Ditẹrọnọmị 23:3 - FỊAFỊA BAỊBỤLỤ

³ Amọnị furo ḅẹ gbọrụḅọ, anịanịa Mohabụ furo ḅẹ gbọrụḅọ-sọ KỊNỊNYANAḄỌ ḅe kobiri-ogbo mẹ ḅio sọ-mu ma; ọkị mu oyi karama ḅụọ la sọ, sime ịn pịrị kpọkpọ gbọrụḅọ-sọ KỊNỊNYANAḄỌ ḅe kobiri-ogbo mẹ ḅio sọ-mu ḅịa gbamasom;

Ditẹrọnọmị 23:3 Iomraidhean Croise

Nehimaya 13:23

Arị ene ma ḅụ à pịkị Juu-ḅẹ-apụ ma tẹ Asịdọdị na, Amọnị na, Mohabụ na ḅẹ ereme sime apụ ma ẹrịm.

Nehimaya 4:3

Tobaya, Amọnị ḅẹ ḅọ ḅe ori akaka emi, tẹ ọ̀ nwẹnị ḅẹẹ, “Inn, ịn namarị ye mẹ, pụnụ ịna ḍụḅarị onu mẹ ọgọnọ mẹnjị sọ ori anị kan sara ḅa!”

Nehimaya 4:7

Kụma Sanịbalatị na, tobaya na, Arabụ apụ na, Amọnị ḅẹ apụ na, Asịdọdị ḅẹ apụ na, naam mịnẹ Jeruselemu onu ma ḅẹ nama mẹ tọrọkọ-tọrọkọ muarị, tẹ ḅiri-ḅiri ḅụ kan anga ma saakị gbaịn famarị nwẹn ḅẹẹ ye mẹ nwẹnị ịn ḅụụ-ḅẹsọ lama.

Ayịzaya 56:3

Jen sịẹ ḅẹ ḅọ tẹ ḅo amịna ḅụụ kẹ KỊNỊNYANAḄỌ ḅe atomi ma na gboloma tẹ ḅọ ḅẹẹ ma mịnẹ: “KỊNỊNYANAḄỌ ḍụkụ tẹ arị ori atomi na sunsin ọ̀ pịrị ḅịa.” Pootẹ owiḅọ gbala-gbala kuroma ma mịnẹ mḅọ inetẹ awọ iyi ḅịa ẹrẹsị mḅọ inetẹ Tamụnọ atomi ma ḅẹ ḅọ sọ ḅịa.

Jerimaya 49:1

Mie KỊNỊNYANAḄỌ ḅe ḍuko tẹ ye Amọnị gboloma ye ḅụ: “Ndẹẹ Izirẹlị ḅẹ atomi ma? Gbọrụḅọ sọ ofori ịna amakiri mẹ ḍụa? In tiegotẹ wẹrịso tẹ Mịlịkọmụ tẹkẹarị apụ ma Gadi furo-ḅẹ-apụ ma kiri mẹ ọkị tẹ kẹ amịna nye sọma tẹ anị yọ ḅụ anga?

Kururu Owu-apọkọ 1:10

Kịnị na fịya-a ḅọ ḅe amịna aḅara sụn-pakama á ḅụụ yela aị mamgba ọgọnọ gbana tẹẹ; inn, árị opu asịẹ ma á fịafịa yọ mẹ gbaịn-koro, tẹ anị fọịn ḅara ẹrị tẹẹ, inima tẹ í tomina-ogbo mẹ ḅio sọ-ḅo mẹ ị́ tọn-tọn apụ ma.

Matiyo 5:43

Ọ́ naa tẹ mịnẹ ịn ḅẹẹm, “Í ikiapụ ḅẹlẹma, tẹ si kẹ ị́ tọn apụ ḍiki-ḅioḅuu.”

Ditẹrọnọmị 23:2

Ḍa nyana-a gbọrụḅọ-sọ KỊNỊNYANAḄỌ ḅe kobiri-ogbo mẹ ḅio sọ-mu ma; ọ̀ ḅụụ ḅụ paka-ḅo apụ ḅụ ọkị mu oyi karama ḅụọ la sọ KỊNỊNYANAḄỌ ḅe kobiri-ogbo mẹ ḅio sọ-mu ma.

Rufu 4:6

Anịtẹso ḅụụ-palị-mịnaḅọ ḅe nwẹnị ḅẹẹ, “Ọkọ ḅẹḅẹ àrị inetẹ anị pakịrị ọkị ị̀ ḅụụ pịrị ḅịa, anieofori à ḅofa ì soku ḅụ à nyana ye ḅụụ-fụkama. Ị́yẹrị sime ị̀ pịrịtẹ à pakịrị ọkị ḅẹ ye mẹ ọkịị, kẹ gotẹ ọkọ ḅẹẹarị, àrị inetẹ anị pakịrị ọkị ḅịa.”