Biblia Todo Logo
Bìoball air-loidhne

- Sanasan -




Ditẹrọnọmị 26:13 - FỊAFỊA BAỊBỤLỤ

13 anịtẹrẹmẹ mie ọ́ KỊNỊNYANAḄỌ ọmịna Tamụnọ ḅe tọrọkọ ḅẹẹ ḅarịye: À fịafịa ḍiekiri ye mẹ sin pakama tẹẹ, ị̀ warị ḅio ḅụ, anịsakị à pịkị anị kẹ Livayị furo-ḅẹ-apụ ma na, jen sịẹ ḅẹ igoniapụ ma na, ḍapụ-na-iyingiapụ-na-fịtẹ-awọmẹ ma na, diapụ-fịtẹ-ereme ma na pịrị tẹẹ, í oloko mamgba tẹ ị́ wẹrịtẹ tọn ị̀ pịrị ḅara ḅụ; í oloko ma ḅụ à kan kpọkpọ gbọrụ oloko sọ ofori, anịanịa arị kẹ ḅioḅọrọma.

Faic an caibideil Dèan lethbhreac




Ditẹrọnọmị 26:13
19 Iomraidhean Croise  

Ị̀ ịganị ị̀ ḅụụ ḅio fịnị kọrị ḅara kọrịarị, si kẹ ị̀ tọn apụ ma ị́ tọn kuroma aị ma bala-a ḅara mịẹarị ẹrẹsị.


À kịnị tọrụ-ḅaa ḅara simearị, tomi pịkị ì ḍiki-simarị, kụma àrị í toluma aị ma ḍiki-tọrụsin-a.


Ị̀ ḅụụ-fụka mẹ ḍikii, tẹ ị̀ ḅọrọmaa, amụ arị í oloko ḍiki-tọrụsin-a ẹrẹsị.


Àrị iri-faa tẹ anana ikele-ikele ḅara ikele-ikelearị; ọkọẹrẹsị ḅo tẹ ị̀ ḍọkị pakama-ḅo, yẹrị ị́ fịrịmẹnjịḅọ ḅe, amụ àrị í oloko ma ḍiki-tọrụsin-a ẹrẹsị.


Gbala-gbala arị à mịẹ ḅẹ tẹ í ḍuko aị ma ḍiki-tọrụsin ḅịa, arị ḅụ mie ị́ ḅọrọtẹ ì ḍumomarị ẹrẹsị.


KỊNỊNYANAḄỌ, ma ị̀ maa ḅara, à mịẹ ye ofori; tẹ sunsin ị́ pịrị ḅụ mẹnjị-mẹnjị ị́ agba mịẹ anga mẹ ikelemarị.


À kẹ í tolumarị ye kẹ ḅioḅọrọma ma, ị̀ tụḅọ. À ḍuko ị́ pịrịarị ị́ mịẹ ḅẹ ye mẹ kẹ sakị mamgba ḅiokoromaa.


Mie ḅụ, à pịkị arị inetẹ ḅara, inetẹ ḅara mịẹarị sakị mamgba, mịnẹ Tamụnọ tọrọkọ na tomina tọrọkọ na ị̀ tẹmẹ ḅioḅẹngbọ fịafịa.


Wa kẹ ḅụụ-tọn-arị ye anie, wamịna tẹmẹ ḅioḅẹngbọ ḍuko wa pịrịarị ḅara ḅụ, mị tomikiri mẹ ḅụ wa kọn-arị ḍumo mẹ, jen-a jen-a wamịnị na ọmịnị na gboloma ye ḅụ, Tamụnọ karakara na, aka na, epele na ofori ḅara na, mie wa kẹ anị kọn-arị, Tamụnọ ḍiki-ḅụụjịrị mẹ ḅẹ kụrọ ḅụ, tomḅọ nimi ḅụ-a.


Tamụnọ, Wa Nyanaḅọ Jizọsị Kịrayịsị Ḍa ḅe, nimi wararị, arị iruo-a — boma sime ori ẹrẹ pịrị gbamasoo!


tẹ Livayị furo-ḅẹ-apụ ma tẹ ọmịnị na ḍiekiri anịanịa sime anga nyana-a apụ ma na, jen sịẹ ḅẹ igoniapụ ma na, ḍaḅọ-na-iyingiḅọ-na-fịtẹ-awọmẹ ma na, diapụ-fịtẹ-ereme ma na, tẹ ọmịna ama ma ḅio simearị apụ ma, ḅo fị furo ḅinma ḅa; mịẹtẹ KỊNỊNYANAḄỌ ọmịna Tamụnọ ḅe kọrịnama mamgba tẹ ọmịnị ọmịna aḅara kẹ kọrị-ye kọrị-ye ḅụ ó boma ḅẹ ḅara.


Tẹra akụra karama kụra mẹ, anie nyana aị kẹ oyia akiri ḍiya tẹ gbọrụ kiri gbẹẹ kụra mẹ ḅụ, ọmịnị ọ́ mịẹ pakama-ḅo aị mamgba kẹ oyia akiri ḍiya tẹ anị ḅụ gbọrụ kiri kẹ Livayị furo-ḅẹ-apụ ma na, jen sịẹ ḅẹ igoniapụ ma na, ḍapụ-na-iyingiapụ-na-fịtẹ-awọmẹ ma na, diapụ-fịtẹ-ereme ma na pịrịị, mịẹtẹ ini ọmịna ama ma ḅio inetẹ sime tẹ fị furo ḅinma ḅẹ ḅara,


À kururu sime sakị, à nyana-oyi-ḅụụ-gberie mẹ ọkị fị-a, anịanịa à fịafịa-a sakị ḅụ anị ḅụ ḅẹẹye-ḅẹẹye sin, anịanịa anị ḅụ ḅẹẹye-ḅẹẹye sin tẹ kẹ agba mịẹ fịtẹ-apụ pịrị. Àrị ị́ ḅịḅị pokim, yei KỊNỊNYANAḄỌ ị̀ Tamụnọ; ị́ wẹrịtẹ tọn ị̀ pịrị ḅara mamgba à nwẹn mịẹ tẹẹ.


Ọmịnị ḅarana nimi tẹ ḍuko ḅa, anie Tamụnọ sọ nimi ḅara, mịnẹ wa kẹ ọmịnị Kịrayịsị minini apụ ma na anga ḅara mẹ kpaịn tẹ, kura, tẹ ḅụụ ḅụ ḍuko ḅẹ ye ofori ḅara.


Lean sinn:

Sanasan


Sanasan