Ditẹrọnọmị 23:8 - FỊAFỊA BAỊBỤLỤ

⁸ Ini iyi ịn pịrị tẹra ḅụọ karama awọmẹ ma inetẹ KỊNỊNYANAḄỌ ḅe kobiri-ogbo mẹ ḅio sọ-mu ḅa.

Ditẹrọnọmị 23:8 Iomraidhean Croise

Suku-saakị 25:25

Tarị tụḅọ ḅe awụ ḅịyam, tẹ ori oju mẹmgba mpọrị-mpọrị-mpọrị gbala isuke-isuke-isuke opu kapa sime-ḅara; mie ḅụ ini ẹrẹ kẹ ọ̀ sịnm Ịsọ.

Suku-saakị 25:26

Anịtẹrẹmẹ ori iyimbere paka-ḅom tẹ Ịsọ ḅụọ-tongu ọlọ-sịẹma wararị; mie ḅụ ini ẹrẹ kẹ ọ̀ sịnm Jekọbụ. Ayịzịkị ini iyi sakị ọ̀ sịḅị kụra atesi ḅọrọ tẹ.

1 Amadapụ 3:1

Sọlọmọnị nwẹnị Ijiputi ḅẹ amadaḅọ na gbọrụ ḅụụ sime, ori ẹrẹḅọtụḅọ na sime ḅụ. Ori arị ọkị-ḅo Devidi Opu ama mẹ ḅio anga nwenii tẹ ori ori Amada-opu-warị na, Tamụnọ Tẹkẹ-warị mẹ na, pịkị Jeruselemu gbori ikelema-koro onu mẹ sọ nama famam.

Ẹzịra 9:1

Mịna aị ma mịẹ ḅọrọ tẹso, fịrịmẹnjị-opuapụ ma nwẹnị ị̀ ḍọkụma-ḅo tẹ ḅẹẹ, “Kenanị ḅẹ apụ ma na, Itayịti apụ ma na, Pẹrịzayịtị apụ ma na, Jebusayịtị apụ ma na, Amọnị ḅẹ apụ ma na, Mohabụ ḅẹ apụ ma na, Ijiputi-ḅẹ-apụ ma na, Amọrayịtị ḅẹ apụ ma na ini ama ḅẹ apụ ma na, ịna tọn-tọn-aị ma na ḅụụ Izirẹlịapụ ma na, agbamịẹapụ ma na, Livayị furo-ḅẹ-apụ ma na paa amịna ḅụụ sikima-a,

Paka-so 22:20

“Ḅẹḅọ-ḅẹḅọ tẹ KỊNỊNYANAḄỌ ḅe sikima agba mịẹ ḅẹẹ oru-tamụnọ, oru-tamụnọ pịrị ḅọ pịrị ḅọ, ịn gbọrsịḅị mḅọ ḅaa ḅa.”

Lẹvitikọsị 19:34

Igoniḅọ ḅe tẹ ọmịnị na angarị ḅọ ḅẹ ọmịna ogbo-ḅio ḅụ ama-kuḅu ḅẹ ḅọ sime-ḅara sime ḅa, anịsakị ọmịnị ọmịna aḅụụ ḅẹlẹma ḅara kẹ mḅọ ḅẹlẹma ḅa kẹ gotẹ ọkọ ḅẹẹarị, ọmịnị sọ igoniapụ sọ simem Ijiputi ama mẹ ḅio. Yẹrị anie KỊNỊNYANAḄỌ ọmịna Tamụnọ ḅee.”

Obadaya 1:10

Ị́ ị́ amịnapụ, Izirẹlịapụ ma aị furu tẹ ịn ḅaa ye ẹrẹsị, kịnị í guluguluma tẹ ị́ kẹ kụn nyana-a ḅara wẹrị gbamaso ḅa.

Ditẹrọnọmị 10:19

Ọmịnị anịẹrẹsị jen sịẹ ḅụ ḅo igoniḅọ ḅẹlẹmaa; kẹ gotẹ ọkọ ḅẹẹarị, ọmịnị sọ Ijiputi ḅẹ ama mẹ ḅio igoniapụ sọ simem.

Ditẹrọnọmị 23:7

Ọmịnị Idọmụ ḅẹ ḅọ ḍiki-sima ma, kẹ gotẹ ọkọ ḅẹẹarị, ori anie ọmịnị na gbọrụ ḍaḅọ iyi owiḅọ; ọmịnị Ijiputi-ḅẹ-ḅọ ḍiki-sima ma, kẹ gotẹ ọkọ ḅẹẹarị, ọmịnị ori ama ḅio igoni kẹ bịan simem.

Ditẹrọnọmị 23:9

Ó mu ọmịnị na fịya-a apụ ma da-paka ḅẹ akpụrụ-warị ḅio kobiri sakị, anị sakị mẹ siye goyegoye ḅụ ọmịnị ọmịna aḅụụ wẹrị ḅelema ḅa.

1 Samụẹlị 30:11

Ịn nwẹnị ama na kpeki-a anga ḅẹ Ijiputi ḅẹ gbọrụḅọ ḍọkị-ẹrị, tẹ ori ọkị-ḅo Devidi pịrị; in nwẹnị fịye kẹ ọ̀ pịrị fị, minji kẹ ọ̀ pịrị ḅụ,