Ditẹrọnọmị 27:5 - FỊAFỊA BAỊBỤLỤ

⁵ Anịjụ ọ́ gbọrụ ḍụḅarị agbamịẹ-anga nama KỊNỊNYANAḄỌ ọmịna Tamụnọ ḅe pịrị ḅa; ọmịnị ikulele kẹ mịẹ namakọrị aị saakị gelema gelema tẹ kẹ arị ọgọnọ kọrịnama kọrị ma.

Ditẹrọnọmị 27:5 Iomraidhean Croise

1 Amadapụ 6:7

Ịn kẹ Tẹkẹ-warị mẹ nama ḍụḅarị ma ini arị soku-sokutẹ pẹlẹ pakama-ḅoarị anga mẹ ḅụ mie ịn gbọrsịḅị arị tẹlẹma fama yee, anịẹrẹsị amana, anịanịa kumbu, anịanịa ikulele kẹ mịẹ ja kọrịnama-kọrịaị kẹ ye-yọ fiema sọ ofori, Tẹkẹ-warị mẹ namarị sakị ḅụ.

Paka-so 20:25

Anịsakị ọ́ nwẹnị ḍụḅarị kẹ agbamịẹ-anga nama ị̀ pịrịarị ḅẹḅẹ, ó pẹlẹtẹ aḍụḅarị kẹ nama ma; kẹ gotẹ ọkọ ḅẹẹarị, ọmịnị ọmịna kọrịnama-kọrịaị kẹ ḍụḅarị ma lama-lama, ọmịnị arị wọlọ tẹ arị ḅarị karakara kụn nyana-a.

Paka-so 24:4

Tẹ Mozizi KỊNỊNYANAḄỌ ḅe ẹkwẹn-aḅịḅị mamgba kẹẹ famam. Ọ̀ nwẹnị dede-funfun ḅụ saakị, tẹ nwẹnị tụndụ mẹ suku ḅụ gbọrụ agbamịẹ-anga nama, tẹ oyi maa ḅeriaị finji pike Izirẹlị ḅẹ oyi maa afuro finji ma wẹrịtẹ sime-ḅara.

Ditẹrọnọmị 27:6

Amụ pẹlẹ-a bebe aḍụḅarị mịẹ ọ́ kẹ gbọrụ agbamịẹ-anga nama KỊNỊNYANAḄỌ ọmịna Tamụnọ ḅe pịrị ḅarịye, tẹ anị ọgọnọ dọkịma-agba mịẹ KỊNỊNYANAḄỌ ọmịna Tamụnọ ḅe pịrị ḅa.