Ditẹrọnọmị 26:9 - FỊAFỊA BAỊBỤLỤ

⁹ tẹ wa kẹ mị ama mẹ ḅio ḅom, ḅụụ-ḅẹlẹmatẹ iḅiọkụma fịye so-pakamarị amakiri mẹ.

Ditẹrọnọmị 26:9 Iomraidhean Croise

Devidi-Anume 105:44

Japụ akiri mie ọ̀ saakị ịn pịrịye tẹ minini tẹ ịn nwẹnị pịkị ịna ḍụọ ḍiḅi akiri ma sọ ọkị,

Paka-so 3:17

Anịsakị à mininim mịnẹ àrị Ijiputi ḅụ ọmịnị ẹrịarị tọrụsiẹrị mẹ ḅio ọ́ sakị pakama ḅụụ-ḅẹlẹmatẹ iḅiọkụma fịye so-pakamarị pịkị wulala wararị sịẹ ḅo ḅa, tọnwa fịaị simearị anga. Anị sịẹ mẹ anie Kenanị apụ ma na, Itayịti apụ ma na, Amọrayịtị apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na angarị sịẹ.’”

Paka-so 3:8

Miemẹ gotẹ à kuro ḅo Ijiputi-ḅẹ-apụ ma aḅara ḅio ịn ḍụa pakama ḅa ḅo tẹẹ. Àrị in sakị pakama iḅitẹ wulala wararị sịẹ ḅo ḅa, anie ḅụụ-ḅẹlẹmatẹ iḅiọkụma fịye so-pakamarị amakiri mẹ. Anị sịẹ mẹ anie Kenanị apụ ma na, Itayịti apụ ma na, Amọrayịtị apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na angarị sịẹ.

Izikẹlị 20:15

Anie ḅụ à mininim ịkpa mẹ ḅio mịnẹ à ḅarị ịn kẹ mu à kẹ ịn pịrịtẹ amakiri mẹ la ḅịa, anị ḅụụ-ḅẹlẹmatẹ iḅiọkụma fịye so-pakamarị amakiri mẹ — kiri mamgba ḅụ iḅitẹịn ye mẹ.

Izikẹlị 20:6

Anị ene mẹ ḅụ, à minini mịnẹ àrị ịn ọkị paka-so ḅa Ijiputi ḅụ, tẹ ịna tọrọkọ-sụn tẹ ịn kẹ mu à sẹlẹ ịn pịrịtẹ amakiri mẹ la ḅa, ḅụụ-ḅẹlẹmatẹ iḅiọkụma fịye so-pakamarị amakiri mẹ — kiri mamgba ḅụ iḅitẹịn amakiri mẹ.

Fịrịmẹnjịapụ 26:22

Kụma ḅo mịmgba la sọ Tamụnọ ḅarasụa ị̀ pịrịarị, mie à kẹ mịanga sịẹ tẹ ḅẹrẹ-kiri sime-ḅọ ḅara ḅụ ẹkwẹn opu na kala na pịrịarị gbọrụ ḅara. Ịkịankoroapụ ma na Mozizi na ḅẹẹm paka ḅa ḅẹẹ ye mẹ mie à pịkị ḍukoarị;

Ditẹrọnọmị 26:15

So-ḅio, ị́ fịafịa sime yọ ḅụ ḍiki iderimaa, tẹ ị́ atomi Izirẹlị na, amakiri mẹ tẹ ị́ kẹ wa pịrị tẹ ye mẹ na, ị́ wẹrịtẹ ye karị ḅara kẹ minini wamịna aḍapụ ma pịrị ye mẹ, anie ḅụụ-ḅẹlẹmatẹ iḅiọkụma fịye so-pakamarị amakiri mẹ bomaa.

Ditẹrọnọmị 27:3

tẹ ọmịnị arị ọgọnọ mị oloko mẹ ḅẹ ẹkwẹn-aḅịḅị mamgba kẹẹ ḅa, ọ́ saḅa-ḅọrọ mu ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị ḅụụ-ḅẹlẹmatẹ iḅiọkụma fịye so-pakamarị amakiri mẹ ḅio sọ-mu sakị, KỊNỊNYANAḄỌ ọmịna aḍapụ ma sunsin pịrị Tamụnọ ḅe wẹrịtẹ kẹ ọ́ karịma ḅara.

Ditẹrọnọmị 6:3

Yei Izirẹlịapụ, anịẹrẹsị ọ́ naa, tẹ ḅụụ ẹbị-ẹbị tẹ arị mịẹẹ, mịẹtẹ anị ọmịnị na iḅi ma-mu ḅẹ ḅara, mịẹtẹ KỊNỊNYANAḄỌ ọmịna aḍapụ ma sunsin pịrị Tamụnọ ḅe wẹrịtẹ kẹ ọ́ karịma tẹ ḅara, ó gburo-gburoma lolo-kama ḅẹ ḅara, anị ḅụụ-ḅẹlẹmatẹ iḅiọkụma fịye so-pakamarị amakiri mẹ ḅụ.

Jọsụwa 23:14

“Mịọkụ à fịị ḅẹ-yearị, anịsakị ọmịnị-mgba ọmịna aḅioḅẹngbọ na, ọmịna atẹmẹ na ḅụ nimi wararị mịnẹ iḅi aị mamgba tẹ KỊNỊNYANAḄỌ ọmịna Tamụnọ ḅe ò gbolomaye ḅụ kẹ ọ́ karịma aị ma ḅụ gbarị tẹ gberie-sọ ofori, arịmgba ḅo mịẹ-mịẹ ọ́ pịrị fama tẹ ḅọrọ tẹ, gbarị tẹ gberie-sọ ofori.

1 Samụẹlị 7:12

Anịtẹso Samụwẹlị nwẹnị gbọrụ ḍụḅarị ọkị tẹ anị saakị sịẹma Mizipa na, Sẹni na ogboku, tẹ nwẹnị Ebeniza kẹ ẹrẹ kẹ anị koro; gbala ori mẹẹ, “KỊNỊNYANAḄỌ ḅe mịanga ḅụ ḅarasụa wa pịrị tẹ.”