Ditẹrọnọmị 23:4 - FỊAFỊA BAỊBỤLỤ

⁴ gbala ọmịnị Ijiputi ḅụ paka-ḅo sakị, etela mẹ ḅụ ịn ḅo fịye na, minji na kẹ ọmịnị na bịama-a, anịsakị ịn pịkị Balamụ, Mẹsopotemịya ḅẹ Pitọ ḅụ ḅo Bẹyọ owiḅọtụḅọ ḅe ọkọm ò ḅo ọmịnị ma worii ẹrẹsị.

Ditẹrọnọmị 23:4 Iomraidhean Croise

1 Amadapụ 18:4

Jezibẹlị KỊNỊNYANAḄỌ ḅe ịkịankoroapụ ma pẹlẹ-ḅaa sakị, Obadaya ịkịankoroapụ sọnọa si ọkị tẹ kịnị amesi oyia apụ finji finji kẹ gbọrụ fukuru gbọrụ fukuru ḅio ḅọị tẹ fịye na minji na kẹ in kokom.)

Ẹzịra 9:1

Mịna aị ma mịẹ ḅọrọ tẹso, fịrịmẹnjị-opuapụ ma nwẹnị ị̀ ḍọkụma-ḅo tẹ ḅẹẹ, “Kenanị ḅẹ apụ ma na, Itayịti apụ ma na, Pẹrịzayịtị apụ ma na, Jebusayịtị apụ ma na, Amọnị ḅẹ apụ ma na, Mohabụ ḅẹ apụ ma na, Ijiputi-ḅẹ-apụ ma na, Amọrayịtị ḅẹ apụ ma na ini ama ḅẹ apụ ma na, ịna tọn-tọn-aị ma na ḅụụ Izirẹlịapụ ma na, agbamịẹapụ ma na, Livayị furo-ḅẹ-apụ ma na paa amịna ḅụụ sikima-a,

Nehimaya 13:2

Kẹ gotẹ ọkọ ḅẹẹarị, in fịye na minji na kẹ ḅo Izirẹlị ḅẹ awọmẹ ma na bịama-a, kụma in da-paka gotẹ in Balamụ ọkọm ori in wori — anịsọ wamịna Tamụnọ wori nume mẹ pịkị boma mịẹm.

Ayịzaya 63:9

ịna tọrụsiẹrị mamgba ḅụ. Enjẹlị-a, kụma KỊNỊNYANAḄỌ ḅe ḅioju mie ịn ḅọrọma ye. Ọ̀ ḅẹlẹma na sịḅị-kụrụkụrụ na ḅụ ori ịn pụkọ-pakamaḅom. Sakị mamgba ori ịn balarị ḅọrọtẹ sakị ḅụ sọ,

Jerimaya 49:1

Mie KỊNỊNYANAḄỌ ḅe ḍuko tẹ ye Amọnị gboloma ye ḅụ: “Ndẹẹ Izirẹlị ḅẹ atomi ma? Gbọrụḅọ sọ ofori ịna amakiri mẹ ḍụa? In tiegotẹ wẹrịso tẹ Mịlịkọmụ tẹkẹarị apụ ma Gadi furo-ḅẹ-apụ ma kiri mẹ ọkị tẹ kẹ amịna nye sọma tẹ anị yọ ḅụ anga?

Kururu Owu-apọkọ 1:10

Kịnị na fịya-a ḅọ ḅe amịna aḅara sụn-pakama á ḅụụ yela aị mamgba ọgọnọ gbana tẹẹ; inn, árị opu asịẹ ma á fịafịa yọ mẹ gbaịn-koro, tẹ anị fọịn ḅara ẹrị tẹẹ, inima tẹ í tomina-ogbo mẹ ḅio sọ-ḅo mẹ ị́ tọn-tọn apụ ma.

