Ditẹrọnọmị 26:2 - FỊAFỊA BAỊBỤLỤ

² ọmịnị ama tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama mẹ ḅẹ kiri mẹ ḅio ḅẹ tarị sịnmgbọlụ mamgba ḅụ ḅẹ jaị kẹ kana ḅio sụa, tẹ ọmịnị anị kẹ anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị tẹ ori ẹrẹ anịanga sime ḅa ḅẹẹ anga mẹ mu ḅa.

Ditẹrọnọmị 26:2 Iomraidhean Croise

2 Amadapụ 4:42

Gbọrụ owiḅọ Balị-salisa ḅụ ḅom, tẹ bali asịnmgbọlụ kẹ mịẹ wararị fịturu si akpo na, ịwọma pẹlẹ mgbọlụ-afịaị na kẹ Ịlayịsa pịrịm. Ịlayịsa nwẹnị ḅẹẹ, “Arị kẹ owiapụ ma pịrịị, ịn fị ḅẹ ḅara.”

2 Paka-aị 31:5

Tọn ye mẹ wasama anga-anga ma la gbọrụ sakị, Izirẹlịapụ ma nwẹnị ịna sịnmgbọlụ ma ḅụ tarị mgbọlụ ma na, iru na, pulo na ḅẹm na, piri mẹ ḅio paka-ḅo aị mamgba ḅụ gburo-gburoma ye pịrị, tẹ nwẹnị gburo-gburoma ḅẹẹye-ḅẹẹye kẹ oyia akiri ḍiya tẹ gbọrụ kiri ọkị-ḅo.

2 Paka-aị 6:6

Kụma à Jeruselemu sẹlẹ ọkị tẹ mịẹ tẹ ị̀ ẹrẹ mẹ anịjụ sime ḅẹ ḅara, tẹ pịkị Devidi sẹlẹ ọkị tẹ ori ị̀ atomi Izirẹlị ma ḍikiḍiki.’ ”

Nehimaya 12:44

Anị ene mẹ ḅụ mie in tomi tọn kẹ ngọ-koko-aḅio ma na, oso-aị oso suu ḅẹ aḅio ma na, tarị asịnmgbọlụ ma na, nyana-oyi-ḅụụ-gberie mẹ na ḍikiḍiki ḅẹ apụ pịrị ye. Mịna tomi ma mie ama-ama ma ḅẹ aḍụọ ma ḅio in oso agbamịẹapụ ma na, Livayị furo-ḅẹ-apụ ma na pịrị oso-aị ma daa-ọkị yee, oloko mẹ wẹrịtẹ ḅii ḅara. Juda ḅụ simearị apụ mamgba ḅioḅẹlẹ nyana agbamịẹapụ ma na Livayị furo-ḅẹ-apụ ma na pịrịm.

Nehimaya 13:31

À pịkị sakị sakị ḅụ tọn wararị fịnị agba mẹ na, tarị asịnmgbọlụ ma na mie ḅẹ ḅara kẹ ọrụtọn tẹ. Iḅi kẹ ị̀ kẹ ḅiokoromaa, yei ị̀ Tamụnọ.

Paka-so 20:24

Lịka mie ọ́ kẹ agbamịẹ-anga nama ị̀ pịrị ḅarịye, tẹ anị ọgọnọ ḅụ ọmịna anana ma na, ọmịna pootẹ-anambulo ma na kẹ dọkịma-agba ma na, dein-pịrị-agba ma na mịẹ ị̀ pịrị ḅarịye; à mịẹtẹ kịnị ị̀ ẹrẹ kẹ ḅiokoroma ḅẹ anga goyegoye ḅụ à ḅo tẹ ó boma ḅa.

Paka-so 22:29

“Ọmịnị ọmịna fịye soku fama gbọrụ sakị ọ́ sakị fama ma tẹ anị ḅụ fịye na, ọmịna iru pọnjị aị ḅio paka-ḅo iru na kẹ agba mịẹ ị̀ pịrị ḅa.” “Ọ́ tarị iyi owiapụ-awọmẹ ma ọ́ nwẹn kẹ ị̀ pịrị ḅa.

Paka-so 23:16

“Ó Fịye Soku Alalị fị ḅa ó ḍiḅi ḍụọ mẹ ḅẹ kọrịnama mẹ ḅụ ḅẹ tarị asịnmgbọlụ ḅụ.” “Kụra mẹ ḅẹ kunoma ọ́ ḍụọ ḅio ọ́ kọrị kọrịnama mẹ ḅẹ sịnmgbọlụ mẹ kobiri warị suu ḅarị sakị ḅụ ó Kobiri Warị Suu Alalị fị ḅa.

