Ditẹrọnọmị 26:11 - FỊAFỊA BAỊBỤLỤ

¹¹ Anịsakị ọmịnị na, Livayị furo-ḅẹ-ḅọ ḅe na, jen sịẹ ḅẹ igoni ḅọ ḅe tẹ ọmịna ogbo-ḅio simearị ḅọ ḅe na, nwẹnị iḅi mẹ tẹ KỊNỊNYANAḄỌ ọmịna Tamụnọ ḅe kẹ ọmịnị na, ọmịna warị na pịrị tẹ ye mẹ kẹ ḍereku ḅa.

Ditẹrọnọmị 26:11 Iomraidhean Croise

Nehimaya 8:10

Anịtẹso ọ̀ nwẹnị ịn ḅẹẹ, “Ó sọ tẹ ḅẹlẹkị mẹ taḅa, tẹ mẹnị-mẹnị iru ḅuu, tẹ kẹlẹ kẹ anị ḅọ mẹ tẹ gberie sọ tẹlẹma pịrị-a ḅọ mẹ pịrịị; kẹ gotẹ ọkọ ḅẹẹarị, mịmgba mẹ anie wamịna KỊNỊNYANAḄỌ ḅe ḅụụ ḅụ fịafịa eneḅaka; tẹ ḅioḅuma, kẹ gotẹ ọkọ ḅẹẹarị, KỊNỊNYANAḄỌ ḅe ḅioḅẹlẹ anie ọmịna ịnyọ.”

Nimi Tolumaḅọ 3:12

À nimi wararị mịnẹ ịn ḍumo wararị sakị goyegoye ini na iḅi kẹ fị-na-ḅuu-na, ḅioḅẹlẹ na nẹngị ḅẹ ye ofori;

Nimi Tolumaḅọ 3:13

aniemẹ anie Tamụnọ ḍiepịrịye tẹ ọ̀ kẹ tomḅọ pịrị ye, mịnẹ ḅẹḅọ-ḅẹḅọ fị, pịkị ḅuu tẹ mḅọ nụnụ ye mẹmgba ḅẹ tọrụ-ḅẹlẹ nyana-a.

Nimi Tolumaḅọ 5:18

Ḍikii, mịẹ na-iḅi ye tẹ àrị ẹrị iḅiye anie: fị-na-ḅuu-na, tẹ Tamụnọ kẹ mḅọ pịrị wararị kpụlụtẹ ḍumo mẹ ḅụ mḅọ kọrị pakama-ḅo tẹ ye mẹ ḅụ tọrụ-ḅẹlẹ nyana; miemẹ anie tomḅọ So ḅụ ḅo ye mị tomikiri mẹ ḅụ.

Nimi Tolumaḅọ 7:14

Ị́ lọkọlọkọ ene ḅụ ḍerekuu, anịsakị ị́ ḅụụ-fụka ene ḅụ ye kẹ ḅiokoromaa; Tamụnọ kẹ gbọrụḅọ tẹmẹ ḅara, mie ọ̀ pịkị kẹ osi-ḅọ sọ tẹmẹ ḅara; mịẹ tẹ tomḅọ ye kẹ Tamụnọ ọlọ ḅịa ḅara.

Ayịzaya 65:14

In nume-su ḅa ḍereku ḅụ, kụma ọmịnị ḅioḅẹngbọ-si kẹ owu ḅa.

Zẹkaraya 9:17

Amakiri mẹ tọ-ḅara kẹ iḅi tẹ tọrụ-gbẹ ḅẹ! Asambịrịma apụ ma ḍụḅa paka-ḅo tẹ kụrọ ḅa anị ḅẹ mbịaka na iru na ḅụ.

1 Kọrịntị 9:11

Wa ọmịna ogboku tẹmẹ ḅụ ḅẹ sịnmgbọlị ḍiḅi tẹ ḅara, wa ọmịna ḅụ tomina sọye fị kụma ḅaka?

Ditẹrọnọmị 12:12

Anịsakị ọ́ KỊNỊNYANAḄỌ ọmịna Tamụnọ ḅe tọrọkọ ḍereku ḅa, ọmịnị na, ọmịna owiapụ-awọmẹ na, ọmịna eremịna awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, ọmịna ama ma ḅio simearị Livayị furo-ḅẹ-apụ ma na ini ọmịnị na gbọrụ ḍiekiri, anịanịa sime anga sọ nyana-a ḅẹ sakị.

Ditẹrọnọmị 12:18

Kụma KỊNỊNYANAḄỌ ọmịna Tamụnọ ḅe tọrọkọ mie ọ́ fị ḅarịye anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅarị anga mẹ ḅụ, ọmịnị na, ọmịna owiapụ-awọmẹ na, ọmịna eremịna-awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, Livayị furo-ḅẹ-apụ tẹ ọmịna ama ma ḅio sime apụ ma na; anịsakị ọ́ KỊNỊNYANAḄỌ ọmịna Tamụnọ ḅe Tọrọkọ ḍereku ḅa ọ́ nyana tẹ mịẹ ye, mịẹ ye mamgba ḅụ.

Ditẹrọnọmị 12:7

Anịjụ mie ọ́ KỊNỊNYANAḄỌ ọmịna Tamụnọ ḅe tọrọkọ fịye fị tẹ ḍereku ḅarịye, ọmịnị awarị suku na, ọ́ mịẹarị tẹ KỊNỊNYANAḄỌ ọmịna Tamụnọ ḅe kẹ ó boma aị mamgba ḅụ.

Ditẹrọnọmị 16:11

anịsakị ọmịnị na, ọmịna owiapụ-awọmẹ na, ọmịna eremịna-awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, ọmịna ama ma ḅio simearị Livayị furo-ḅẹ-apụ ma na, jen sịẹ ḅẹ igoniḅọ ḅe na, ḍa-na-iyingi-na-fịtẹ-awọmẹ ma na, diapụ-fịtẹ-ereme ma na tẹ ọmịna ogbo-ḅio simearị apụ ma na ḍereku ḅa anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị tẹ mịẹtẹ ori ẹrẹ mẹ sime ḅe anga mẹ ḅụ.

Ditẹrọnọmị 27:7

Anịsakị ọ́ tọnwa dein-pịrị-agba mịẹ, tẹ anịjụ fịye fị ḅa; tẹ KỊNỊNYANAḄỌ ọmịna Tamụnọ ḅe tọrọkọ ḍereku ḅa.

Ditẹrọnọmị 28:47

Gbala ọ́ tọnwa ḅara kẹ ye mamgba nyana ye ẹrẹsị ó ḍereku na, ḅioḅẹngbọ ḅẹ ḅioḅẹlẹ na ḅụ fịrịmẹnjị kẹ KỊNỊNYANAḄỌ ọmịna Tamụnọ ḅe pịrị-a.

Filipayị 4:4

Sakị mamgba ó ḅioḅẹlẹẹ, ọ́ KỊNỊNYANAḄỌ ḅe na gbọrụ ḅụ emi ye mẹ ḅụ. À siin ḍukoarị, ó ḍerekuu!