Ditẹrọnọmị 3:11 - FỊAFỊA BAỊBỤLỤ

¹¹ Ogu, Basani ḅẹ amadaḅọ ḅe ngẹrị mie ịn kẹ Rẹfayimu sịn ḍụḅa tomi nẹngị-nẹngịtẹ apụ ma ḅụ kirikọn ḅọ. Ò monoye anie ikulele monoye; Amọnị ḅẹ apụ ma opu ama Raba ḅụ anị ofori? Anị ḅẹ nangwọ anie oyi tẹra ḅụọ-kuḅu finji na pakịrị na (4 m); anị ḅẹ finjima anie sonioa aḅụọ-kuḅu (2 m).

Ditẹrọnọmị 3:11 Iomraidhean Croise

Suku-saakị 14:5

Ngei fa jei karama kụra mẹ ḅụ Kẹdolahoma na, amadapụ ma tẹ ọ̀ ḅụụ sọ apụ ma na nwẹnị Asịlarọtị. Kaneyimụ ḅụ Filisiteni ḅẹ ḍụḅa tomi nẹngị-nẹngịtẹ ịn kẹ Rẹfayimu sịn apụ ma na, Hamụ ḅụ ịn kẹ Zuzimu sịn apụ ma na, Savẹ-kiriyatahịmụ ḅụ ịn kẹ Ẹmimu sịn apụ ma na,

Suku-saakị 6:15

Mie ị́ kẹ anị ịkasị ḅarị ḅara: opu arụ mẹ ḅẹ nangwọ anie gbọrụ ẹndẹ na mesi oyia aḅụọ-kuḅu finji (133 m); anị ḅẹ finjima anie tesi oyia aḅụọ-kuḅu finji na sọnọ na (22 m); anị ḅẹ gele anie mesi sọnọa aḅụọ-kuḅu finji (13 m).

2 Samụẹlị 11:1

Kụra mẹ ḅẹ kala fẹngụ sakị ḅụ, amadapụ paka-mu owu sọ-sọ sakị mẹ, Devidi ori afịrịmẹnjịapụ kẹ Johabụ ḅụ sụam, tẹ ori na, Izirẹlị mẹmgba na, fịrịmam; tẹ ini Amọnị ḅẹ apụ ma ama ma gbaịn-koro tẹ ye simam; tẹ Raba ikelema-koro, tẹ owu pakam. Kụma Devidi Jeruselemu ḅụ simem.

2 Samụẹlị 12:26

Mịọkụ Johabụ Amọnị ḅẹ apụ ma ḅụ Raba na owu sọm, tẹ amadapụ opu ama mẹ ọkịm.

Jerimaya 49:2

Kụma sakị mẹ ḅoarị, anie à mịẹ tẹ sịḅịda opu ama, Raba mẹ, ọmụ yeke-yeke naa ḅa, tẹ ini anị kan-sara tẹ so ḅa, tẹ anị ḅẹ kala-ama ma dọkịma kiri lama ḅa. Tẹ Izirẹlị ịna kiri ọkị apụ ma ḅara siin amịna kiri ọkị ḅa.

Izikẹlị 21:20

Gberie kẹ amadaḅọ ḅe ḍie ḅa ọ̀ ḅọrọ Amọnị ḅẹ opu ama Raba mu ḅẹ etela, osi ye mẹ ọ̀ ḅọrọ Juda mu ḅẹ etela, tẹ mịẹ kụrọma wararị opu ama, Jeruselemu mẹ la.

Izikẹlị 25:5

Raba opu ama mẹ àrị anị kẹ kamẹlị opu anama amẹẹ koko anga sọma ḅa, tẹ Amọnị bebe amakiri mẹ kẹ anana koko anga sọma ḅa, mịẹ tẹ ó nimi ḅarị ḅara mịnẹ yẹrị anie KỊNỊNYANAḄỌ ḅe.”

Emọsị 1:14

Mie ḅụ à fịnị kẹ Raba opu ama ḅẹ onu ma ḅụ sụa tẹ kẹ anị ḅẹ kụrọnị-ayọ ma dọkịma kiri lama ḅa. Anịtẹso ọmụ gbin ene mẹ ḅụ ini oloku-oloku ḅa, tẹ owu mẹ ḍarị-paka ḅarị ḅara gbala erise.

Emọsị 2:9

“Tẹ anịsọ, ị̀ atomi, ọmịna asịḅị mie à gotẹ Amọnị ḅẹ apụ ma ḅaa siin yee anie, sida sịn-arị sịn sịẹ gele ḅara kẹ geletẹ pịkị oku nwẹn-sịn asịn kụrọ ḅara kẹ kụrọ wararị apụ ma.

Ditẹrọnọmị 2:11

Ịn kẹ Anakimu sịn ḍụḅa tomi nẹngị-nẹngịtẹ atomi ma pembe apụ ḅara ḅụ ịn Rẹfayimu sọ kẹ ịn nimim, kụma Mohabụ ḅẹ apụ ma ịn sịnm Ẹmimu.

Ditẹrọnọmị 2:20

(Anịjụ mẹ sọ Rẹfayimu ḅẹ ama mie ịn kẹ anị nimi ḅara, ịn kẹ Rẹfayimu sịn apụ ma anịjụ sime simem, kụma Amọnị ḅẹ apụ ma ịn sịnm Zamụzumimu,

Jọsụwa 12:4

Ịn pịkị Ogu, Basani ḅẹ amadaḅọ, Rẹfayimu ḅụ kọn kala-apụ ma ḅẹ gbọrụḅọ, tẹ Asịtarọtị na Ẹdiri na ḅụ sime

Jọsụwa 13:12

Basani ḅio Ogu da amakiri mẹmgba, oriḅe tẹ Asịtarọtị na, Ẹdiri na ḅio amadaḅọ ḅe (ori ngẹrị mie Refehimu mẹ ḅẹ kọn gbọrụḅọ) Mozizi mịna apụ ma nẹngịma tẹ in dee pakama tẹ.

Mịẹfinji 21:17

Enjẹlị ḅe onu mẹ tọn sakị ori ẹrịm anị ḅẹ gele mẹ kuḅu atesi pembe ye, anie anị sakị ḅụ ịn kẹ ye-tọnye sime-ḅara ḅụ.

1 Samụẹlị 17:4

Filisiteni akpụrụ-warị mẹ ḅio gbọrụ in Golayatị kẹ ẹrẹ kẹ kuro Gati ḅẹ owu-kụrọnịḅọ, oriḅe gele anie esenia ḅụọ-kuḅu na ḅara gbọrụ ẹnzụ na (2 m)