Paka-so 23:19

“Ọmịna kiri mẹ ḅẹ tarị asịnmgbọlụ ma ḅụ ḅẹ tarị aị ma ọmịnị arị ọkị-ḅo KỊNỊNYANAḄỌ ọmịna Tamụnọ ḅe warị ḅio suu ḅa.” “Ọmịnị asambịrịma oḅori ḅe iyingiḅọ ndo-minji kẹ ọ̀ sọ ma.”

Paka-so 34:26

“Ọmịna kiri mẹ ḅụ ọ́ tarị soku ḅarị sịnmgbọlụ ma ḅẹ tarị aị ma ọ́ kẹ yẹrị ọmịna Tamụnọ ḅe warị ḅoo.” “Ọmịnị asambịrịma oḅori iyi iyingiḅọ ndo-minji kẹ asambịrịma oḅori ḅe sọ ma.”

Jerimaya 2:3

Izirẹlị, í sime yẹrị ngẹrị pịrịm; ị́ tọn-tọn ḅara sime ị̀ pịrịm. Ye kẹ ị́ lama ḅọ lama ḅọ, à tọrụsiẹrị na opu ḅụụ-fụka na kẹ mḅọ fịrịmam. Yẹrị, KỊNỊNYANAḄỌ ḅe ọkọ ḅẹẹm.

Izikẹlị 20:40

Anị anga amakiri mẹ ḅio, fịafịa tụndụ mẹ ọgọnọ ḅụ, Izirẹlị ḅẹ gele tụndụ mẹ, ọmịnị Izirẹlịapụ mamgba sunsin ị̀ pịrị ḅa. Ọmịna amịẹaị ị̀ ḅụụ-ḅẹlẹ ḅa, tẹ à ḅii ḅa ọmịnị agba ma ọkị-ḅo ị̀ pịrị, ọmịna iḅitẹịn agbamịẹ-aị ma, na ọmịna fịafịa ḍiepịrị-aị ma na.

Izikẹlị 44:30

Agbamịẹapụ ma tarị ḍụọ ḅio soku ḅo ị̀ pịrị ye goyegoye ḅụ iḅitẹịn ye mẹ ọkịị, pịkị jen goyegoye tẹ ịn kẹ ḅo ị̀ pịrị ye sọ. Tomi ma fịturu mịẹ sakị-sakị ịn tarị kpoo mẹ kẹ ḍie Tamụnọ pịrị, tẹ ì boma ịna sime-ayọ ọgọnọ sime ḅa.

Izikẹlị 48:14

Mị yọ mẹ wẹrị sikima KỊNỊNYANAḄỌ ḅe pịrịtẹ anga ḅara ḅụ anị bebe kiri mẹ ḅụ iḅi tẹịn anga sọ tẹ, tẹ anị ḅụ gbọrụ pakịrị sọ ịn dẹrị ḅịa, anịanịa kẹ jen na ḍima, anịanịa saḅa ma jụmọ pịrị. Anị fịafịa tẹ kiri ḅele wararị, tẹ sime KỊNỊNYANAḄỌ ḅe pịrịm.

Lẹvitikọsị 2:12

Ọmịnị tarị-soku fịye ọkị-ḅo KỊNỊNYANAḄỌ ḅe pịrịị, kụma KỊNỊNYANAḄỌ ḅe ḅụụ-ḅẹlẹarị kụnụye ḅara ḅụ ọmịnị arị kẹ agbamịẹ-anga ọgọnọ ḅụ agba mịẹ ma.

Lẹvitikọsị 2:14

“Ọ́ kụra mẹ ḅụ tarị-sịnmgbọlụ agba mịẹ KỊNỊNYANAḄỌ ḅe pịrịarị ḅẹḅẹ, ọ́ kẹ ọmịna tarị-sịnmgbọlụ agba mẹ mịẹ ḅarịye anie fịnị kẹ fọị grẹgrẹtẹ ịwọ fịye.

Romu 11:16

Ḅuru ẹfẹrẹ ḅụ í ḅuru gbọrụ mgbọlị kẹ Tamụnọ karịma, karịma ḅuru ẹfẹrẹ mẹ ḅo Tamụnọ nye sọ tẹ; tẹ ịn sịn mẹ akuno karị Tamụnọ pịrị, pịrị sịn mẹ aḅara ma sọ ò nye sọ tẹ.

Romu 16:5

Ọ́ pịkị ḅii-ḅịḅị kẹ ịna warị kobiri, kobiri sọsị mẹ sọ pịrịị. Ó ḅii-ḅịḅị kẹ ì iḅi ikiaḅọ Epinẹtusi pịrịị. Ori anie Esiya ibe ḅụ tarị Kịrayịsị minini ḅọ.

