Ditẹrọnọmị 24:1 - FỊAFỊA BAỊBỤLỤ

¹ Owiḅọ ẹrẹḅọ ọkị tẹ árị na simem, anịtẹrẹmẹ ori á ḅụụ ḅụ tọrụ gbẹẹ-a ye ḍọkị-ẹrịm, ẹrẹsị á ḅarị ọ̀ ḅụụ-ḅẹlẹ-a ḅẹḅẹ tẹ ò siya ḍiri kẹẹ tẹ anị kẹ á ḅara-ḅio sụa tẹ ọ̀ warị ḅio á dee pakamam, tẹ á som,

Ditẹrọnọmị 24:1 Iomraidhean Croise

Paka-so 21:10

Ọ̀ nwẹnị jen ẹrẹḅọ sime amịna ḅụụ pịrị, pịrị, tarị ẹrẹḅọ ma kiri fa ḅịa, anị fịye-o, kapa na ḅịtẹ na-o, pịkị mịẹ-aị na kẹ ye mịẹ-mịẹ aị na ḅụ sọ.

Ayịzaya 50:1

KỊNỊNYANAḄỌ ḅe mẹẹ, Í kuromarị à diḅọ na siya tẹ ẹrẹḅọ ḅara kẹ ị̀ atomi ḅẹẹ tẹ in so? Nwẹnị ọkọ kụma ndẹẹ ḅọrọ siya aḍiri ma? Ó kuromarị arị ọ́ kẹ dẹrị tẹ ini tomḅọ amịna awọmẹ kẹ omoni ḅara dẹrị ḅara? Ẹn-ẹn, ọmịna asi mie ó gotẹ kun ḅio sọ yee; ọmịna asi mịẹ-aị ẹrẹsị ini ọ́ kẹ ala-jụ fịrịmam.

Jerimaya 3:1

KỊNỊNYANAḄỌ ḅe mẹẹ, “Tomḅọ nwẹnị ọ̀ ta na siya tẹ á jụmọ sime kụma ọ̀ ḅarị inetẹ jen kẹ árị ọkị sime ḅịa. Miemẹ gbọrụ sịḅị amakiri mẹ pilema fama ḅa. Kụma, Izirẹlị, mịọkụ ị́ tọnwa oloapụ nyana tẹrẹmẹ pịkịma ị̀ ḍọkụma-ḅo ḅẹ-ḅiiarị!

Jerimaya 3:8

Juda sọ ẹrịm mịnẹ arị Izirẹlị siya tẹ á dee-pakama tẹẹ, arị ị́ ḅụ so tẹ ama-mẹnjị-ẹrẹḅọ sọ tẹ ẹrẹsị. Kụma, Juda, Izirẹlị si ịyịmbara ma, á ḅalafa-a. Árị sọ ḅo ama-mẹnjị-ẹrẹḅọ sọm,

Malakayị 2:16

KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹm, “À diḅọ na taḅọ na siya ḍiki-ḅioḅuarị. Ọmịna aḅụụ ḅẹ gbọrụḅọ tọrụ-kpọmatẹ ọkọ sime siye kẹ amịna taḅọ mịẹarị sakị, àrị anị ḍiki-ḅioḅuarị. Ẹrị mịnẹ í minini ị́ ta pịrị ye ḅụ í ḅioḅẹngbọ-kẹ-sịrẹrẹ-niḅi ḅara simem.”

Kịẹn-aḅịḅị 5:12

Izirẹlịapụ ma ḅẹẹ, “Ḅẹẹ owiḅọ owiḅọ ta ọ̀ ḅụụ mẹnjị iri tẹ tọrụ si mẹnjị kọn,

Kịẹn-aḅịḅị 5:28

Kụma ẹrẹḅọ ma amụ á ḅụụ pilema-a, tẹ fịafịa wararị ḅẹḅẹ, anịrẹ gberie-sọ á la ḅịa, tẹ á fura, fura tẹ awọ iyi-iyi sara ḅa.

Matiyo 1:19

Tẹ Josẹfụ ḅe, sakị mamgba Juu-ḅẹ-apụ ama-anganga-ḅara mẹ ḅẹ kuraye mịẹ-mịẹ ḅọ, kụma ò ḅii-a ori á sịḅị kẹ ama sịn. Mie ḅụ ọ̀ tọnm mịnẹ ọ̀ ḅọịma tẹ sime mẹ kan sin ḅa.

Luku 16:18

“Amịna taḅọ na siya tẹ jen ẹrẹḅọ sime ḅọ, sime ḅọ mḅọ sẹfị tẹ, anị gbọrụ ḅara ḅụ diḅọ na siya tẹ ẹrẹḅọ sime ḅọ sime ḅọ mḅọ sẹfị tẹ.

Ditẹrọnọmị 21:15

Owiḅọ maa ereme simem, ọ̀ gbọrụḅọ ḅẹlẹmam, tẹ osi ḅọ ḅẹlẹma-a tẹ ọ̀ ḅẹlẹma ḅọ ma-o, ọ̀ ḅẹlẹma-a ḅọ ma-o, awọmẹ iyi ọ̀ pịrị-pịrị, tẹ tọrọkọ tarị owiḅọtụḅọ ḅe anie ọ̀ ḅẹlẹma-a ẹrẹḅọ ma owiḅọtụḅọ ḅe ḅẹḅẹ,

Ditẹrọnọmị 22:13

Ḅẹẹ owiḅọ-owiḅọ ẹrẹḅọtụḅọ simem, tẹ á lekiri tẹrẹmẹ á sịkị,

Ditẹrọnọmị 22:19

Ịn seleḅa pakịrị sọnọa si gbẹẹ fomu-ḅara kẹ ọ̀ pịrị ḅa, tẹ arị kẹ ẹrẹḅọtụḅọ ma ḍaḅọ ḅe pịrị ḅa, gbala ọ̀ si ẹrẹ kẹ Izirẹlị ḅẹ amụ owiḅọ nimi-a ẹrẹḅọ ọgọnọ gbanam ẹrẹsị. Anịsakị árị ọ̀ ta sọ ḅa, tẹ ò ḍumo ene mamgba ḅụ ori inetẹ á siya ḅịa.

Ditẹrọnọmị 22:29

anịrẹ owiḅọ ḅe tẹ arị na gboloma ḅọ ḅe seleḅa pakịrị mesi oyi finji kẹ ẹrẹḅọtụḅọ ma ḍaḅọ ḅe pịrị ḅa, tẹ arị ọ̀ ta sọ ḅa, gbala ori á pilema tẹ ẹrẹsị; ori ene mamgba ḅụ ori inetẹ á siya ḅịa.

Ditẹrọnọmị 24:2

tẹ á mu jen owiḅọ taḅọ sọm,

Ditẹrọnọmị 24:3

tẹ ọḅụkọ á sime diḅọ ḅe á ḅarị ọ̀ ḅụụ-ḅẹlẹ-a tẹ siya ḍiri kẹẹ tẹ anị kẹ á ḅara-ḅio sụa, tẹ ọ̀ warị ḅio á dee pakamam, anịanịa á maaịn karama diḅọ ḅe tẹ arị ọkị ọ̀ ta sọma ḅọ ḅe fị-fịị,