Ditẹrọnọmị 26:7 - FỊAFỊA BAỊBỤLỤ

⁷ Anịtẹso wa owu KỊNỊNYANAḄỌ ḅe, wamịna aḍapụ ma Tamụnọ ḅe pịrịm, tẹ KỊNỊNYANAḄỌ ḅe wamịna pọkọ naam, tẹ wamịna ḅụụ-fụka mẹ na, wamịna nụnụ mẹ na, wamịna ponoma mẹ na ẹrịm.

Ditẹrọnọmị 26:7 Iomraidhean Croise

Suku-saakị 21:17

Tamụnọ nwẹnị tụḅọ ḅe owu pọkọ naa, tẹ Tamụnọ enjẹlị nwẹnị So-ḅio Ega sịn tẹ á gbela, “Ega tiye gbolomaye ị́ ḅụụ-fụkamarị? Ḅalafa ma, kẹ gotẹ ọkọ ḅẹẹarị, Tamụnọ tụḅọ ḅe simearị anga mẹ ḅụ ọ̀ pọkọ naa tẹ.

Suku-saakị 29:32

Tẹ Liya sime kọn tẹ nwẹnị gbọrụ owiḅọtụḅọ iyi tẹ ẹrẹ kẹ ọ̀ sịn Rubẹnị; gbala árị mẹẹ, “KỊNỊNYANAḄỌ ḅe ị̀ ḅụụ-fụka mẹ ẹrị tẹ ẹrẹsị tụkụma ḅara ḅụ mịọkụ ì di ị̀ ḅẹlẹma ḅa.”

2 Samụẹlị 16:12

Sosi-ọkụma KỊNỊNYANAḄỌ ḅe toluma ị̀ ḅụụ-fụka mẹ ḍiki ḅa, anịsakị anieḅụ KỊNỊNYANAḄỌ ḅe mịmgba ị̀ ọgọnọ ḅụ mị karịye mẹ gotẹ iḅi kẹ ị̀ gbẹẹ ḅa.”

Devidi-Anume 119:132

Tọrụ pịkị ị̀ da tẹ ì ḍiki sịḅị-kụrụkụrụ, ị́ ị́ ḅẹlẹmarịapụ mamgba ḅụ mịẹ-mịẹ ḅara.

Devidi-Anume 31:8

Amụ ị́ ḍụkụ tẹ si kẹ ị̀ tọn apụ ma ì kun ọkị-a: í kiri foofoma ị̀ pịrị tẹ àrị ì ḅiotọn anga, tọn anga mẹnjịarị.

Devidi-Anume 50:15

Ḅụụ-fụka ḅo ọ́ la sakị ọmịnị ị̀ sịn; àrị ọ́ ḅọrọma tẹ ọmịnị ì tokini ḅa.”

Paka-so 2:23

Sakị kẹlẹ ḅọrọ tẹso, Ijiputi ḅẹ amadaḅọ ḅe fịịm. Izirẹlịapụ ma ịna suku-ḅio omoni ḅara mẹ sime tẹ iningi tẹ ḅarasụa gotẹ owum, tẹ omoni ḅara mẹ suku-ḅio ịn kọn owu mẹ nwẹnị iwo ḅo Tamụnọ la.

Paka-so 2:25

Tamụnọ Izirẹlịapụ ma ḅụụ-fụka ẹrịm, tẹ ḅarasụa ịn pịrị ḅara ḍọkị.

Paka-so 3:9

Anịsakị mịọkụ, ḍikii, Izirẹlịapụ ma owu mẹ à naa tẹ, tẹ à pịkị ponoma mẹ tẹ Ijiputi-ḅẹ-apụ ma kẹ ịn ponoma la ḅara sọ ẹrị tẹ.

Paka-so 4:31

Tomi ma nwẹnị minini; tẹ ịn naam mịnẹ KỊNỊNYANAḄỌ ḅe ḅo toluma Izirẹlịapụ ma ḍiki tẹ anịsakị ori ịna tọrụsiẹrị ẹrị tẹ nwẹn ḅẹẹ ye ḅụ ịn nwẹnị ịna sịḅị-tuu tẹ sunsin Tamụnọ pịrị.

Paka-so 6:5

Anie sikima, arị Izirẹlịapụ ma, inima tẹ Ijiputi-ḅẹ-apụ ma omoni ḅara-ḅio ọlọ-sịẹma wararị apụ ma iningi mẹ naa tẹ, anịsakị arị ị̀ ọḅọkụ mẹ kẹ ḅiokoroma tẹ.

Jerimaya 33:2

KỊNỊNYANAḄỌ ḅe, Kiri mẹ tẹmẹ tẹ anị kẹ anị sime yọ ḅụ wẹrị ḅọ ḅe, ẹkwẹn ị̀ pịrịm. KỊNỊNYANAḄỌ kẹ ẹrẹ fị ḅọ ḅe ḅẹẹm,

1 Samụẹlị 9:16

“ḅaa nwẹn pembe sakị ḅụ à Benijamịnị ama mẹ ḅụ ḅo gbọrụ owiḅọ kẹ ị́ fịrịma ḅa, anịsakị amadaḅọ owiḅọtụḅọ sọ ị̀ atomi Izirẹlịapụ ma pịrị ḅarị ḅọ ḅara ḅụ í pulo kẹ ọ̀ sịḅị sara ḅa. Ori ị̀ atomi Izirẹlị ḅọrọma ḅa Filisiteniapụ ma ḅara ḅụ, kẹ gotẹ ọkọ ḅẹẹarị, àrị ị̀ atomi ma tọrụsiẹrị mẹ ẹrị tẹẹ, gbala ịna owu mẹ ḅo ị̀ la tẹẹ ẹrẹsị.”