Ditẹrọnọmị 26:16 - FỊAFỊA BAỊBỤLỤ

¹⁶ KỊNỊNYANAḄỌ ọmịna Tamụnọ ḅe mịmgba mẹ ḅụ tọn ọ́ pịrị tẹ mịnẹ ọ́ mịna kẹẹ wararị oloko ma na, kụrọ ḅara-ḅio sime apụ sụa oloko ma na, koko tẹ mịẹ, anịẹrẹsị ọ́ ḅụụ ẹbị-ẹbị ọmịna ḅioḅẹngbọ mẹmgba na, ọmịna tẹmẹ mẹmgba na kẹ arị mịẹ.

Ditẹrọnọmị 26:16 Iomraidhean Croise

Matiyo 28:20

tẹ ọ́ pịkị ye kẹ in toluma tẹ ini à tọn ọ́ pịrị ye goyegoye koko. Anịsakị yẹrị na ọmịnị na sakị mamgba sime ḅa, ọkị mu tomikiri mẹ ḅẹ kunoma la.”

Jọnị 14:15

“Ọmịnị ị̀ ḅẹlẹmarị ḅẹ kụma ọmịnị ì oloko ma koko ḅa.

Ditẹrọnọmị 10:12

Anịsakị Izirẹlị, mịọkụ KỊNỊNYANAḄỌ ọmịna Tamụnọ ḅe ọmịna aḅara tiye ḅii? KỊNỊNYANAḄỌ ọmịna Tamụnọ ḅe ḍiki-ḅalafaa, ori etela mamgba ḅụ mẹnjịị, ọ̀ ḅẹlẹmaa, ọmịna ḅioḅẹngbọ mẹmgba na, ọmịna tẹmẹ mẹmgba na, kẹ fịrịmẹnjị ọ̀ pịrịị,

Ditẹrọnọmị 11:1

Ọmịnị anịẹrẹsị KỊNỊNYANAḄỌ ọmịna Tamụnọ ḅe ḅẹlẹma tẹ ọ̀ tọn ọ́ pịrị aị ma na, ori oloko ma tẹ kẹẹ wararị aị ma na, kụrọ ọ̀ ḅara emi ḅara kẹ ọ̀ sụa oloko ma na, ori Oloko ma na koko tẹ arị mịẹ ḅa.

Ditẹrọnọmị 11:8

Ọmịnị anịẹrẹsị oloko mamgba tẹ mịmgba à tọn ọ́ pịrị aị ma koko ḅa, mịẹtẹ ọmịnị ịnyọ nyana, tẹ sọ-mu tẹ ama mẹ tẹ ọ́ saḅa-ḅọrọ tẹ nyana ḅẹ muarị ama mẹ ọkị nyana ḅẹ ḅara.

Ditẹrọnọmị 12:1

Ma ma anie kẹẹ wararị oloko ma na, kụrọ ḅara ḅio sime apụ sụa oloko ma na tẹ ama mẹ tẹ KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị tẹ ó tomikiri mẹ ḅụ ḍumo-sime wararị ene mamgba ḅụ ọ́ nyana ḅẹ ama mẹ ḅio ọ́ ḅụụ ẹbị-bịtẹ mịẹ ḅarị aị.

Ditẹrọnọmị 12:32

À tọn ọ́ pịrị ye goyegoye ọ́ ḅụụ ẹbị-ẹbị tẹ anị mịẹ ḅa; ó ye kẹ anị ḅụ sụa, anịanịa ye sin ma.

Ditẹrọnọmị 26:17

KỊNỊNYANAḄỌ ḅe gboloma ye ḅụ mịmgba ọ́ mịẹfinji tẹ mịnẹ ori anie ọmịna Tamụnọ, anịsakị anieḅụ ọmịnị ori etela ma ḅụ mẹnjị ḅa, tẹ ori oloko ma tẹ kẹẹ wararị aị ma na, ọ̀ tọn aị ma na, kụrọ ọ̀ ḅara emi tẹ ọ̀ sụa oloko ma na, koko, tẹ ọ̀ pọkọ poki ḅa.

Ditẹrọnọmị 4:29

Kụma anịjụ ḅụ ọ́ KỊNỊNYANAḄỌ ọmịna Tamụnọ ḅe ḍọkị ḅa, tẹ ọmịnị ọ̀ ḍọkị-ẹrị ḅa, ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na kẹ ọ̀ ḍọkị ḍọkị.

Ditẹrọnọmị 6:1

Mịọkụ mie oloko mẹ na, kẹẹ wararị oloko ma na, kụrọ ḅara-ḅio sime apụ sụa oloko ma na tẹ KỊNỊNYANAḄỌ ọmịna Tamụnọ ḅe tọn ị̀ pịrịm à kẹ ó toluma ḅẹ aị ma, mịẹtẹ ama mẹ tẹ ọ́ saḅa-ḅọrọ tẹ nyana ḅẹ muarị ama mẹ ḅio ọmịnị arị mịẹ ḅẹ ḅara.

Ditẹrọnọmị 6:17

Ọ́ karakara ḅara kẹ KỊNỊNYANAḄỌ ọmịna Tamụnọ ḅe oloko ma na, kẹẹ wararị oloko ma na tẹ ọ̀ tọn ọ́ pịrị tẹ aị ma kọkọ ḅa, tẹ ọ̀ mịẹ aị ma ḍuko-pakama ḅa.

Ditẹrọnọmị 6:5

Anịsakị ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na, ọmịnị ịnyọ mẹmgba na, kẹ KỊNỊNYANAḄỌ ọmịna Tamụnọ ḅe ḅẹlẹma ḅa.

Ditẹrọnọmị 8:2

Ọmịnị etela mẹmgba tẹ KỊNỊNYANAḄỌ ọmịna Tamụnọ ḅe mịna kụra amesi ma ḅụ ịkpa mẹ ḅio, mịẹtẹ ọ́ ḅụụ-kpoo ḅẹ ḅara, kẹ ọ́ daaḍiki tẹ ọmịna ḅioḅẹngbọ ḅụ sime ye nimi, ọmịnị ori oloko ma koko ḅarị ḅoto, anịanịa ó koko ḅịa, tẹ ori tọrọkọ tarị ọ́ pịrị etela ma kẹ ḅiokoroma ḅa.