Ditẹrọnọmị 26:6 - FỊAFỊA BAỊBỤLỤ

⁶ Tẹ Ijiputi-ḅẹ-apụ ma nwẹnị guda-guda ḅara kẹ wa mịẹ, tẹ ḅụụ-fụka kẹ wa pịrị, tẹ wa kẹ kụrọtẹ omoniapụ sọma.

Ditẹrọnọmị 26:6 Iomraidhean Croise

Paka-so 1:11

Anịẹrẹsị ịn kụrọ kọrịnama tọn ịn pịrị ḅẹ sịḅịdapụ tọn ịn pịrịm, ini iku dogi-aị ḅụ ḅụụ-fụka kẹ ịn pịrị ḅẹ ḅara; tẹ ini ngọ koko opu ama Pitomi na, Ramịsịsị na nama Fero pịrịm.

Paka-so 1:14

tẹ kụrọ fịrị mẹnjị ḅụ mịẹtẹ ịna aḍumo akụm, lịka na biriki tẹmẹ na ḍụọ ḅio kọrịnama ḅara-ḅara kọrị na ḅụ; ịna kọrịnama mamgba ḅụ ini ịn mịẹ tẹ ịn kụrọ ḅara kẹ kọrịnama kọrịm.

Paka-so 1:16

“Ọ́ ḅarasụa Hiburu ḅẹ ereme ma iyima ḅẹ tẹ iyi mẹ sọ sakị, tụḅọ mẹ owiḅọ ḅẹḅẹ ọmịnị ọ̀ ḅaa, kụma nwẹnị ẹrẹḅọ ḅẹḅẹ ọmịnị á ḅaa ma.”

Paka-so 1:22

Anịtẹso Fero tọn ori atomi mamgba pịrịm, “Owiḅọtụḅọ tẹ ini iyi Hiburu ḅẹ apụ ma pịrị ḅọ goḅọ-goḅọ, ọmịnị mḅọ kẹ Nayịlị nwẹn-sịn tọrụ mẹ ḅio gbin nguma-a, kụma ọ́ wẹrịso tẹ ẹrẹḅọtụḅọ goḅọ-goḅọ ḍumo-sime.”

Paka-so 1:8

Sakị kẹlẹ ḅọrọ tẹso, ịwọ amadaḅọ tẹ Josẹfụ gbolomaye nimi-a ḅọ nwẹnị ḅo Ijiputi ḅụ ama-da.

Paka-so 5:19

Izirẹlịapụ ma ḍikiḍikiarị apụ ma ẹrịm mịnẹ ịn si mẹnjị kọnm, ịn ḅẹẹm, “Mịẹtẹ ene-ene ḅụ ọ́ tẹmẹ-tẹmẹ biriki kịẹn-ḅịḅị ḅụ ye so ḅẹ ye ofori” nwẹn ḅẹẹ sakị

Paka-so 5:23

Kẹ gotẹ ọkọ ḅẹẹarị, àrị ị́ ẹrẹ ḅụ ḅo ẹkwẹn Fero pịrị kụra-ḅio, siye mie ọ̀ kẹ mịna atomi ma mịẹarị ye, tẹ ị́ gbala-gbala ị́ atomi ma ḍụa-ḅọrọma-a.”

Paka-so 5:9

Yee iku tarị ḅẹ kọrịnama nẹngị kọrịnama ini ọgọnọ gbana, mịẹtẹ ini anị ḅụ sime tẹ kụrọma kọrịnama kọrị tẹ ḅarị iruo ẹkwẹn-aḅịḅị kẹ ye-sịn ma.”

Kịẹn-aḅịḅị 20:15

wamịna atẹngịapụ ma wẹrịtẹ Ijiputi mu ḅara, tẹ wa nangwọ sakị kẹ Ijiputi ḅụ angam; Ijiputi ḅẹ apụ ma guda-guda ḅara kẹ wamịna atẹngịapụ ma na wamịnị na angam.

Ditẹrọnọmị 26:7

Anịtẹso wa owu KỊNỊNYANAḄỌ ḅe, wamịna aḍapụ ma Tamụnọ ḅe pịrịm, tẹ KỊNỊNYANAḄỌ ḅe wamịna pọkọ naam, tẹ wamịna ḅụụ-fụka mẹ na, wamịna nụnụ mẹ na, wamịna ponoma mẹ na ẹrịm.

Ditẹrọnọmị 4:20

Kụma ọmịnị KỊNỊNYANAḄỌ ḅe ọmịna ọkị tẹ, Ijiputi ḅio ḅụ, ikulele orumo ḅio ọ́ pakama-ḅom, ó ḅo ò soku ḅụ ọ̀ nyana atomi sọ ḅẹ ḅara, anị wẹrịtẹ mịmgba sime-ḅara.