Ditẹrọnọmị 26:5 - FỊAFỊA BAỊBỤLỤ

⁵ Anịsakị ọmịnị nwẹnị KỊNỊNYANAḄỌ ọmịna Tamụnọ ḅe tọrọkọ ḅẹẹ ḅa: Ị̀ ḍa ḅe anie ikelekelearị ḅẹ Eramụ ḅẹ ḅọ, tẹ ori ideri Ijiputi ḅio sọ-mum, tẹ anịjụ bịanḅọ sọm; kịẹn-ḅịḅị ḅụ ịn boowa; tẹ anịjụ ḅụ ò ḅo opu sịẹ, gburo-gburo, kụrọ-nyana tẹ mana-mana atomi sọm.

Ditẹrọnọmị 26:5 Iomraidhean Croise

Suku-saakị 12:2

Anịsakị àrị ị́ ḅụụ gburo-gburotẹ opu sịẹ pakama ḅa, àrị í boma ḅa, tẹ mịẹtẹ ị́ ẹrẹ gburo-gburo ḅa, anie ḅụ í boma sọ ḅa.”

Suku-saakị 24:4

kụma í so ì opu sịẹ ḅụ à paka-furo mu ḅa tẹ ẹrẹḅọ sime ì owiḅọtụḅọ Ayịzịkị pịrị ḅa.”

Suku-saakị 25:20

Ayịzịkị sịḅị kụra amesi ḅọrọ tẹrẹmẹ mie ò Ribeka, Bẹtụwẹlị ẹrẹḅọtụḅọ pịkị Lebanị ịyịmbara ma na sime yee. (Bẹtụwẹlị ḅe anie Padani-aramụ ḅẹ Aremịya ḅẹ ḅọ)

Suku-saakị 27:41

Anịsakị mẹ ḅụ boma mẹ tẹ ọ̀ ḍa kẹ Jekọbụ boma ye mẹ gotẹ Ịsọ ò ḍiki-ḅioḅum, tẹ Ịsọ nwẹnị ọ̀ ḅụụ ḅẹẹ, “Ị̀ ḍa ḍuu ḅẹ ene ma kpekiarị, anị sakị mẹ ḅụ arị ị̀ iyimbere Jekọbụ ḅaa ḅa.”

Suku-saakị 28:5

Mị-ḅara mie Ayịzịkị kẹ Jekọbụ fịrịma pakama ḅara; tẹ ò so Padani-aramụ ḅụ Aremịya ḅẹ Bẹtụwẹlị owiḅọtụḅọ Lebanị, Jekọbụ na Ịsọ na iyingiḅọ Ribeka iyimbere ḅe ḍọkụma-mum.

Suku-saakị 31:20

Jekọbụ oḅori kẹ Lebanị Aremịya ḅẹ ḅọ ḅe siinm, mịnẹ ori ọ̀ mangị-so ḅẹ ye mẹ ḍuko ọ̀ pịrị-a.

Suku-saakị 31:24

Kụma ḍin ḅụ Tamụnọ nwẹnị ḍawọ-jụ ḅụ Lebanị Aremịya ḅẹ ḅọ ḅe dama-ḅo tẹ ọ̀ ḅẹẹ, “Ị́ ḅụụ ẹbị mịnẹ ị́ gbọrụ ẹkwẹn-ḅịḅị sọ kọn Jekọbụ pịrị-a, ḅọrọ siye, anịanịa iḅiye sọ.”

Suku-saakị 31:40

Mị-ḅara mie à simetẹ eneḅaka ḅụ ịrụa ọfịrị mẹ da, tẹ pịkị ḍin ḅụ oḅoku mẹ da ḅara. À kọn ḅẹ mono mẹ nwẹnị ị̀ atọrụngbọ ḅụ mangị-so.

Suku-saakị 43:12

Ọmịna aḅara simearị igbigi mẹ ḅẹ maa akiri ọkịị; igbigi mẹ tẹ ọmịna akpa ḅịḅị ḅụ ọ́ pịkịma-ḅo igbigi mẹ kẹ sụa dogi muu; ẹbịsịya anị ịna atọrụ gbarịm.

Suku-saakị 45:11

anịsakị anị yọ ḅụ mie à ye nyana tẹ kẹ í ḍikiḍiki ḅarị ye, kẹ gotẹ ọkọ ḅẹẹarị, ịnụ sọnọa akụra paa tọrọkọ-jụ kọn wararị; anieofori ị́yẹrị na, ị́ warị-kpo na, ị́ ḅụụ sime aị mamgba ḅofa igoin.’ ”

Suku-saakị 45:7

Tẹ Tamụnọ kẹ tomikiri ḅụ kọn kalịye mẹ wẹrị kpaịnma ọmịnị na, simearị tọnwa-apụ na wẹrị ḍumoma ọ́ pịrị gotẹ ị̀ kẹ ọmịna tọrọkọ tarị fịrịmam.

