Biblia Todo Logo
Bìoball air-loidhne

- Sanasan -




Ditẹrọnọmị 26:18 - FỊAFỊA BAỊBỤLỤ

18 Anịsakị KỊNỊNYANAḄỌ ḅe mịmgba ó gboloma ye mịẹfinji tẹ mịnẹ ọmịnị anie ò soku ḅụ ọ̀ nyana atomi, ọ̀ wẹrịtẹ kẹ ọ́ karịma tẹ ḅara, anieḅụ ọmịnị ori oloko mamgba koko ḅa,

Faic an caibideil Dèan lethbhreac




Ditẹrọnọmị 26:18
20 Iomraidhean Croise  

Tẹ ị́ ị́ atomi Izirẹlị sịẹma kụrọma ị́ ḅụụ pịrịm ini ị́ atomi sọ gbamaso ḅẹ ḅara anịsakị Yei KỊNỊNYANAḄỌ, ị́yẹrị ḅo ịna Tamụnọ sọm.”


Àrị ị́ tọn kuroma aị mamgba kẹ ye-sịn kụma à ḅarị mu ḅụụ-jịrị ḅio sọ ḅịa.


Ori Jekọbụ sẹlẹ ọ̀ ḅụụ pịrịm, Izirẹlịapụ ma ori ịn kẹ ori atomi sọmam.


anịsakị arị ọmịnị ọkị tẹ kẹ ị̀ atomi mịẹ ḅa, tẹ arị ọmịna Tamụnọ sọ ḅa, tẹ ó nimi ḅa mịnẹ yẹrị anie KỊNỊNYANAḄỌ ọmịna Tamụnọ ḅee, oriḅe tẹ Ijiputi-ḅẹ-apụ ma dogi-aị ma suku-ḅio ḅụ ọ́ pakama-ḅo ḅọ ḅe.


Okolo-kapa kpataịma konju oḅoloarị ḅara mẹ anie à ḅii ḅara, mịnẹ Izirẹlị na Juda na ḅẹ apụ ma ọkọ kẹ ì oḅolo kụrọma. À gotẹ miemẹ mịẹ ye ini ị̀ atomi sọ tẹ tokini na kụn na ọkị-ḅo ị̀ ẹrẹ pịrị ḅarị ḅara; kụma ịn ḍụkụ tẹ ị̀ ḅịḅịpoki-a.”


Ọmịnị ọmịna aḅụụ mịẹ fịafịama ị̀ pịrịị, gbala yẹrị KỊNỊNYANAḄỌ ḅe à fịafịa wararị ẹrẹsị, tẹ osi atomi ma ḅụụ ó puu-ḅelema tẹẹ, mịnẹ ó sime ị̀ pịrịị.


Sakị mẹ ḅoarị! Àrị í gala-galatẹ atomi ma kẹ warị ḅo ḅa; àrị ị́ mịẹtẹ ị́ ereso ḅa bebe tomikiri mẹ ḅụ pịkị mịẹtẹ í jen kẹ lọkọlọkọ ḅa.” KỊNỊNYANAḄỌ ḅe ọkọ ḅẹẹm.


Mịọkụ, anị sime-ḅara ḅụ, ịkịankoroapụ ma kẹẹ aị ma ḅụ karakara mẹ bele paka tẹ, tẹ sime gbamaso Tamụnọ ḅe tọn ḅara ḅụ, ama sịẹ-sịẹ mamgba nimi tẹ minini tẹ anị ḍuko ḅara mịẹ ḅarị ḅara.


Kẹ gotẹ ọkọ ḅẹẹarị, ọmịnị anie fịafịa sime KỊNỊNYANAḄỌ ọmịna Tamụnọ ḅe pịrị gbọrụ atomi, anịsakị KỊNỊNYANAḄỌ ḅe ọ́ sẹlẹ-ọkị tẹ kẹ ó soku ḅụ ọ̀ nyana gbọrụ atomi sọma tẹ tomi-kụlọkụlọ ma tẹ tomikiri tọrụ mẹ ḅụ simearị apụ ma ḅụụ ḅụ.


