Ditẹrọnọmị 26:15 - FỊAFỊA BAỊBỤLỤ

¹⁵ So-ḅio, ị́ fịafịa sime yọ ḅụ ḍiki iderimaa, tẹ ị́ atomi Izirẹlị na, amakiri mẹ tẹ ị́ kẹ wa pịrị tẹ ye mẹ na, ị́ wẹrịtẹ ye karị ḅara kẹ minini wamịna aḍapụ ma pịrị ye mẹ, anie ḅụụ-ḅẹlẹmatẹ iḅiọkụma fịye so-pakamarị amakiri mẹ bomaa.

Ditẹrọnọmị 26:15 Iomraidhean Croise

1 Amadapụ 8:27

“Kụma Tamụnọ inetẹ tụkụma ḅara ḅụ tomikiri ḅụ anga ḅẹ? So mẹ ḅẹ geletẹịn So mẹ sọ ḍụḅa tẹ ị́ sọ ḅẹ ḅara sime-a; anieḅụ ndẹẹ mị Tẹkẹ-warị mẹ tẹ à nama ye mẹ ị́ sọ ḅẹ ḅara?

1 Amadapụ 8:43

So-ḅio í sime anga mẹ ḅụ sime tẹ igoniḅọ ḅe gotẹ ị́ sịn aị mamgba mịẹ ọ̀ pịrịị; kẹ mịẹtẹ tomi kiri ḅẹ apụ mamgba ị́ ẹrẹ nimii, tẹ í ḍiki-ḅalafaa ḅẹ ḅara, ị́ atomi Izirẹlịapụ ma mịẹ ḅara, anịsakị ịn nimi ḅa mịnẹ mị warị mẹ tẹ à nama ye mẹ ị́ ẹrẹ ịn nwẹn kẹ anị sịnm.”

2 Paka-aị 30:27

Anịtẹso agbamịẹapụ ma na, Livayị furo-ḅẹ-apụ ma na nwẹnị saakị tẹ tomi ma boma, tẹ KỊNỊNYANAḄỌ ḅe nwẹnị ịna pọkọ naa, tẹ ịna tẹkẹ ḅo So-ḅio ọ̀ fịafịa sime yọ lam.

Devidi-Anume 28:9

KỊNỊNYANAḄỌ, ị́ atomi ḅọrọma, tẹ sime ị́ pịrị apụ ma bomaa. Anana ḍikiḍiki ḅara kẹ in ḍikiḍiki, tẹ in koko mu ḅẹẹ-sakị ḅẹẹ-sakị la.

Devidi-Anume 51:18

Yei Tamụnọ, ịyọrọma Zayọnị na mịẹ, tẹ ḅarasụa á pịrịị; siin Jeruselemu onu ma nama saakịị.

Devidi-Anume 68:5

Amịna fịafịa Warị ḅio angarị Tamụnọ ḅe, ḍapụ na iyingiapụ na fịtẹ awọmẹ kokoarị, ọ̀ pịkị diapụ-fịtẹ-ereme gbaịn ḅọrọmarị.

Devidi-Anume 80:14

Kụrọmamgba nyana Tamụnọ, tọrụ kẹ wa daa! So-ḅio sime tẹ tọrụ-toluma wa ḍikii; ḅo ị́ atomi ḅọrọmaa.

Devidi-Anume 80:15

Ḅo ḍiḅi iru mịẹ mgbọlụ sụarị kụrọ sịn mẹ ḅọrọma, mịẹ ịwọ kụrọ sịn mẹ tẹ ị́ mịẹ tẹ so-paka kụrọ lama ye mẹ.

Devidi-Anume 90:17

KỊNỊNYANAḄỌ wamịna Tamụnọ, yee ị́ aboma ma wamịnị na sime. Wamịna amịẹaị mamgba ḅụ lolo kẹ wa pịrịị.

Ayịzaya 57:15

“Yẹrị anie gele tẹ fịafịa Tamụnọ ḅe tẹ ḍumo mu ḅẹẹ-sakị ḅẹẹ-sakị laarị ḅọ ḅee. Geletẹ fịafịa yọ ḅụ mie arị angarị, kụma à pịkị ḅụụ-iderima tẹ si ḅụ pịkị tẹmẹ nyana apụ na simearị, mịẹ tẹ arị inetẹ ịn pịkị-ḅo amịna ḅụụ-nimi na ḅiokpọ na ḅụ suu ḅẹ ḅara.

