Ditẹrọnọmị 22:1 - FỊAFỊA BAỊBỤLỤ

¹ Ị́ í iyimbere pootẹ-nambulo, anịanịa ori anana etela-iriarị tẹ ḅarasụa ịn pịrị ḅụ ị́ ḅụụ ọlọ-sịẹma ma; ị́ ini ọkị ọḅụ pịkị so mu í iyimbere pịrị ḅa.

Ditẹrọnọmị 22:1 Iomraidhean Croise

Egberima-Ẹkwẹn 24:11

Mịẹ si ofori tẹ ịn kẹ ḅaa ḅẹ muarị ḅọ pụkọ-pakamaḅo ḅụ sakị fama ma.

Egberima-Ẹkwẹn 27:10

Í ikiapụ anịanịa ị́ ḍa ikiapụ kẹ ḅioḅọrọma ma. Ḅụụ-fụka ị́ la ḅẹḅẹ, í iyimbere ḅara ḅarasụa ḅii ma; jen tomḅọ inetẹ ḅarasụa ḅele-fa wararị mịnaḅọ nẹngị lama ḅa.

Egberima-Ẹkwẹn 28:27

Ye kẹ igoin-apụ ma pịrịị, anịsakị ye ḅarị ị́ ḅụụ-fụkama ḅịa. Ị́ tọrụ gbaịn igoin-apụ pịrịarị ḅẹḅẹ, tọnwa-apụ í wori ḅa.

Ayịzaya 58:7

Í fịye kẹ ḅuru-pọkọtarịapụ ma na fịị, tẹ ị́ ḅọkọ finji sime-yọ nyana-a igoin-apụ ma pịrịị. Kapa kẹ sụa ḅẹ ye nyana-a apụ ma pịrị sụa, tẹ ḅarasụa ị́ amịnapụ pịrị mẹ sịkị ma.”

Ayịzaya 8:17

KỊNỊNYANAḄỌ ḅe amịna ḅụụ kikima ori atomi pịrị tẹẹ, kụma yẹrị arị ọ̀ kẹ ḅiokpọmarị, tẹ ì ḅiokpọ kẹ ori ọgọnọ gbana wararị.

Izikẹlị 34:16

À fa tẹẹ aị ma ḍọkị ḅa, ikele-ikele so mu jen anga la tẹ aị ma kẹ pịkị-ḅo ḅa, yelatẹ aị ma ịnọ ma fịna ḅa, tẹ obiarị aị ma gwọ ḅa; kụma tim-timtẹ oju iḅi wararị aị ma à ḅaa guluguluma ḅa, yẹrị anie kuraye mịẹarị anana-ḍikiḍikiḅọ ẹrẹsị.

Izikẹlị 34:4

Amụ ọmịnị ịnyọ ḅụụ ḅụ fa tẹẹ aị ma ḍikiḍiki-a, obiarị aị ma gwọ-a, yela aị ma ịnọ ma fịna-a, etela-iri tẹ aị ma kẹ pịkị-ḅo-a, anịanịa fa aị ma ḍọkị. Anie nakara ọ́ kụrọ-kụrọ ḅara kẹ arị na mịẹm.

Lẹvitikọsị 20:4

Anịsakị ama mẹ ḅẹ apụ ma mḅọ amịna awọmẹ ḅẹ gbọrụḅọ kẹ Molẹkị nwẹn-sịn oru-tamụnọ ḅe pịrị sakị mẹ ḅụ ịna atọrụ ḅọị tẹ gbala-gbala mḅọ ḅaa-a ḅẹḅẹ,

Lẹvitikọsị 6:3

anịanịa tarị sakị ḅụ fa ye ḍọkị-ẹrị tẹ anị ḅụ iruo kọn tẹ ye paka-a ḅara kẹ ye karị, tẹ ḅẹẹye-ḅẹẹye tẹ tomi mịẹarị aị mamgba ḅụ, tẹ arị ḅụ si mịẹ-mịẹ,

Zẹkaraya 7:9

“Alatẹ sakị kụra ḅio à ma oloko ma sụa ị̀ atomi pịrịm: ‘Ọmịnị ẹrị mịnẹ ọ́ jụmọ-jụmọ inoma-a, tẹ iḅi ḅara na ọkụrụkụrụ ḅara kẹ jụmọ-jụmọ na angarị.

Matiyo 10:6

Anie nakara Izirẹlị ḅẹ fatẹ anana ma mie ọ́ dama-mu ḅarịye.

Matiyo 15:24

Anịtẹso Jizọsị nwẹnị pakịrị, “Izirẹlị ḅẹ atomi, tẹ fatẹ anana ma, kịngẹ mie ini ị̀ kẹ fịrịma apụ.”

1 Kọrịntị 9:9

Mozizi Oloko mẹ ḅio wa goom, “Mbịaka sẹlẹ ị́ pịrịarị pootẹ-nambulo ḅe ḅịḅị fịna ma.” Ọ́ sịn-arị pootẹ-nambulo mie Tamụnọ ḅụ ḅẹrẹ ye?

Ditẹrọnọmị 22:2

Anịsakị ori í kpeki-a tẹ ala-jụ emi, anịanịa í ò nimi-a ḅẹḅẹ, ị́ anị kẹ ị́ ama ḅo ị́ warị koroma ḅa, tẹ anị ị́nịna sime nwenii ị́ iyimbere anị ḍọkị ḅa; anịsakị rẹ ị́ anị kẹ ọ̀ pịrị ḅa.

1 Pita 2:25

Etela iri-faa tẹ anana anie ọ́ kịka yee, kụma mịọkụ Tamụnọ ọ́ kẹ pịkị ọmịna atẹmẹ Ḍikiḍikiḅọ, pịkị Kokoḅọ ḅe ḍukamẹnjị ḅẹ ḅo tẹẹ.