Ditẹrọnọmị 22:8 - FỊAFỊA BAỊBỤLỤ

⁸ Ọmịnị ịwọ warị nama ḅarị sakị ó tẹịn tẹ warị-anga nama ọmịna geletẹ isun akaka pịrị ḅa, mịẹtẹ ọmịnị ọmbie ḅẹrẹ-ḅarasii ọkị-ḅo ọmịna warị pịrị ḅịa ḅara kịnị anị ọgọnọ ḅịkị tẹ fị-fịị.

Ditẹrọnọmị 22:8 Iomraidhean Croise

2 Samụẹlị 11:2

Ene-ogbo ḅọrọ lama tẹ gbọrụ ene ḅụ, Devidi ọ̀ nangwọtẹ ngada ọgọnọ saakị, tẹ amadaḅọ warị isun mẹ ọgọnọ mẹnjịarị ogbo, ọ̀ nwẹnị isun mẹ ọgọnọ sime tẹ ḍiki tẹ minji ḅiriarị gbọrụ ẹrẹḅọ ẹrị, anịsakị ẹrẹḅọ ma iḅi lama wararị

Paka-so 22:6

“Gbọrụ tomḅọ amịna ḍụọ ḅio fịnị sụa tẹ anị osuka ma dọkịma ma-mu jụmọ ḍụọ ḅio sọ tẹ ịn pẹlẹ tẹ kobiri koroma wararị afịaị, anịanịa sịẹ-sịẹ wararị aị, anịanịa bebe ḍụọ mẹ dọkịmam ḅẹḅẹ, anịḅọ ḅe tẹ fịnị mẹ sụa ḅọ ḅe ye kọnma-a ḅara kẹ arị gbẹẹ ḅa.”

Ayịzaya 22:1

Mie Ịkịan Ẹrị Tụndụ-suku mẹ gboloma oku mẹẹ. Tiye ẹrẹsị ama mẹ ḅo atomi mamgba warị isun-isun ḅụ sime tẹ tii-arị?

Jerimaya 19:13

Jeruselemu ḅẹ awarị ma na, Juda ḅẹ amadapụ awarị ma na, tẹ karakara-ḅara-ḅụ warị mamgba tẹ ini arị isun ọgọnọ kụnụaị dọkịma lolia ma pịrị tẹ aị ma, pịkị iru sara ḍiepịrịye kẹ oru-atamụnọ pịrị tẹ ayọ ma — arịmgba fịafịa-a ḅara sime ḅa Tofẹti sime-ḅara.”

Izikẹlị 3:18

À ḍuko pakama ị́ pịrị mịnẹ gbọrụ si tomḅọ fịị ḅẹ muarị, tẹ ị́ mḅọ ḅeri nụnụ-a tẹ mḅọ inetẹ amịna etela ma ḍima tẹ amịna ḍumo ḅọrọma-a tẹ fịị-fịị, mḅọ paa si-mịẹḅọ ḅara sime wararị, kụma ị́yẹrị mie àrị mḅọ fịị mẹ kẹ ọlọ ḅarịye.

Izikẹlị 3:20

Karakara-ḅara-ḅụ iḅi tomḅọ saakị siye mịẹarị tẹ àrị mḅọ kẹ fịị dogi-ḅo ḅẹ kiri ḅụ koroma tẹ ị́ mḅọ ḅeri nụnụ-a ḅẹḅẹ, mḅọ fịị ḅa. Ọ̀ fịị ḅa ori asi ma ẹrẹsị — ọ̀ mịẹ tẹ iḅi mẹ à kẹ ḅiokoroma ḅịa — tẹ ọ̀ fịị mẹ à kẹ ị́ ọlọ ḅa.

Matiyo 10:27

Yẹrị ḍin ḅụ ḍuko ọ́ pịrị ye mẹ, ọmịnị anị gbọrụ ye mẹ ḍuko tomi pịrị nyanam eneḅaka fịafịa ogbo ḅụ, tẹ jen-apụ ofori tẹ ọ́ naa ye mẹ ọmịnị anị kẹ ama olokuu.

Makị 2:4

Tomina-ogbo mẹ la ḅara ẹrẹsị ini inetẹ tomḅọ ḅe kẹ sọ mu Jizọsị la-a. Anie ḅụ ịn warị isun mẹ kpọlị tẹ Jizọsị na karakara anga mẹ kan finjim. Ini ọkọ kẹ kan finji tẹso ịn nwẹnị tomḅọ ḅe na iḅila na toluma koroma.

Fịrịmẹnjịapụ 10:9

Anị ḅẹ ene-ḅaa ḅụ oku mu apụ ma mu Jọpa mẹ kpeki sakị, Pita sọ pịkị mu warị isun ọgọnọ eneḅaka ogbo ḅẹ tẹkẹ kọn ḅẹ mu tẹ.

Romu 14:13

Ọkọẹrẹsị, ó yee wa jụmọ-jụmọ sọkịrị wẹrịso, tẹ anie nakara ḍụkụ tẹ ị́ ḅụụ ḅo ye jụmọ da-mu si ḅio suu ma.

1 Kọrịntị 10:32

Ḅụụ-fụka kẹ ja apụ pịrị ḅịa ḍumo kọn, anị ḅọrọ Juu-ḅẹ-apụ-o, Ja asịẹ ḅẹ apụ-o, Tamụnọ sọsị mẹ-o.

Ditẹrọnọmị 22:7

Ọmịnị iyingiḅọ ḅe wẹrịso tẹ ò so, kụma asambịrịma afeni ma mie ọmịnị inetẹ ọkị ḅụụ pịrị ḅarịye; mịẹtẹ anị ọmịnị na iḅi ma-mu, tẹ ọmịnị inetẹ ḍumo nangwọma ḅẹ ḅara.

Ditẹrọnọmị 22:9

Ọmịna girepu-ḍụọ ḅio, ọ́ sịnmgbọlị maa aḅara ḍiḅi ma, anieofori bebe ḍụọ mẹ pakama-ḅo ḅarị aị mamgba ḅofa sime fịafịa yọ mẹ pịrị aị sọ.

Filipayị 1:10

mịẹtẹ ọmịnị inetẹ iḅitẹịn ye mẹ sẹlẹ-ọkị ḅarị ḅara. Anịtẹso fịafịa-a aị na tomi kẹ ọmịna sịḅị sẹịn ḅẹ aị na ọmịna ḅụ paka ḅịa ḅara Kịrayịsị Ene mẹ ḅụ.

1 Tẹsalonịka 5:22

tẹ siye goyegoye kọkọrọọ.

1 Samụẹlị 9:25

In gele yọ mẹ ḅụ simetẹ ideri-ḅo opu ama mẹ ḅio sọ tẹso, ịn nwẹnị warị isun mẹ ọgọnọ gbọrụ iḅila anya Sọlụ pịrị, tẹ ọ̀ nwẹnị mono ḅẹ anị ọgọnọ ḅọlọlọ.