Suku-saakị 46:27

anịsakị Josẹfụ owiapụ-awọmẹ ma tẹ Ijiputi ḅụ ini iyi ọ̀ pịrị apụ maa apụ; Jekọbụ warị mẹ ḅẹ atomi mamgba tẹ Ijiputi ḅụ sọ-ḅo apụ kịnị atesi oyi finji (70).

Suku-saakị 47:27

Mị-ḅara ḅụ Izirẹlị Ijiputi ama mẹ ḅụ angam, Gosẹnị ama mẹ ḅụ; anị ḅio ye nyana lama, awọ iyi tẹ tọnwa ḅara kẹ lolo-kama.

Suku-saakị 47:4

Ịn nwẹnị Fero ḅẹẹ, “Wa igoni kẹ ama mẹ ḅio anga ḅẹ ḅom, gbala ị́ afịrịmẹnjịapụ iḅi osuka nyana tẹ kẹ anana ogbo-ogbo ma pịrị fị ḅẹ anga ofori ẹrẹsị; kẹ gotẹ ọkọ ḅẹẹarị, ịnụ mẹ Kenanị ama mẹ ḅio kụrọ-gbaị wararị ẹrẹsị, anịsakị mịọkụ wa ị́ tẹkẹm, yee ị́ afịrịmẹnjịapụ Gosẹnị ama mẹ ḅụ anga.”

Paka-so 1:12

Kụma ini ịn ponoma ḅaka ḅara, mie ịn kama ḅakarị ḅara, anie ịn pịkị wasama jen anga la ḅakarị ḅara. Ijiputi-ḅẹ-apụ ma nwẹnị opu ḅalafa nyana Izirẹlịapụ ma pịrị.

Paka-so 1:5

Jekọbụ ḅụụ ḅụ paka-ḅo apụ inimgba kịnị atesi oyi finji. Josẹfụ kụma, ori Ijiputi ḅụ emi ogbo in ḅom.

Paka-so 1:7

Kụma Izirẹlị furo-ḅẹ-apụ ma awọ iyi lamarị tẹ gburo-gburoma kamam; in kama lamam, anie mịẹtẹ ama mẹ ḅio ini-ini-ini, tẹ anị Ijiputi-ḅẹ-apụ ma ḅalafamam.

Hosiya 12:12

Ye sime-ḅara ḅụ wamịna elemu ḍaḅọ mangị Mẹsopotemịya mum, anịanga ḅụ, ẹrẹḅọ sime ḅẹ gotẹ ọ̀ kọrịnama kọrị jen tomḅọ pịrị tẹ tomḅọ ḅe anana kokom.

Hosiya 12:13

KỊNỊNYANAḄỌ ḅe ịkịankoroḅọ fịrịma mu ori atomi Izirẹlịapụ ma pụkọ-pakamaḅom ikoli ḅara-ḅio Ijiputi ḅụ, ori in koko ḅẹ ḅara.

Fịrịmẹnjịapụ 7:15

Anịtẹso Jekọbụ nwẹnị mu Ijiputi la, tẹ anịanga mie ori na ori owiapụ-awọmẹ ma na sime tẹ fịị ye.

Ditẹrọnọmị 1:10

KỊNỊNYANAḄỌ ọmịna Tamụnọ ḅe mịẹtẹ ọ́ kama tẹẹ, anịsakị ḍikii, mịmgba tomi ogbo ḅụ ó So-tọrụ ḅẹ alolia ma ḅin ḅara ḅin tẹẹ kịẹn-ḅịḅị ḅụ.

Ditẹrọnọmị 10:22

Ọmịna aḍapụ ma ideri Ijiputi mum, ini kịnị atesi oyi finji; anịsakị mịọkụ KỊNỊNYANAḄỌ ọmịna Tamụnọ ḅe tomi ogbo ḅụ ọ́ kẹ So-tọrụ ḅẹ alolia ma ḅin ḅara kẹ kama sara tẹ.

Ditẹrọnọmị 26:4

Anịtẹso ọkụma agbamịẹḅọ ḅe ọmịna ḅara ḅụ kana mẹ daa-ọkị tẹ anị kẹ KỊNỊNYANAḄỌ ọmịna Tamụnọ ḅe agbamịẹ-anga mẹ, tọrọkọ sịẹma ḅa.

Ditẹrọnọmị 7:7

Kịẹn-ḅịḅị ḅụ ọ́ ja atomi nẹngịm ẹrẹsị KỊNỊNYANAḄỌ ḅe ọ̀ ḅẹlẹma kẹ ọmịnị ọgọnọ gbana tẹ ọ́ sẹlẹ-ọkịm ọkọ-a, kẹ gotẹ ọkọ ḅẹẹarị, tomi mamgba ḅụ ọmịnị boowa tẹịnm.