Ditẹrọnọmị 22:6 - FỊAFỊA BAỊBỤLỤ

⁶ Ḅẹ opu sịn opu sịn ọgọnọ, anịanịa kiri-ḅio ḅụ ọ́ bẹkẹ bẹkẹ feni warị ḅio asambịrịma afeni awọmẹ, anịanịa anyị na iyingiḅọ na ẹrịm ọ̀ pamba kẹ awọmẹ ma gbaịn wararị, anịanịa anyị ma ọgọnọ emi ḅẹḅẹ, ó iyingiḅọ ḅe na, asambịrịma afeni ma na ọkị ma.

Ditẹrọnọmị 22:6 Iomraidhean Croise

Suku-saakị 32:11

Àrị ị́ tẹkẹm, ì iyimbere Ịsọ ḅara ḅụ ị̀ ḍụa-ḅọrọmaa, gbala arị ò ḍiki-ḅalafarị ẹrẹsị, anieofori ò ḅofa ḅo wamịnị-mgba, iyingiapụ ma na, awọmẹ ma na kẹ sụa ḅaa fama.

Suku-saakị 8:17

Ḍumo wararị ye goyegoye tẹ ị́nịna simearị meni sụa aị mamgba anie feni amẹẹ na, nama amẹẹ na, ikiriarị ye tẹ kiri mẹ ọgọnọ sime tẹ ikiri-ikiri ye goyegoye kẹ ị́ ḅụụ sụa koro-ḅoo, mịẹtẹ ịn tọnwa ḅara kẹ kiri mẹ ọgọnọ ye kọn fị, tẹ tomikiri mẹ ḅụ iyi tẹ lolo-kama ḅẹ ḅara.”

Egberima-Ẹkwẹn 12:10

Iḅi tomḅọ amịna anama kokoarị, kụma si-sịḅịḅio-sụa atomi si ḅara kẹ ịna aị na mịẹarị.

Hosiya 10:14

ọmụ ḅo ọmịna atomi la ḅa, tẹ ọmịna owu-kụrọnị-ayọ mamgba in guluguluma ḅa. Anị kịka ḅarị ene anie Ama-da Salịmanị ḅe Bẹtabẹlị opu ama mẹ guluguluma sakị ọmụ ḅio, tẹ in iyingiapụ na ịna awọmẹ na ḅaa kọsịmam.

Lẹvitikọsị 22:28

Anị ḅọrọ nambulo, anịanịa anana, anịanịa, oḅori-sọ, ọ́ gbọrụ ene ḅụ iyingiḅọ na, tụḅọ na ḅaa ma.

Luku 12:6

“Opulo-ngịangịa sọnọ amgbọ ịn nwẹn kẹ maa pẹnị dẹrị-a? Anịsọ Tamụnọ ịna ḅụ ḅẹ gberie-sọ kẹ ḅioḅọrọma-a.

Ditẹrọnọmị 22:5

Ḅẹ kapa kapa, tẹ owiḅọ gbolomaye gbolomaye, ẹrẹḅọ sụa ma; anịanịa ẹrẹḅọ gbolomaye gbolomaye, owiḅọ sụa ma; kẹ gotẹ ọkọ ḅẹẹarị, mịna aị ma mịẹḅọ mịẹḅọ KỊNỊNYANAḄỌ ọmịna Tamụnọ ḅe ḅụụ tọn-tọnye mịẹm.