Ditẹrọnọmị 24:8 - FỊAFỊA BAỊBỤLỤ

⁸ Ọmịnị ọmịna aḅụụ ẹbị sofịnị-obi ḅo ọ́ la sakị la sakị, ḅẹlẹma iḅiọkụ ḅụụ ẹbị tẹ Livayị furo ḅẹ agbamịẹapụ ma kẹ ọ́ daa-karakarama ḅara, karakarama ḅara mịẹ ḅụ, à wẹrịtẹ tọn ịn pịrị ḅara mie ọ́ ḅụụ ẹbị tẹ mịẹ ḅarị ḅara.

Ditẹrọnọmị 24:8 Iomraidhean Croise

Jerimaya 33:18

tẹ anịsakị agbamịẹapụ sakị mamgba Livayị furo ḅụ paka-ḅo tẹ fịrịmẹnjị ị̀ pịrị tẹ dọkịma-agba na mgbọlị-fịaị agba na, ja agba aḅara na mịẹ-mịẹ ị̀ pịrị ḅa.”

Lẹvitikọsị 13:57

Anịtẹrẹmẹ anị pịkị siin wasamarị ḅẹḅẹ, anị ye mẹ tẹ obi mẹ emi ye mẹ ọ́ fịnị kẹ anị dọkịma ḅa.

Lẹvitikọsị 14:14

Agbamịẹḅọ ḅe ḅẹrẹ-ḅarasii agbamịẹ nama ḅe ọmbie mẹ ḅụ kẹlẹ ọkị tẹ anị kẹ anị ḅọ mẹ tẹ ḅụụ mịẹ fịafịama ḅẹ ḅọ mẹ ama-ḅara anga ḅẹ ḅeri mẹ ọgọnọ-jụ na, mḅọ ama-ḅara ḅẹ opu ḅara-tụngbalị mẹ ọgọnọ na, mḅọ ama-ḅara anga ḅẹ opu ḅụọ-tụngbalị mẹ na ọgọnọ tan ḅa.

Lẹvitikọsị 14:2

“Miemẹ sofịnị-obi-kọnḅọ mẹ oloko sọ ḅa mḅọ amịna ḅụụ mịẹ fịafịamarị eneḅaka mẹ ḅụ. Kịnị mḅọ ọkị-ḅo agbamịẹḅọ ḅe pịrị ḅa.

Lẹvitikọsị 14:57

kẹ anị fịafịa-a sakị na, anị fịafịa wararị sakị na ḍie-pakama. Miemẹ anie sime sofịnị-obi pịrị oloko mẹ.”

Matiyo 8:4

Anịtẹso Jizọsị nwẹnị tomḅọ ḅe ḅẹẹ, “Pokii! À nwẹn kẹ ị́ gwọ ye mẹ ḅẹlẹma gbọrụ tomḅọ sọ pịrị ma, kụma da-da agbamịẹḅọ ḅe dama-mu tẹ ori í pekele-ḍiki, tẹ ị́ gwọ tẹ mẹ ḍie-pakama ḅụ nwẹnị Mozizi oloko mẹ tọn koroma ḅara ḅụ, anị ḅẹ agbamịẹye mẹ koroma.”

Makị 1:44

tẹso, ò tomḅọ ḅe ḅẹẹm, “Pokii, miemẹ gbolomaye ḍuko gbọrụḅọ-sọ pịrị ma. Kụma da-da agbamịẹḅọ ḅe dama-mu tẹ ori í pekele-ḍiki; anịtẹrẹmẹ kẹ ḅẹḅọ-ḅẹḅọ ḍie mịnẹ ị́ gwọọ tẹẹ, tẹ Mozizi tọn koroma agba mẹ mịẹẹ.”

Luku 17:14

Jizọsị ḅo ịna ẹrị tẹso, ọ̀ nwẹnị ịn ḅẹẹ, “Ó mu ḅụụ kẹ agbamịẹapụ ma ḍie tẹ ini ó pekele-ḍiki.” Ini ọkọ kẹ muarị ogbo ịna oju nwẹnị fịafịa.

Luku 5:14

Jizọsị nwẹnị tọn ọ̀ pịrị mịnẹ ò ḍuko kịnị pịrị ma, kụma ọ̀ da-da mu ḅụụ kẹ agbamịẹḅọ ḅe ḍie, tẹ ori ò pekele-ḍiki fama tẹ ḅẹḅẹ, ọ̀ nwẹnị Mozizi tọn koroma agba mẹ mịẹ, tẹ tomi nimi mịnẹ ọ̀ fịafịa tẹ.