Ditẹrọnọmị 23:6 - FỊAFỊA BAỊBỤLỤ

⁶ Ọmịnị ịna dein, anịanịa ịna lọkọlọkọ ḍọkị ma gbamasoo, ọmịna ḍumo-ene mamgba ḅụ.

Ditẹrọnọmị 23:6 Iomraidhean Croise

2 Samụẹlị 12:31

Ọ̀ nwẹnị tomi ma tẹ anị ḅio sime apụ ma ọkị-ḅo tẹịn kẹ fụkụ-fụkụma na, ikulele kiri-sokuye na, ikulele akumbu na kụrọ kọrịnama ḅụ suu, tẹ ịn mịẹ tẹ ịn biriki tẹmẹ anga ma ḅụ sime tẹ lịlịm. Mị ḅara mie ọ̀ kẹ Amọnị ḅẹ apụ ma opu ama mamgba mịẹ ḅara. Anịtẹrẹmẹ Devidi na tomi mamgba na pịkịma Jeruselemu mum.

2 Samụẹlị 16:12

Sosi-ọkụma KỊNỊNYANAḄỌ ḅe toluma ị̀ ḅụụ-fụka mẹ ḍiki ḅa, anịsakị anieḅụ KỊNỊNYANAḄỌ ḅe mịmgba ị̀ ọgọnọ ḅụ mị karịye mẹ gotẹ iḅi kẹ ị̀ gbẹẹ ḅa.”

2 Samụẹlị 8:2

Ò Mohabụ nẹngịmam, ori ịn tọnm ọgbụrụ-sụn ḅụ, tẹ ịn mịẹ tẹ ịn kiri-ḅio lẹgịm; ịn sụn maa ọgbụrụ ḅụ sime apụ ini ịn ḅaam, tẹ gbọrụ ḅintẹ ọgbụrụ ḅụ sime apụ wẹrịsom. Mohabụ ḅẹ apụ ma ḅo Devidi afịrịmẹnjịapụ sọm, tẹ sịẹ oso jen sịẹ pịrịarị igbigi oso-oso ḅom.

Ẹzịra 9:12

Anị ẹrẹsị ọmịnị ọmịna eremịna-awọmẹ kẹ ịna owiapụ-awọmẹ pịrị sime ma, ọ́ pịkị ịna eremịna-awọmẹ sime ọmịna owiapụ-awọmẹ pịrị ma, gbala-gbala ó dein ḍọkị in pịrị ma, anịanịa ịna lọkọlọkọ ḍọkị, mịẹtẹ ọmịnị ịnyọ nyana, tẹ ama mẹ ḅẹ iḅi mẹ fị, tẹ anị kẹ ḍuu ḅụ koroma ọmịna awọmẹ pịrị nyana gbamaso ḅẹ ḅara.’

Danẹlị 4:27

Ọkọẹrẹsị, Gburo-gburo Opuḅọ, à kẹ í ḅeri nụnụ ḅarịye mẹ daa-ọkị. Ḅarị si mịẹ ma, karakara ye mịẹẹ, tẹ ḍiki-ḅụụjịrị nyana igoin-apụ pịrịị. Anịsakị í lolo tọrọkọ-tọrọkọ mu ḅa.”

Mayịka 6:5

Yei, ị̀ atomi, Mohabụ ḅẹ amadaḅọ Balakị ọ́ mịẹ ḅẹ tọn ye, tẹ Bẹyọ owiḅọtụḅọ Balamụ ḅe kẹ ọ̀ pakịrị ye ó gbeke kẹ ḅiokoroma? Sitimu ḅụ ọkị mu Giligalị la ḅụ Akasiya ḅẹ Akpụrụ-warị ḅụ paka ye mẹ ó gbeke kẹ ḅiokoroma? Ọ́ mịna aị ma kẹ ḅiokoroma, tẹ ọ́ ḅọrọma gotẹ à kọrị aị ma lekirii.”

Kịẹn-aḅịḅị 24:10

Balakị nwẹnị ịganị nyana Balamụ pịrị, tẹ nwẹnị ori aḅara farị; tẹ Balakị nwẹnị Balamụ ḅẹẹ, “Àrị ị́ sịnm ḅo ị̀ na fịya-a apụ worii, kụma ḍikii, mịna tẹra sakị ma ḅụ boma mie í ịn boma ye.

Ditẹrọnọmị 7:8

Kụma gbala KỊNỊNYANAḄỌ ḅe ọ́ ḅẹlẹmam tẹ tẹmẹ la ḅarasụa minini ye tẹ ò ye karị ḅara kẹ minini ọmịna aḍapụ ma pịrị ye mẹ koko ḅụ, mie KỊNỊNYANAḄỌ ḅe kẹ kụrọ nyana opu ḅara kẹ ọ́ pakama-ḅo tẹ ye, omoni-sọ anga mẹ ḅio, Fero Ijiputi ḅẹ amadaḅọ ḅe ḅara ḅio.