Izikẹlị 44:9

“Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko pakamarị mịnẹ gbọrụ tarị-ḅụụ sin-a, kịnị-tọrụ-nimia jen sịẹ ḅẹ ḅọ sọ, tẹ ị̀ ḅịḅị kan-arị ḅọ ị̀ Warị sọ-mu ḅịa, kịnị-tọrụ-nimia ḅọ tẹ Izirẹlịapụ ma ogboku angarị ḅọ sọ sọ-mu ḅịa.”

Zẹkaraya 2:8

Ó fomu ḅọ fomu ḅọ, ị̀ ḅụụ yelatẹịn ye fomu tẹẹ.” Mie ḅụ Kụrọmamgba nyana KỊNỊNYANAḄỌ ḅe mịẹ oku mẹ kẹ ị̀ kẹ sịẹ ma tẹ ori atomi fọịn apụ ma fịrịmam:

Kịẹn-aḅịḅị 22:17

Kẹ gotẹ ọkọ ḅẹẹarị, à gburo-gburotẹ kụn kẹ ị́ Pịrị ḅa, anịsakị ị́ ị̀ ḅẹẹm mịẹ nwẹn ḅẹẹ ye, ḅẹẹ ye à mịẹ ḅa; ḅoo, mịna atomi ma wori ị̀ pịrịị.’ ”

Kịẹn-aḅịḅị 23:7

Tẹ Balamụ nwẹnị ori ẹkwẹn mẹ saakị kọn tẹ ḅẹẹ: Eramụ ḅụ mie Balakị ì ọkị-ḅo ye, ịrụa-saakịarị-anga anga ḅẹ tụndụ ma ḅụ. Mohabụ ḅẹ amadaḅọ ḅe ḅẹẹm: “Ḅoo, Jekọbụ wori ị̀ pịrịị”, “inweni-ogbo ḅụ Izirẹlị na tụḅụrụ ẹkwẹn kọn!”

Matiyo 25:40

Amadaḅọ ḅe nwẹnị pakịrị ḅa, ‘À ḍuko ọ́ pịrịarị, ó miemẹ mịẹ tẹ kẹ mịna ị̀ amịnapụ ma ḅụ tomi kẹ ye-sịn-a apụ ma ḅụ iderima-tẹịn ḅọ mẹ pịrị sakị, pịrị sakị, ọ́ mịẹ ị̀ pịrị tẹẹ!’

Fịrịmẹnjịapụ 9:4

Ọ̀ nwẹnị ḅịkị kiri koro tẹ pọkọ naa, ọ̀ ḅẹẹarị, “Sọlụ, Sọlụ, í tiegotẹ ḅaa-ḅọkọ kẹ ị̀ ḍọkịarị?”

Jọsụwa 24:9

Anịtẹso Balakị, Zipọ owiḅọtụḅọ, Mohabụ ḅẹ amadaḅọ ḅe nwẹnị saakị tẹ owu kẹ Izirẹlị paka; tẹ ọ̀ nwẹnị Balamụ, Bẹyọ owiḅọtụḅọ ḅe sịn ò ḅo ó worii,

2 Pita 2:15

In gono-gono etela mẹ wẹrịso tẹ iri-faa tẹ; in Bẹyọ tụḅọ Balamụ sọ etela mẹ ḍuka mu tẹ, anie kura-aye mịẹ tẹ nyana ḅẹ igbigi ḅẹlẹmaḅọ ḅe,

Judu 1:11

Ịn tẹkẹlẹtẹ ḅara ḍikii! Keni ọkị etela mẹ mie in ḍuka mu tẹ ye (kịnị ḍiki-ḅioḅu na kịnị ḅaa etela na). In Balamụ ḍikima tẹ igbigi gotẹ siye mịẹm. Ịn pịkị Kora kọngọ kụrọma ḅara kẹ kọngọ kụrọmam, tẹ ò gulugulu fịị kọn ḅara ini sọ ọkọ kẹ fịị tẹ.

1 Samụẹlị 25:11

Arị ì fịye na, ì minji na, à ḅaa tẹ kẹ ì isuke-kịrịapụ pịrị pẹị ḅẹ nama mẹ na kẹ owiapụ tẹ arị in simetẹ ḅo anga nimi-a apụ pịrị ḅẹ?”