Ditẹrọnọmị 27:2 - FỊAFỊA BAỊBỤLỤ

² Anịsakị ọ́ Jodanị mẹ saḅa-ḅọrọ tẹ ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama mẹ la ene mẹ ḅụ, ọ́ ḍụḅa-ḍụḅatẹ aḍụḅarị saakị sịẹma tẹ ye-oḅoloye kẹ arị oḅolo ḅa;

Ditẹrọnọmị 27:2 Iomraidhean Croise

Jobu 19:24

yei, mgbe ikulele ye-kẹẹ-ye na lẹjị na kẹ arị sọkị ịkụ mẹ ḅụ sụatẹ anị sime gbamaso namịna!

Izikẹlị 11:19

Àrị ịwọ ḅioḅẹngbọ kẹ ịn pịrị ḅa, na ịwọ kuroma na. Àrị ịna kụrọ tẹ, ḍụḅarị ḅioḅẹngbọ mẹ siin tẹ ḅịḅịpoki ḅioḅẹngbọ kẹ ịn pịrị ḅa.

Izikẹlị 36:26

Àrị ịwọ ḅioḅẹngbọ na ịwọ kuroma na kẹ ọ́ pịrị ḅa. Àrị ọmịna kọngọ-kụrọma ḍụḅarị ḅioḅẹngbọ mẹ siin so tẹ ḅịḅịpoki ḅioḅẹngbọ kẹ ọ́ pịrị ḅa.

Ditẹrọnọmị 11:31

Kẹ gotẹ ọkọ ḅẹẹarị, sọ-mu ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama mẹ ọkị nyana mẹ ọ́ Jodanị mẹ saḅa-ḅọrọ ḅa; tẹ ọmịnị anị nyana, tẹ anị ḅio anga sakị,

Ditẹrọnọmị 26:1

Ọmịnị ama mẹ tẹ KỊNỊNYANAḄỌ ọmịna Tamụnọ ḅe kẹ sime anga gotẹ ọ́ pịrị ama mẹ ḅio ḅo, tẹ anị ọkị nyana, tẹ anị ḅio anga sakị,

Ditẹrọnọmị 27:1

Mịọkụ Mozizi na Izirẹlị ḅẹ omongiapụ ma na tọn tomi ma pịrị tẹ ḅẹẹm, “Ọ́ tọn aị ma tẹ mịmgba à tọn ọ́ pịrị aị ma kokoo.

Ditẹrọnọmị 27:3

tẹ ọmịnị arị ọgọnọ mị oloko mẹ ḅẹ ẹkwẹn-aḅịḅị mamgba kẹẹ ḅa, ọ́ saḅa-ḅọrọ mu ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị ḅụụ-ḅẹlẹmatẹ iḅiọkụma fịye so-pakamarị amakiri mẹ ḅio sọ-mu sakị, KỊNỊNYANAḄỌ ọmịna aḍapụ ma sunsin pịrị Tamụnọ ḅe wẹrịtẹ kẹ ọ́ karịma ḅara.

Ditẹrọnọmị 27:4

Anịsakị ọ́ Jodanị mẹ saḅa-koro sakị ọ́ mịna aḍụḅarị ma saakị sịẹma ḅa Ẹbalị Tụndụ ọgọnọ ḅụ arị aị ma tẹ à mịmgba tọn ọ́ pịrị aị ma gbolomaye ḅụ, tẹ ó ye-oḅoloye kẹ arị oḅolo ḅa.

Ditẹrọnọmị 6:1

Mịọkụ mie oloko mẹ na, kẹẹ wararị oloko ma na, kụrọ ḅara-ḅio sime apụ sụa oloko ma na tẹ KỊNỊNYANAḄỌ ọmịna Tamụnọ ḅe tọn ị̀ pịrịm à kẹ ó toluma ḅẹ aị ma, mịẹtẹ ama mẹ tẹ ọ́ saḅa-ḅọrọ tẹ nyana ḅẹ muarị ama mẹ ḅio ọmịnị arị mịẹ ḅẹ ḅara.

Ditẹrọnọmị 9:1

Yei Izirẹlị, ọ́ naa! mịmgba ọ́ mị Jodanị mẹ saḅa-ḅọrọ tẹ mu ḍụḅa ọ́ nẹngị pịkị ịnyọ nyana ọ́ nẹngị-nẹngịtẹ opu asịẹ ḅara ḅụ ịn nyana ye ọkị ḅẹ muarị, gburo-gburotẹ ini ọmụ gotẹ mịẹ kụrọma kụrọma mu so lama wararị opu ama ma.

Jọsụwa 1:11

“Ó tomi ma ogbo ḅio mẹnjị tolu tẹ tọn ịn pịrị, ‘Ọmịnị ọ́ fị ḅẹ fịye ḍọkị wẹrịị, kẹ gotẹ ọkọ ḅẹẹarị, tẹra aḍin sakị ḅụ ọ́ mị Jodanị mẹ saḅa-ḅọrọ ḅa, tẹ mu ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrịm ọ́ nyana ḅẹ ama mẹ sọ-mu ḅa.’ ”

Jọsụwa 4:1

Opu sịẹ mẹmgba Jodanị mẹ saḅa-koro faam tẹso, KỊNỊNYANAḄỌ ḅe nwẹnị Jọsụwa ḅẹẹ,

Jọsụwa 8:30

Anịtẹso Jọsụwa Ẹbalị Tụndụ ọgọnọ ḅụ gbọrụ agbamịẹ-anga nama KỊNỊNYANAḄỌ Izirẹlịapụ tẹkẹarị Tamụnọ ḅe pịrịm.

Jọsụwa 8:31

Mozizi, KỊNỊNYANAḄỌ ḅe fịrịmẹnjịḅọ ḅe wẹrịtẹ tọn kẹ Izirẹlịapụ ma pịrị tẹ, anị wẹrịtẹ Mozizi Oloko Ḍiri mẹ ḅio kẹẹ wararị ḅara, “Pẹlẹ-a aḍụḅarị tẹ gbọrụ tomḅọ sọ amụ arị ọgọnọ ḅụ ikulele kẹ mịẹ namakọrịye saakị-gelema-a gbọrụ agbamịẹ-anga”; tẹ ịn nwẹnị anị ọgọnọ dọkịma-agba mịẹ KỊNỊNYANAḄỌ ḅe pịrị, ịn pịkị gbọrụḅụụ-sime-agba mịẹm.

Jọsụwa 8:32

Tẹ anịjụ, Izirẹlịapụ ma tọrọkọ, ọ̀ ḍụḅarị ma ọgọnọ ḅụ gbọrụ ḅụụ kẹ Mozizi Oloko mẹ kẹẹm, aniemẹ tẹ Mozizi kẹẹ ye mẹ.