Ditẹrọnọmị 26:12 - FỊAFỊA BAỊBỤLỤ

¹² Tẹra akụra karama kụra mẹ, anie nyana aị kẹ oyia akiri ḍiya tẹ gbọrụ kiri gbẹẹ kụra mẹ ḅụ, ọmịnị ọ́ mịẹ pakama-ḅo aị mamgba kẹ oyia akiri ḍiya tẹ anị ḅụ gbọrụ kiri kẹ Livayị furo-ḅẹ-apụ ma na, jen sịẹ ḅẹ igoniapụ ma na, ḍapụ-na-iyingiapụ-na-fịtẹ-awọmẹ ma na, diapụ-fịtẹ-ereme ma na pịrịị, mịẹtẹ ini ọmịna ama ma ḅio inetẹ sime tẹ fị furo ḅinma ḅẹ ḅara,

Ditẹrọnọmị 26:12 Iomraidhean Croise

Suku-saakị 47:24

Anịsakị fịaị soku asakị ma ḅụ, ọ́ fịaị ma kẹ sọnọa akiri ḍiya ḅẹ gbọrụ kiri kẹ Fero pịrị ḅa, tẹ sọnọa akiri ḍiya ḅẹ inia akiri ma ọ́ kẹ ḍụọ ḅio ḍiḅi ḅarị sịnmgbọlị na, ọmịnị na ọmịna warị-kpo na fị ḅarị fịye na, kẹ ọmịna ḍọkọḍọkọ-awọmẹ koko ḅarị fịye ḅara ḅụ ọmịna nye sọ ḅa.”

Suku-saakị 47:26

Mie ḅụ Josẹfụ Ijiputi ama mẹ ḅẹ kiri mẹ gbolomaye kẹ oloko ḅara kẹẹ koromam, tẹ anị sịẹsime ḅo mịmgba lam, mịnẹ Fero fịaị ma kẹ sọnọa kiri ḍie ḅẹ gbọrụ kiri nyanam; agbamịẹapụ ma kiri ngẹrị mie ḅo Fero nye sọ-a ye.

Egberima-Ẹkwẹn 14:21

Í ḅioḅẹlẹ ḅẹ-ḅiiarị ḅẹḅẹ, iḅiọkụ igoin-apụ na angaa; ḅẹḅọ-ḅẹḅọ ḍiki-sima mẹ anie sii.

Lẹvitikọsị 27:30

“Kiri mẹ ḅụ paka-ḅo aị mamgba kẹ oyia akiri ḍiya ḅẹ gbọrụ kiri mẹ, anị ḅọrọ sịnmgbọlị-o, anịanịa opu asịn ma ḅẹ asịnmgbọlụ sọ, arị fịafịa ḅara sime KỊNỊNYANAḄỌ ḅe pịrịm.

Kịẹn-aḅịḅị 18:24

Kẹ gotẹ ọkọ ḅẹẹarị, Izirẹlịapụ ma nyana aị kẹ oyia akiri ḍiya tẹ kẹ ị̀ pịrị gbọrụ kiri goyegoye, à kẹ ḍuu sọma tẹ kẹ Livayị furo-ḅẹ-apụ ma pịrị tẹẹ. Ọkọẹrẹsị, ịn gbolomaye ḅụ à ḅẹẹ tẹ mịnẹ Izirẹlịapụ ma ogbo-ḅio ḅụ ini ịn fị ḅẹ ḍuu nyana ḅịa.”

Ditẹrọnọmị 16:14

Ọmịnị na, ọmịna owiapụ-awọmẹ na, ọmịna eremịna-awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, ọmịna ama ma ḅio simearị Livayị furo-ḅẹ-apụ ma na, jen sịẹ ḅe igoniḅọ ḅe na, ḍa-na-iyingi-na-fịtẹ-awọmẹ ma na, diapụ-fịtẹ-ereme ma na, ọmịna kopini afịaị ma ḅụ sọ tẹ ḍereku ḅa.

Hiburu 7:5

Anịsakị Livayị furo-ḅẹ-apụ tẹ agbamịẹapụ ma, Oloko mẹ tọnm mịnẹ ini Izirẹlịapụ ma ḅara ịn nyana aị kẹ oyia akiri ḍiya ḅẹ gbọrụ kiri ọkịị, anie ịna sịẹ ḅẹ apụ ma ḅara-o, ini ma sọ Ebira-amụ furo-ḅẹ-apụ sọ.

Hiburu 7:9

Tẹ anị sime-ḅara ḅụ, Ebira-amụ ye kẹ oyia akiri ḍiya ḅẹ gbọrụ kiri mẹ gbẹẹ sakị, Livayị (ó furo-ḅẹ-apụ ye kẹ oyia akiri ḍiya ḅẹ gbọrụ kiri da ḅọ ḅe) sọ anị gbẹẹm.