Ditẹrọnọmị 21:6 - FỊAFỊA BAỊBỤLỤ

⁶ Anịsakị anị ịn ḅaa ḅọ ḅe kpeki-tẹịn opu ama mẹ ḅẹ omongiapụ mamgba ịna aḅara sịkịrị tụndụ ogboku mẹ ḅụ ịn kọngọ anyịma amụ iyi-a asambịrịma nambulo ḅe ọgọnọ sara ḅa,

Ditẹrọnọmị 21:6 Iomraidhean Croise

2 Samụẹlị 3:29

Yee anị Johabụ sịḅị na, ọ̀ ḍa warị mẹmgba na ọgọnọ gbana; anịsakị yee Johabụ warị ḅụ minji sararị ịnọ sụa ḅọ, anịanịa sofịnị-obi-kọnḅọ, anịanịa sịn ọlọ ḅụọ karama ḅọ, anịanịa, okologie ḅụ fịịḅọ, anịanịa ḅuru-ḅa ḅọ gbala-gbala ofori ḅara sime ma.”

Jobu 9:30

Àrị eene-mgbọ kẹ ì oju sịkịrị tẹ ye sịkịrị ọsọn kẹ ị̀ aḅara sịkịrị-sịkịrị,

Devidi-Anume 19:12

Gbọrụḅọ-sọ inetẹ mḅọ mịẹ-irima aị ẹrị ḅịa KỊNỊNYANAḄỌ, ḅọị tẹ mịẹarị asi ḅụ ị̀ ḍụa-ḅọrọmaa!

Devidi-Anume 26:6

KỊNỊNYANAḄỌ, ma ị̀ maa ḅara, à mịẹ ye ofori; tẹ sunsin ị́ pịrị ḅụ mẹnjị-mẹnjị ị́ agba mịẹ anga mẹ ikelemarị.

Devidi-Anume 51:14

Yei Tamụnọ, ḍụkụ tẹ à fịị ma, tẹ ị̀ ḅọrọma, tẹ à ḅioḅẹlẹ ḅara kẹ ị́ karakara mịẹ mẹ ḍuko wasama ḅa.

Devidi-Anume 51:2

Ì si mẹmgba sịkịrị siin tẹ mịẹ tẹ à fịafịa ì si ḅụ!

Devidi-Anume 51:7

Ì si siin, anịsakị à fịafịa ḅa, ị̀ sịkịrị fịafịamaa, anịsakị à pịna eene mgbọlị nẹngị ḅa.

Devidi-Anume 73:13

Ọkọ ḅẹ kụma arị ị̀ ḅụụ wẹrị kpaịnma tẹ si mịẹ-a ye mẹ papaa ye sọ tịya?

Jerimaya 2:22

Ị́ nwẹnị kụrọ-tẹịn ọsọn kẹ í oju sịkịrị sọ à paa ị́ ḅẹrẹ-ḅarasii mẹ ḅẹ elekima ẹrị ḅa.

Ditẹrọnọmị 21:7

tẹ ḍuko-pakama ḅa: Wamịna aḅara mị ọmbie mẹ ọsụma-a, wamịna atọrụngbọ sọ anị ọsụarị ye ẹrị-a.

Hiburu 9:10

arị fịye na, ḅuu ye na, ja kịrị ḅụụ fịafịama amịẹaị na ngẹrị gboloma ye ẹrẹsị. Mịna aị mamgba papaa tomi ẹrịarị aị, na mịẹarị aị na gboloma oloko, tẹ Tamụnọ ịwọma tọn pakama ye mẹ amụ ḅo sịẹsime-a sakị mẹ ngẹrị ḅụ mie arị ye ḅụ sọ ye.