Ọmịnị anịẹrẹsị KỊNỊNYANAḄỌ ọmịna Tamụnọ ḅe pọkọ poki ḅa, ori oloko ma na, ori oloko ma tẹ kẹẹ wararị aị ma tẹ mị eneḅaka à tọn ọ́ pịrị aị ma koko ḅụ.”


Ọ́ KỊNỊNYANAḄỌ ọmịna Tamụnọ ḅe ḅịḅị poki ḅụ, ḅụụ ẹbị-ẹbị ori oloko mamgba tẹ mịmgba à tọn ọ́ pịrị aị ma mịẹ-mịẹ, KỊNỊNYANAḄỌ ọmịna Tamụnọ ḅe ọ́ saakị-gelema tomikiri mẹ ḅẹ opu asịẹ mamgba nẹngị ḅa.


Ọ̀ wẹrịtẹ ye karị ḅara kẹ minini ọ́ pịrị tẹ ḅara, sime ò ḅioju pịrị fịafịatẹ gbọrụ atomi ḅara ḅụ, KỊNỊNYANAḄỌ ḅe ọ́ sịẹma kụrọma ḅa, ọ́ KỊNỊNYANAḄỌ ọmịna Tamụnọ ḅe oloko ma koko, tẹ ori etela ma ḅụ mẹnjị-mẹnjị.


mịẹtẹ mịmgba ḅụ ori ori atomi ḅara kẹ ọ́ sịẹma kụrọma tẹ anie ḅụ ori ọmịna Tamụnọ sọ ḅarị ḅara, ọ̀ wẹrịtẹ kẹ ọ́ karịma ḅara na, ọ̀ kẹ wẹrịtẹ ye karị ḅara kẹ minini ọmịna aḍapụ Ebira-amụ na, Ayịzịkị na, Jekọbụ na, pịrị ḅara ḅụ.


Kụma ọmịnị KỊNỊNYANAḄỌ ḅe ọmịna ọkị tẹ, Ijiputi ḅio ḅụ, ikulele orumo ḅio ọ́ pakama-ḅom, ó ḅo ò soku ḅụ ọ̀ nyana atomi sọ ḅẹ ḅara, anị wẹrịtẹ mịmgba sime-ḅara.


Gbala ọmịnị anie fịafịa tẹ sime KỊNỊNYANAḄỌ ọmịna Tamụnọ ḅe pịrị gbọrụ atomi ẹrẹsị. KỊNỊNYANAḄỌ ọmịna Tamụnọ ḅe ọ́ sẹlẹ-ọkị tẹ kẹ gbọrsịḅị ori atomi tẹ sime ọ̀ pịrị apụ sọma tẹẹ, bebe tomikiri mẹmgba ḅụ.


Ọ̀ wa gotẹ ọ̀ ḅụụ saakị pịrịm, tẹ si-sịḅịḅio mẹmgba ḅụ wa pụkọ-pakamaḅo, tẹ wa mịẹtẹ wa kpaịntẹ atomi sọ tẹ sime ori kịngẹ pịrị, tẹ iḅiye ngẹrị mịẹ ḅẹ ḅio-sẹsẹ nyana.


Kụma ọmịnị ma anie Tamụnọ sẹlẹ-ọkị tẹ furo, Amadaḅọ agbamịẹapụ, fịafịa sịẹ, sime Tamụnọ pịrị atomi, sẹlẹ pakama-ḅo tẹ Tamụnọ ḅụụ-buama amịẹaị ma ḍuko wasama ḅẹ apụ, anie kanakana ḅio ọ́ sịn pakama-ḅo ḅalafama bele ḅio suu Tamụnọ ḅe.


Lean sinn:

Sanasan


Sanasan