Ayịzaya 61:1

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe Ọ̀ tẹmẹ kẹ ị̀ ḅụụ ḅio suu ḅinma tẹẹ. Ori ị̀ sẹlẹ ọkị tẹ ị̀ kẹ fịrịma tẹ Iḅi-oku kẹ mu igoin-apụ ma pịrị ḅẹ ḅara, Ḅioḅẹngbọ kaan-sara tẹ apụ ma gwọ, Ḍuko kun-ḅara ḅio simearị apụ ma pịrị ịn paka-ḅo ḅa, pịkị ikoli ḅio simearị apụ ma ḅẹẹ ini ịna sịḅị atomi sọ ḅa.

Ayịzaya 63:15

KỊNỊNYANAḄỌ, So-ḅio sime tẹ wa ḍiki, ị́ ị́ fịafịa kiri sime-ḅara na ebube na ḅụ angarị yọ mẹ. Opu bala tẹ ị́ nyana wa pịrị-pịrị ye mẹ tọ-anga emi? Ị́ kụrọ tọ-anga emi? Ị́ ḅẹlẹma na sịḅị-kụrụkụrụ na tọ-anga emi? Wa ḍiki-tọrụsin ma.

Jerimaya 31:23

Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹm: À tomi ma kẹ pịkị ịna amakiri ḅo sakị, ịn pịkị siin ḅẹẹ ḅa Juda ḅẹ amakiri mẹ na ama ma ḅio na ḅụ, Yee KỊNỊNYANAḄỌ ḅe Jeruselemu ḅẹ tụndụ mẹ boma, ori angarị fịafịa yọ mẹ.

Zẹkaraya 2:13

Ọrụḅọ-ọrụḅọ yaụ-simee, KỊNỊNYANAḄỌ ḅe tọrọkọ, gbala ori ọ̀ fịafịa sime-yọ ḅụ sime tẹ ḅoarị.

Matiyo 6:9

Anị ḅara ḅụ, mie ọ́ tẹkẹ na-iḅi ḅara: “Wamịna Ḍaḅọ So-ḅio simearị ḅọ: fịafịa sime ị́ ẹrẹ pịrị;

Fịrịmẹnjịapụ 7:49

KỊNỊNYANAḄỌ ḅe ḅẹẹm, so mẹ anie ì emine, kiri mẹ mie à kẹ ḅụọ gbanamarị ịkasiye. Ọ́ tọ-ḅara sime warị nama ị̀ pịrị ḅẹ? Yẹrị sọ tẹ anga ḅẹ anga tọ-anga?

Ditẹrọnọmị 1:8

Ḍikii àrị ama mẹ kẹ ọ́ pịrị tẹẹ; ọ́ sọ-muu, tẹ ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ Ebira-amụ na, Ayịzịkị na, Jekọbụ na, ịn ḅọrọtẹ so ọkụma, kẹ ịna aḅụụ ḅụ paka-ḅo apụ ma pịrị nyana ḅẹ ama mẹ ọkị nyanaa.’ ”

Ditẹrọnọmị 26:14

À kururu sime sakị, à nyana-oyi-ḅụụ-gberie mẹ ọkị fị-a, anịanịa à fịafịa-a sakị ḅụ anị ḅụ ḅẹẹye-ḅẹẹye sin, anịanịa anị ḅụ ḅẹẹye-ḅẹẹye sin tẹ kẹ agba mịẹ fịtẹ-apụ pịrị. Àrị ị́ ḅịḅị pokim, yei KỊNỊNYANAḄỌ ị̀ Tamụnọ; ị́ wẹrịtẹ tọn ị̀ pịrị ḅara mamgba à nwẹn mịẹ tẹẹ.

Ditẹrọnọmị 26:7

Anịtẹso wa owu KỊNỊNYANAḄỌ ḅe, wamịna aḍapụ ma Tamụnọ ḅe pịrịm, tẹ KỊNỊNYANAḄỌ ḅe wamịna pọkọ naam, tẹ wamịna ḅụụ-fụka mẹ na, wamịna nụnụ mẹ na, wamịna ponoma mẹ na ẹrịm.

Ditẹrọnọmị 26:9

tẹ wa kẹ mị ama mẹ ḅio ḅom, ḅụụ-ḅẹlẹmatẹ iḅiọkụma fịye so-pakamarị amakiri mẹ.

Ditẹrọnọmị 6:3

Yei Izirẹlịapụ, anịẹrẹsị ọ́ naa, tẹ ḅụụ ẹbị-ẹbị tẹ arị mịẹẹ, mịẹtẹ anị ọmịnị na iḅi ma-mu ḅẹ ḅara, mịẹtẹ KỊNỊNYANAḄỌ ọmịna aḍapụ ma sunsin pịrị Tamụnọ ḅe wẹrịtẹ kẹ ọ́ karịma tẹ ḅara, ó gburo-gburoma lolo-kama ḅẹ ḅara, anị ḅụụ-ḅẹlẹmatẹ iḅiọkụma fịye so-pakamarị amakiri mẹ ḅụ.