Ditẹrọnọmị 26:10 - FỊAFỊA BAỊBỤLỤ

¹⁰ Ḍikii, mịọkụ kiri mẹ ḅẹ tarị sịnmgbọlụ mẹ tẹ Yei KỊNỊNYANAḄỌ ị́yẹrị kẹ ị̀ pịrị tẹ ye ḅụ arị ọkị-ḅom. Anịtẹso ọkụma ọmịnị anị kẹ KỊNỊNYANAḄỌ ọmịna Tamụnọ ḅe tọrọkọ sịẹma, tẹ KỊNỊNYANAḄỌ ọmịna Tamụnọ ḅe tọrọkọ sunsin ḅa.

Ditẹrọnọmị 26:10 Iomraidhean Croise

1 Paka-aị 29:14

“Mịọkụ yẹrị ḅọrọ tụḅọ, anịsakị ị̀ atomi ma nwẹnị tọ apụ, tẹ wa inetẹ nwẹn pembe ḅara kẹ wamịna kuroma ḅo ḅara kẹ agba mịẹ? Kẹ gotẹ ọkọ ḅẹẹarị, ye mamgba ị́ ḅụụ ḅom, anịsakị ị́ nye ḅụ mie wa ye ọkị-ḅo ị́ pịrị ye.

Devidi-Anume 22:27

Tomikiri ḅẹ asịẹ mamgba KỊNỊNYANAḄỌ ḅe kẹ ḅiokoroma ḅa. Tomikiri ḅẹ ịkọlị mamgba pịkị ọ̀ da ḅa; furo-furo mamgba sunsin ọ̀ pịrị ḅa.

Devidi-Anume 22:29

Ḅụụ-gelema atomi mamgba ọ̀ tọrọkọ iḅo ḅa: Fịị-fịị oju sụa atomi mamgba ọ̀ tọrọkọ iḅo ḅa;

Devidi-Anume 86:9

Tomikiri ḅẹ asịẹ mamgba tẹ ị́ tẹmẹ tẹ apụ ma ḅo iḅo ị́ pịrị ḅa; ini í opu tokini ḅa.

Devidi-Anume 95:6

Ó ḅoo, wa iḅo tẹ sunsin ọ̀ pịrị; ó yee wa KỊNỊNYANAḄỌ ḅe tọrọkọ kparakị, wa Tẹmẹḅọ ḅe.

Paka-so 22:29

“Ọmịnị ọmịna fịye soku fama gbọrụ sakị ọ́ sakị fama ma tẹ anị ḅụ fịye na, ọmịna iru pọnjị aị ḅio paka-ḅo iru na kẹ agba mịẹ ị̀ pịrị ḅa.” “Ọ́ tarị iyi owiapụ-awọmẹ ma ọ́ nwẹn kẹ ị̀ pịrị ḅa.

Paka-so 23:19

“Ọmịna kiri mẹ ḅẹ tarị asịnmgbọlụ ma ḅụ ḅẹ tarị aị ma ọmịnị arị ọkị-ḅo KỊNỊNYANAḄỌ ọmịna Tamụnọ ḅe warị ḅio suu ḅa.” “Ọmịnị asambịrịma oḅori ḅe iyingiḅọ ndo-minji kẹ ọ̀ sọ ma.”

Egberima-Ẹkwẹn 10:22

KỊNỊNYANAḄỌ ḅe boma mie mịẹ tẹ í ngọ-kọn-arị. Kụrọ-kụrọ kọrịnama inetẹ mịẹ tẹ ị́ kọn anị ḅara nẹngị ḅịa.

Egberima-Ẹkwẹn 3:9

Kẹ KỊNỊNYANAḄỌ ḅe kụn ḅụ, í kiri pakama-ḅoarị aị ḅụ iḅitẹịn aị ma kẹ ḅo ọ̀ pịrịị.

