Ditẹrọnọmị 24:6 - FỊAFỊA BAỊBỤLỤ

⁶ Gbọrụḅọ-sọ pakịrị ḅụ ye-gbẹẹ-ḍụḅarị daa-ọkị ma, kẹ gotẹ ọkọ ḅẹẹarị, gbala anị pakịrị mẹ kịkarị ye anie tomḅọ ḍumo ọkị.

Ditẹrọnọmị 24:6 Iomraidhean Croise

Suku-saakị 44:30

“Anịẹrẹsị à nwẹnị mịọkụ ị̀ ḍa ị́ fịrịmẹnjịḅọ ḅe ḍọkụma-ḅo tẹ kalatụḅọ ḅe wamịnị na ofori, tẹ ori ẹrịm mịnẹ kalatụḅọ ḅe wamịnị na ofori — gbala ò ḍumo mẹ kalatụḅọ ḅe ḍumo na fịnama wararị ẹrẹsị,

Jobu 22:6

Kẹ gotẹ ọkọ ḅẹẹarị, ị́ ị́ na gbọrụ ḍaḅọ iyi owiapụ ḅara ḅụ pakịrị ọkịm, tẹ ịna akapa siin tẹ ịn paụmam.

Matiyo 24:41

Maa ereme fịye gbẹẹ anga simearị ogbo ịn gbọrụḅọ ọkị tẹ osi-ḅọ koroma so ḅa.

Luku 12:15

Tẹ ọ̀ nwẹnị paa ẹkwẹn inimgba pịrị, “Nyana ye, nyana ye ḅụụ na-iḅi-a ḍumo ḅụ ọ́ kpọma ḅụụ ẹbị lamaa, kẹ gotẹ ọkọ ḍukoarị, tomḅọ karakara ḍumo mẹ mḅọ nyana sara aị ḅụ ofori, mḅọ ngọ-kọn la ḅara, la ḅara sọ.”

Ditẹrọnọmị 20:19

Ọ́ gbọrụ opu ama ọkị ḅẹ ẹrẹsị nangwọ sakị kẹ anị ikelema-koro tẹ owu kẹ anị paka ḅarị sakị, ó kumbu kẹ anị ḅẹ opu asịn pẹlẹ pẹlẹ ḅaa ḅụ arị ḅaa ma; kẹ gotẹ ọkọ ḅẹẹarị, ọmịnị inetẹ arịḅẹ asịnmgbọlụ fị ḅa, kụma ọmịnị arị pẹlẹ-gbin ma. Piri-ḅio-ḅẹ opu asịn ma ḅọrọ tomi tẹ ọmịnị ini ikelema-koro tẹ owu kẹ ịn paka na-iḅi?

Ditẹrọnọmị 24:5

Owiḅọ ayaya ẹrẹḅọ sime sakị sime sakị, ori ọmụ-ogbo mẹ ḅụ sọ tẹ ọmụ mu, anịanịa ḅẹ kọrịnama, kọrịnama sọ kẹ ọ̀ pịrị kọrị ma; ori ori ama ḅụ gbọrụ kụra kẹ sịḅị nyana tẹ sime ḅa, mịẹtẹ ori ọ̀ ta ma tẹ ò sime ḅọ ma na tọrụ-ḅẹlẹ ḅẹ ḅara.

Ditẹrọnọmị 24:7

Gbọrụ owiḅọ Izirẹlịapụ ma, ori amịnapụ ma ḅẹ gbọrụḅọ furuarị tẹ ọ́ ḍọkị-ẹrịm, tẹ ori omoniḅọ mịẹ ḅara kẹ mḅọ mịẹarị, anịanịa mḅọ dẹrị-dẹrị, anịrẹ anị furuḅọ ḅe fịị ḅa; mị-ḅara mie ọ́ kẹ ọmịna ogbo-ḅio siye mẹ sịkịrị sin ḅarị ḅara.

Mịẹfinji 18:22

Tomi ḅarị jen kẹ í ḅio ọbọ na, tomina pọkọ sụarị nume na, kala pọkọ kẹ fiearị ofuro aị na, ọdụ fiearị ye na naa ḅịa! Kịnị ḅarị jen kẹ ḅara ḍin gbọrụḅọ sọ ẹrị ḅịa í ḅio ḅụ; tẹ ye gbẹẹ ḍụḅarị fiearị ye sọ kịnị ḅarị jen kẹ í ḅio naa ḅịa!