Romu 8:23

Kụma Tamụnọ tẹmẹ ye-mẹmgba ngẹrị iningi-a, wamịnị Tamụnọ tarị, ò ḍiepịrịye ḅara kẹ, Tẹmẹ ḅe kẹ pịrị tẹ apụ ma sọ iningi, iningi tẹ Tamụnọ wa kẹ gbọrsịḅị ori awọmẹ sọma fama ḅarị sakị mẹ koruarị.

1 Kọrịntị 15:20

Kụma karakara mẹ anie, Tamụnọ Kịrayịsị saakịma tẹ fịị ḅụ, miemẹ nwẹnị anị ḅẹ karakara mẹ mịẹ kụrọma tẹ, mịnẹ fịị mono kọn-arị apụ ma sọ ori ịn saakịma ḅa.

1 Kọrịntị 15:23

Kụma ini ọrụḅọ-ọrụḅọ saakịma ḅa mḅọ karakara ọrụ ḅụ: Tamụnọ tarị fịị ḅụ saakịma ḅọ anie Kịrayịsị, tẹso, ori ḅe ḅo sakị ḅụ in sime ọ̀ pịrị apụ ma saakịma ḅa.

1 Kọrịntị 16:2

Sọndị goyegoye ọrụḅọ-ọrụḅọ mḅọ ḅara paka ye la ḅara ḍiki tẹ ye sin koromaa, mịẹtẹ à ḅo la sakị igbigi oso ḅarị paka ḅịa ḅara.

Ditẹrọnọmị 16:10

Anịtẹrẹmẹ ó fẹnị-anga, fẹnị-anga ḅẹ kopini afịaị alalị mẹ fị KỊNỊNYANAḄỌ ọmịna Tamụnọ ḅe pịrị ḅa, ọmịna ḅara ọ́ pakama-ḅo ye kẹ kuroma ḅụ ḅo agba mịẹ ḅụ, anie mẹ tẹ KỊNỊNYANAḄỌ ọmịna Tamụnọ ḅe wẹrịtẹ kẹ ó boma ḅara;

Ditẹrọnọmị 18:4

Ọmịna sịnmgbọlị ḅụ tarị paka-ḅo sịnmgbọlụ ma ḅụ, ọmịna iru-o, ọmịna pulo-o, ọmịna anana na oḅori na isuke kẹ ọ́ mịẹ kapa sọ, ọ́ kẹ ọ̀ pịrị ḅa.

Ditẹrọnọmị 26:1

Ọmịnị ama mẹ tẹ KỊNỊNYANAḄỌ ọmịna Tamụnọ ḅe kẹ sime anga gotẹ ọ́ pịrị ama mẹ ḅio ḅo, tẹ anị ọkị nyana, tẹ anị ḅio anga sakị,

Ditẹrọnọmị 26:3

Tẹ ọmịnị anị sakị mẹ ḅụ agbamịẹḅọ ḅe tẹ kọrịnama kọrị warị mẹ ḅio emi ḅọ ḅe dama-ḅo tẹ ọ̀ ḅẹẹ ḅa: À mịmgba mẹ mịẹ pakama KỊNỊNYANAḄỌ ị́ Tamụnọ ḅe pịrịm mịnẹ à ḅo anị ama mẹ tẹ KỊNỊNYANAḄỌ ḅe kẹ wa pịrị ḅe ye karị ḅara kẹ minini wamịna aḍapụ pịrị ama mẹ ḅio la tẹ.

Jemụsị 1:18

Ọ̀ ḅụụ-ḅẹlẹ ḅara ḅụ ori ḅarana wa kẹ ḅo ḍumo wararị atomi mịẹm, ọ̀ karakara ẹkwẹn mẹ ḅụ, mịẹtẹ ọ̀ tẹmẹ aị mamgba ḅụ wamịnị tarị kiri ọkị ḅẹ ḅara.

Jọsụwa 18:1

Anịtẹso bebe Izirẹlịapụ ma tomina-ogbo mẹ nwẹnị ḅo kobiri Silo ḅụ, ama mẹ ịna tọrọkọ ḅụ sịḅị-tuu tẹso, tẹ nwẹnị ịn kobiri ḅarị Akpụrụ-warị nama anịanga ḅụ.

Mịẹfinji 14:4

Ini ma anie owiapụ tẹ amụ ereme na gboloma-a, tẹ amịna ḅụụ wẹrị kpaịnma wararị apụ; ini anie fịafịa apụ. Anana Tụḅọ ḅe mu anga, mu anga ini ò ḍuka-muarị. Ini ma anie tomikiri ḅẹ atomi ma ḅụ kirikọn-apụ ma ogboku ḅụ ịn pakịrị ḅo tẹ kẹ tarị agba mịẹ Tamụnọ na Anana Tụḅọ ḅe na pịrị tẹ apụ.