Ayịzaya 66:23

KỊNỊNYANAḄỌ ḍukoarị, “Ịwọ Akalụ Alalị Ene na Ịnyọsara-Ene goyegoye na ḅụ sịẹ goyegoye ḅụ kịnị ḅo sunsin ị̀ pịrị ḅa mị yọ Jeruselemu ḅụ.

Romu 2:1

Ì ikiaḅọ, ị́ jen-apụ kọn, kọn ḅẹḅẹ, ḅọrọ tụḅọ-o, tụḅọ-o sọ, ị́ ḅarị gotẹ so ḅẹ ye nyana-a, í gotẹ ḅẹrẹ-ḅarasii pẹlẹ jen-apụ pịrị ye mẹ sọ mịẹarị sakị goyegoye ị́ pịkị ḅẹrẹ-ḅarasii pẹlẹ ị́ ḅụụ sọ pịrịarị.

1 Kọrịntị 10:31

Iḅim, kụma ị́ mịẹarị ye, mịẹarị ye sọ, ị́ fị-aro, í ḅuu-aro anịmgba kẹ ebube kẹ Tamụnọ pịrị ḅẹ ḅara mịẹ.

Ditẹrọnọmị 18:4

Ọmịna sịnmgbọlị ḅụ tarị paka-ḅo sịnmgbọlụ ma ḅụ, ọmịna iru-o, ọmịna pulo-o, ọmịna anana na oḅori na isuke kẹ ọ́ mịẹ kapa sọ, ọ́ kẹ ọ̀ pịrị ḅa.

Ditẹrọnọmị 26:17

KỊNỊNYANAḄỌ ḅe gboloma ye ḅụ mịmgba ọ́ mịẹfinji tẹ mịnẹ ori anie ọmịna Tamụnọ, anịsakị anieḅụ ọmịnị ori etela ma ḅụ mẹnjị ḅa, tẹ ori oloko ma tẹ kẹẹ wararị aị ma na, ọ̀ tọn aị ma na, kụrọ ọ̀ ḅara emi tẹ ọ̀ sụa oloko ma na, koko, tẹ ọ̀ pọkọ poki ḅa.

Ditẹrọnọmị 26:2

ọmịnị ama tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama mẹ ḅẹ kiri mẹ ḅio ḅẹ tarị sịnmgbọlụ mamgba ḅụ ḅẹ jaị kẹ kana ḅio sụa, tẹ ọmịnị anị kẹ anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị tẹ ori ẹrẹ anịanga sime ḅa ḅẹẹ anga mẹ mu ḅa.

Ditẹrọnọmị 26:4

Anịtẹso ọkụma agbamịẹḅọ ḅe ọmịna ḅara ḅụ kana mẹ daa-ọkị tẹ anị kẹ KỊNỊNYANAḄỌ ọmịna Tamụnọ ḅe agbamịẹ-anga mẹ, tọrọkọ sịẹma ḅa.

Ditẹrọnọmị 8:18

Ọ́ KỊNỊNYANAḄỌ ọmịna Tamụnọ ḅe kẹ ḅiokoroma ḅa, kẹ gotẹ ọkọ ḅẹẹarị, ori mie kụrọ kẹ ọ́ pịrịtẹ ọmịnị ngọ mẹ kọn ye; mịẹtẹ ori ori ọḅọkụ mẹ tẹ ò ye karị ḅara kẹ fị ọmịna aḍapụ pịrị ye mẹ mịẹ kụrọma ḅẹ ḅara anị wẹrịtẹ mịmgba ḅụ sime-ḅara.

Mịẹfinji 22:9

Kụma ori ị̀ dasịẹma tẹ ḅẹẹm, “Ọkọ mịẹ ma! Yẹrị na ị́yẹrị na, ị́ amịnapụ ịkịankoroapụ ma na, inimgba tẹ mị ḍiri mẹ ḅio simearị ẹkwẹn ma minini tẹ mịẹarị apụ mamgba na, pembema fịrịmẹnjịḅọ. Sunsin Tamụnọ pịrịị!”