Ditẹrọnọmị 27:1 - FỊAFỊA BAỊBỤLỤ

¹ Mịọkụ Mozizi na Izirẹlị ḅẹ omongiapụ ma na tọn tomi ma pịrị tẹ ḅẹẹm, “Ọ́ tọn aị ma tẹ mịmgba à tọn ọ́ pịrị aị ma kokoo.

Ditẹrọnọmị 27:1 Iomraidhean Croise

1 Paka-aị 28:8

“Mịọkụ, anịẹrẹsị, Izirẹlị KỊNỊNYANAḄỌ ḅe kobiri-ogbo mẹmgba tọrụ-ogbo ḅụ na, wamịna Tamụnọ sọ naarị ḅara ḅụ, ọ́ KỊNỊNYANAḄỌ ọmịna Tamụnọ ḅe oloko ma kẹ elekima sụa tẹ arị ḅẹẹ ḅara mịẹẹ; mịẹ tẹ ọ́ mị iḅi ama mẹ nyana tẹ ḍuḅu ḅụ anị koroma-so kẹ ọmịna awọmẹ pịrị gbamaso ḅa ọ́ ḅọrọ-so sakị.”

Devidi-Anume 78:7

Mị-ḅara ḅụ ini sọ Tamụnọ kẹ ḅiokpọma ḅa, tẹ ḅarị ọ̀ kọrị tẹ aị ma kẹ ḅioḅọrọma ḅịa, kụma sakị mamgba ọ̀ tọn kuroma aị ma poki tẹ mị.

Luku 11:28

Kụma Jizọsị nwẹnị pakịrị, “Ọkọ fama-a, Tamụnọ ẹkwẹn mẹ naa tẹ anị ḍuko ḅara mịẹ apụ ma rẹ anie boma tẹ apụụ!”

Jọnị 15:14

Tẹ ọmịnị anie ì ikiapụ ma, ọmịnị à tọn ọ́ pịrị ye mịẹ ḅẹḅẹ.

Ditẹrọnọmị 1:1

Mie Mozizi Jodanị mẹ ọgọnọ-jụ ḅụ kọọn Izirẹlị mẹmgba pịrị ẹkwẹn ma, ịkpa mẹ ḅio Sufu na saḅama wararị ele mẹ ḅio, Peranị na Tofeli na Labanị na Hazerọtị na Dizayabu na ogboku ḅụ.

Ditẹrọnọmị 11:32

ọmịnị ọmịna aḅụụ ẹbị ḅa, tẹ kẹẹ wararị oloko ma na, kụrọ ḅara-ḅio sime apụ sụa oloko ma na, tẹ mịmgba à kẹ ọmịna tọrọkọ koroma aị mamgba mịẹ ḅa.

Ditẹrọnọmị 26:16

KỊNỊNYANAḄỌ ọmịna Tamụnọ ḅe mịmgba mẹ ḅụ tọn ọ́ pịrị tẹ mịnẹ ọ́ mịna kẹẹ wararị oloko ma na, kụrọ ḅara-ḅio sime apụ sụa oloko ma na, koko tẹ mịẹ, anịẹrẹsị ọ́ ḅụụ ẹbị-ẹbị ọmịna ḅioḅẹngbọ mẹmgba na, ọmịna tẹmẹ mẹmgba na kẹ arị mịẹ.

Ditẹrọnọmị 26:19

mịẹtẹ ori ọ́ saakị sịẹma gelema opu asịẹ mamgba tẹ ọ̀ mịẹ tẹ aị ma nẹngị ḅẹ ḅara, tokini ḅụ na, ereso ḅụ na, kụn na ḅụ, anieḅụ ọ́ ḅụụ fịafịama sime KỊNỊNYANAḄỌ ọmịna Tamụnọ ḅe pịrị ḅẹ ḅara, ọ̀ wẹrịtẹ ḍuko tẹ ḅara.

Ditẹrọnọmị 27:2

Anịsakị ọ́ Jodanị mẹ saḅa-ḅọrọ tẹ ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama mẹ la ene mẹ ḅụ, ọ́ ḍụḅa-ḍụḅatẹ aḍụḅarị saakị sịẹma tẹ ye-oḅoloye kẹ arị oḅolo ḅa;

Ditẹrọnọmị 6:17

Ọ́ karakara ḅara kẹ KỊNỊNYANAḄỌ ọmịna Tamụnọ ḅe oloko ma na, kẹẹ wararị oloko ma na tẹ ọ̀ tọn ọ́ pịrị tẹ aị ma kọkọ ḅa, tẹ ọ̀ mịẹ aị ma ḍuko-pakama ḅa.

Jemụsị 2:10

Ḅẹḅọ-ḅẹḅọ tẹ gbọrụ oloko kịngẹ kan ḅọ, mḅọ arịmgba kan tẹ.