Ditẹrọnọmị 3:22 - FỊAFỊA BAỊBỤLỤ

²² In ḍiki-ḅalafa ma, kẹ gotẹ ọkọ ḅẹẹarị, owu mẹ sọ ị́ pịrịarị ḅọ anie KỊNỊNYANAḄỌ ị́ Tamụnọ ḅee.”

Ditẹrọnọmị 3:22 Iomraidhean Croise

2 Paka-aị 13:12

Ḍikii, Tamụnọ wamịna sịḅịkọ ḅụ wamịnị na emi, tẹ ori agbamịẹapụ ịna owu ọdụ ma ọlọ wararị, kẹ ofuro tẹ ọmịnị na sọ ḅarị owu mẹ sịn koroma. Yei Izirẹlị ḅẹ awọmẹ, ọ́ KỊNỊNYANAḄỌ ọmịna aḍapụ ma tẹkẹarị Tamụnọ ḅe na owu sọ ma, kẹ gotẹ ọkọ ḅẹẹarị, ọmịna aḅara iḅi ḅịa.”

2 Paka-aị 20:17

Mị owu mẹ ḅio ọmịnị owu sọ ḅẹ ḅii ḅịa; ọmịnị ọmịna sime-kiri ọkị tẹ paa tụkụ sịẹsimee, tẹ KỊNỊNYANAḄỌ ḅe ó gotẹ nyana owu-ḅara-iḅi mẹ ẹrị. Yei Juda na Jeruselemu na, ọ́ ḅalafa ma, tẹ ḅụụ tukutuku ma; ene-ḅaa ọ́ paka mu owu kẹ in pakaa, anịsakị KỊNỊNYANAḄỌ ḅe ọmịnị na sime ḅa!’ ”

2 Paka-aị 20:29

KỊNỊNYANAḄỌ ḅe Izirẹlị na fịya-a apụ ma na owu sọm mẹ, opu asịẹ ma ḅẹ sịẹ-sịẹ mamgba anị naa tẹso, Tamụnọ mangịma mẹ nwẹnị ḅo ini ọgọnọ gbana.

Nehimaya 4:20

Ó simearị anga ḅụ ọdụ mẹ fietẹ ọ́ naa naa, ọ́ mangị anịjụ wa ḍọkụma-ḅoo. Wamịna Tamụnọ owu mẹ sọ wa pịrị ḅa.”

Devidi-Anume 44:3

Ị́ atomi ma ịna okologie kẹ ọmụ gbin tẹ owu-ḅara-iḅi ḅụ kiri mẹ ọkị-a; ini ịna kụrọ kẹ anị nyana ḅo-a, ị́ kụrọ na ị́ ịnyọ na ḅụ, í ini na sime ye ḅẹ ḅiokpọ ḅụ, anie nwẹnị ḍie-pakama mịnẹ ị́ ịn ḅẹlẹmam.

Paka-so 14:14

KỊNỊNYANAḄỌ ḅe owu mẹ sọ ọ́ pịrị ḅa, anịsakị ọmịnị nyana tẹ mịẹ ḅarịye anie jike-a ḅara kẹ sịẹ-kụrọ.”

Paka-so 14:25

ịna kirimẹnjị-ọmụarụ ma aḅụọ kẹ lịka ḅio ḍiḅi ḅụ, anie mịẹtẹ ịn ḅarị sarama mẹnjị-a; tẹ Ijiputi-ḅẹ-apụ ma nwẹnị ḅẹẹ, “Ó yee wa Izirẹlị tọrọkọ ḍumo-mangị kọn, kẹ gotẹ ọkọ ḅẹẹarị, KỊNỊNYANAḄỌ ḅe mie Ijiputi-ḅẹ-apụ ma na owu mẹ sọ ịn pịrịarị.”

Kịẹn-aḅịḅị 21:34

Kụma KỊNỊNYANAḄỌ ḅe nwẹnị Mozizi ḅẹẹ, “Ịn ḍiki-ḅalafa ma; kẹ gotẹ ọkọ ḅẹẹarị, àrị ori na ori atomi mamgba na, ori ama na kẹ ị́ ḅara-ḅio ḅụ ị́ pịrị tẹẹ; anịsakị ị́ kẹ Siyọnị Amọrayịtị apụ ma amadaḅọ ḅe tẹ Ẹsịbọnị ḅụ anga ḅọ ḅe mịẹ ḅara kẹ ọ̀ mịẹ ḅa.”

Ditẹrọnọmị 1:30

KỊNỊNYANAḄỌ ọmịna Tamụnọ ḅe tẹ ọmịna tọrọkọ-tarịarị ḅọ ḅe ḅarana owu mẹ sọ ọ́ pịrị ḅa, ọ̀ wẹrịtẹ Ijiputi ḅụ ọmịna atọrụngbọ mịẹ ọ́ pịrị ḅara pembema ḅara,

Ditẹrọnọmị 20:1

Ọmịnị ọmịnị na fịya-a apụ na ọmụgbin ḅẹ sakị, tẹ ọ́ tọnwa asụ na, kirimẹnjị-ọmụarụ na, ḍụḅa ọ́ soku-ḅẹ ọmụ-ogbo nẹngị ọmụ-ogbo na ẹrị-ẹrị, ọmịnị in ḍiki ḅalafaa ma; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịnị na emi, oriḅe tẹ Ijiputi ama mẹ ḅụ ó ḍikiḍiki pakama-ḅo ḅọ ḅe.

Ditẹrọnọmị 20:4

Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe anie oriḅe tẹ ọmịnị na fịya-a apụ na owu sọ ọ́ pịrị ḅẹ ọmịnị na muarị ḅọ, owu-ḅara-iḅi mẹ kẹ ọ́ pịrị ḅẹ ẹrẹsị.

Ditẹrọnọmị 3:21

Anịsakị àrị anị sakị mẹ ḅụ tọn Jọsụwa pịrịm, “Ị́ atọrụngbọ KỊNỊNYANAḄỌ ị́ Tamụnọ ḅe kẹ mịna maa amadapụ ma mie aị mamgba ẹrị tẹ; anị ḅara mie KỊNỊNYANAḄỌ ị́ Tamụnọ ḅe kẹ ama-da kiri tẹ ị́ sọ-mu tolu ḅẹ amakiri mamgba mịẹ ḅarị ḅara.

Ditẹrọnọmị 3:23

Anị sakị mẹ ḅụ à KỊNỊNYANAḄỌ ḅe tẹkẹm, tẹ ḅẹẹm:

Jọsụwa 10:42

Gbọrụ sakị ḅụ mie Jọsụwa mịna amadapụ mamgba na, ịna ama na ọkị ye, gbala KỊNỊNYANAḄỌ Izirẹlịapụ tẹkẹarị Tamụnọ ḅe owu mẹ sọ Izirẹlị pịrịm ẹrẹsị.

Jọsụwa 23:10

Ọmịna aḅụụ ḅe gbọrụḅọ kịnị maa ẹndẹ oyia asi finji dee mangịmarị, KỊNỊNYANAḄỌ ọmịna Tamụnọ ḅe mie ò minini ḅara ḅụ owu mẹ sọ ọ́ pịrị ye ḅẹẹ-sakị.