Ditẹrọnọmị 3:18 - FỊAFỊA BAỊBỤLỤ

¹⁸ Anịsakị mẹ ḅụ à tọn ịn pịrị tẹ ḅẹẹm: KỊNỊNYANAḄỌ wamịna Tamụnọ ḅe mị ama mẹ kẹ ó pịrị tẹ ọmịnị anị nyana-a; ọmịna owu-akọnịapụ mamgba owu aị kẹ ḅụụ-tẹlẹma tẹ ọmịna amịnapụ Izirẹlịapụ ma tọrọkọ tarị saḅa-ḅọrọ ḅa.

Ditẹrọnọmị 3:18 Iomraidhean Croise

Suku-saakị 15:7

Anịtẹso ọ̀ nwẹnị ọ̀ ḅẹẹ, “Yẹrị anie KỊNỊNYANAḄỌ ḅe tẹ Babịlonịya ḅẹ opu ama Họ ḅụ ị́ pakama-ḅo ḅọ, mị ama mẹ kẹ ị́ pịrị nyana ḅẹ ẹrẹsị.”

Devidi-Anume 136:21

Ori ịna akiri kẹ ori atomi pịrị; ọ̀ ḅẹlẹma sime gbamasom;

Kịẹn-aḅịḅị 33:53

Anịsakị ọmịnị nwẹnị ịna ama mẹ nyana tẹ koro sịẹ ḅa anị ḅio, kẹ gotẹ ọkọ ḅẹẹarị, àrị ama mẹ kẹ ọ́ pịrị tẹẹ, ọmịnị anị nyana ḅẹ ḅara.

Ditẹrọnọmị 12:1

Ma ma anie kẹẹ wararị oloko ma na, kụrọ ḅara ḅio sime apụ sụa oloko ma na tẹ ama mẹ tẹ KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị tẹ ó tomikiri mẹ ḅụ ḍumo-sime wararị ene mamgba ḅụ ọ́ nyana ḅẹ ama mẹ ḅio ọ́ ḅụụ ẹbị-bịtẹ mịẹ ḅarị aị.

Ditẹrọnọmị 15:4

Ọmịna ogbo-ḅio ḅụ igoinḅọ paka ḅịa, kẹ gotẹ ọkọ ḅẹẹarị, ama mẹ tẹ KỊNỊNYANAḄỌ ọmịna Tamụnọ ḅe kẹ ó nyana ḅẹ ó pịrị sime anga mẹ ḅụ KỊNỊNYANAḄỌ ḅe ó boma ḅa,

Ditẹrọnọmị 19:14

Ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị tẹ ọ́ nyana ḅẹ ama mẹ ḅio ọmịnị ọlọ-sịẹma ḅẹ sime anga mẹ ḅụ, ọmịnị ọmịna mịnaḅọ kiri ḅẹ oke tẹ elemu sakị ḅẹ apụ ma sụa koroma ye sin ma.

Ditẹrọnọmị 19:2

ọ́ tẹra opu ama sikima ọmịna ḅụụ pịrị ḅa ama ma tẹ KỊNỊNYANAḄỌ ọmịna Tamụnọ ḅe kẹ ọ́ pịrị nyana ḅẹ ama ma ḅụ.

Ditẹrọnọmị 19:7

Anịẹrẹsị à tọn ọ́ pịrịm, ọ́ tẹra opu ama sikima koroma ḅa.

Ditẹrọnọmị 21:1

Ama mẹ tẹ KỊNỊNYANAḄỌ ọmịna Tamụnọ ḅe ọ́ nyana ḅẹ tẹ kẹ ọ́ pịrị ama mẹ ḅio ḅẹḅọ-ḅẹḅọ fịị tẹ ama na kpeki-a anga ḅụ koro-sime wararị tẹ ọ́ ḍọkị-ẹrịm, tẹ kịnị ọ̀ ḅaa ḅọ nimi-a ḅẹḅẹ,

Ditẹrọnọmị 25:19

Anịẹrẹsị KỊNỊNYANAḄỌ ọmịna Tamụnọ ḅe ọmịnị ikelema-koro wararị ọmịnị na fịya-a apụ mamgba ḅụ ịnyọsara kẹ ọ́ pịrị sakị, anị ama mẹ tẹ KỊNỊNYANAḄỌ ọmịna Tamụnọ ḅe kẹ sime anga gotẹ ọ́ pịrị nyana ḅẹ ama mẹ ḅio, ó so mẹ suku-ḅio ḅụ Amalẹkị emi nwẹn ḅẹẹ kuroma mẹ sịkịrị siin ḅa; ọ́ kẹ ḅioḅọrọma ma.

Ditẹrọnọmị 5:31

Kụma ị́yẹrị, mị anga ị̀ akaka sịẹsimee, anịsakị arị oloko mamgba na, kẹẹ wararị oloko ma na, kụrọ ḅara ḅio sime apụ sụa oloko ma na, tẹ ị́ kẹ ịn toluma ḅẹ aị ma ḍuko ị́ pịrị ḅa, mịẹtẹ ini arị mịẹ ḅẹ ḅara ama mẹ tẹ à kẹ ịn pịrị nyana ama mẹ ḅio.

Ditẹrọnọmị 6:1

Mịọkụ mie oloko mẹ na, kẹẹ wararị oloko ma na, kụrọ ḅara-ḅio sime apụ sụa oloko ma na tẹ KỊNỊNYANAḄỌ ọmịna Tamụnọ ḅe tọn ị̀ pịrịm à kẹ ó toluma ḅẹ aị ma, mịẹtẹ ama mẹ tẹ ọ́ saḅa-ḅọrọ tẹ nyana ḅẹ muarị ama mẹ ḅio ọmịnị arị mịẹ ḅẹ ḅara.

Ditẹrọnọmị 9:6

Anịẹrẹsị ó nimi mịnẹ KỊNỊNYANAḄỌ ọmịna Tamụnọ ḅe ọmịna karakara gotẹ mị iḅi ama mẹ kẹ ọ́ nyana ḅẹ tẹ ọ́ pịrị-a, kẹ gotẹ ọkọ ḅẹẹarị, ọmịnị anie kịnị na kura-a atomi.

Jọsụwa 1:11

“Ó tomi ma ogbo ḅio mẹnjị tolu tẹ tọn ịn pịrị, ‘Ọmịnị ọ́ fị ḅẹ fịye ḍọkị wẹrịị, kẹ gotẹ ọkọ ḅẹẹarị, tẹra aḍin sakị ḅụ ọ́ mị Jodanị mẹ saḅa-ḅọrọ ḅa, tẹ mu ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrịm ọ́ nyana ḅẹ ama mẹ sọ-mu ḅa.’ ”