Ditẹrọnọmị 26:3 - FỊAFỊA BAỊBỤLỤ

³ Tẹ ọmịnị anị sakị mẹ ḅụ agbamịẹḅọ ḅe tẹ kọrịnama kọrị warị mẹ ḅio emi ḅọ ḅe dama-ḅo tẹ ọ̀ ḅẹẹ ḅa: À mịmgba mẹ mịẹ pakama KỊNỊNYANAḄỌ ị́ Tamụnọ ḅe pịrịm mịnẹ à ḅo anị ama mẹ tẹ KỊNỊNYANAḄỌ ḅe kẹ wa pịrị ḅe ye karị ḅara kẹ minini wamịna aḍapụ pịrị ama mẹ ḅio la tẹ.

Ditẹrọnọmị 26:3 Iomraidhean Croise

Suku-saakị 17:8

Anịsakị ọmịnị igoni ḅara kẹ angarị ama mẹ, Kenanị ama mẹmgba à kẹ ị́yẹrị na, ị́ ḅọrọ tẹso, í furo-ḅẹ-apụ na pịrị ḅa, anị nyana gbamaso ḅara ḅụ, tẹ arị ịna Tamụnọ sọ ḅa.”

Suku-saakị 26:3

Igoni mẹ kẹ mị ama mẹ bịan, anịsakị arị ị́ na sime ḅa, tẹ í boma ḅa, kẹ gotẹ ọkọ ḅẹẹarị, mịna ama mamgba à kẹ ị́yẹrị na, í furo-ḅẹ-apụ na pịrị ḅa, anịsakị à ye karị ḅara kẹ minini ị́ ḍa Ebira-amụ pịrị ye mẹ à nwẹn mịẹ ḅa.

Ditẹrọnọmị 1:8

Ḍikii àrị ama mẹ kẹ ọ́ pịrị tẹẹ; ọ́ sọ-muu, tẹ ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ Ebira-amụ na, Ayịzịkị na, Jekọbụ na, ịn ḅọrọtẹ so ọkụma, kẹ ịna aḅụụ ḅụ paka-ḅo apụ ma pịrị nyana ḅẹ ama mẹ ọkị nyanaa.’ ”

Ditẹrọnọmị 19:17

anịrẹ ịgbanịya mẹ ḅẹ maa apakịrị ḅẹ apụ ma KỊNỊNYANAḄỌ ḅe tọrọkọ, agbamịẹapụ ma na, ḅẹrẹkọn-apụ ma na tẹ arị ene ma ḅụ kọrịnama kọrị warị mẹ ḅio simearị apụ ma tọrọkọ ḅo ḅa;

Ditẹrọnọmị 26:2

ọmịnị ama tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama mẹ ḅẹ kiri mẹ ḅio ḅẹ tarị sịnmgbọlụ mamgba ḅụ ḅẹ jaị kẹ kana ḅio sụa, tẹ ọmịnị anị kẹ anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị tẹ ori ẹrẹ anịanga sime ḅa ḅẹẹ anga mẹ mu ḅa.

Ditẹrọnọmị 26:4

Anịtẹso ọkụma agbamịẹḅọ ḅe ọmịna ḅara ḅụ kana mẹ daa-ọkị tẹ anị kẹ KỊNỊNYANAḄỌ ọmịna Tamụnọ ḅe agbamịẹ-anga mẹ, tọrọkọ sịẹma ḅa.

Hiburu 10:21

Wa gbọrụ opu agbamịẹḅọ nyana wararị, tẹ Tamụnọ-warị mẹ ḅẹ kụrọ-ḅara ḅụ simearị ḅọ.

Hiburu 13:15

Ọkọẹrẹsị, ó yee wa sakị mamgba Jizọsị Kịrayịsị ḅe ḅụ ḅọrọ tẹ wamịna nume-su Tamụnọ boma agba mẹ mịẹ Tamụnọ pịrị, anie wa wamịna ḅịḅị apakịrị kẹ mịẹarị agba mẹ, tẹ pịkị ḍuko pakama mịnẹ ori anie KỊNỊNYANAḄỌ ḅee.

Hiburu 7:26

Mie ḅụ, Jizọsị anie wamịna ḅụụ-fụka mịẹ pẹlẹarị Sịḅịda-Agbamịẹḅọ ḅee. Ọ̀ fịafịa wararị; ọ̀ ḅụụ ḅẹẹ-ḅẹẹye anịanịa si ofori; si-mịẹapụ ḅụ Tamụnọ ọ̀ saakị ḅelema wararị, tẹ ori iwoma mu So ma ḅọrọ tẹẹ.

1 Pita 2:5

Ó ḍumo wararị aḍụḅarị ḅara kẹ ḅoo, tẹ ọmịna aḅụụ kẹ pịrịị, ini ọ́ kẹ tẹmẹ ḅụ ḅẹ Tamụnọ-warị nama, anịanga ḅụ ọ́ fịafịa agbamịẹapụ fịrịmẹnjị tẹ Tamụnọ ọkị gbẹẹ tẹmẹ ḅụ ḅẹ agba mịẹ ọ̀ pịrị ḅa, Jizọsị Kịrayịsị ḅe ḅụ.