḅọ ini okologie mẹ kẹ pẹlẹ ḅaa nwenii ḅẹḅọ-ḅẹḅọ tẹ ọwụ-sararị ḅọ tẹ ịn kọnma ḅọ ofori.