Ditẹrọnọmị 21:5 - FỊAFỊA BAỊBỤLỤ

⁵ Agbamịẹapụ ma, Livayị owiapụ-awọmẹ ma nwẹnị mẹnjị sọma ḅo ḅa, kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe fịrịmẹnjị ọ̀ pịrị, tẹ KỊNỊNYANAḄỌ ḅe ẹrẹ mẹ ḅụ kịnị boma gotẹ ịn sẹlẹ-ọkị tẹ, anịsakị ịna ẹkwẹn-ḅịḅị ḅụ ịgbanịya goyegoye na, jụmọ-jụmọ fomu ḅẹrẹ na goyegoye pẹlẹ ḅa.

Ditẹrọnọmị 21:5 Iomraidhean Croise

1 Paka-aị 23:13

Amịramụ owiapụ-awọmẹ anie Erọnị, Mozizi na. Erọnị ini ò sikima kẹ fịafịa tẹịn aị ma mịẹ fịafịa ma pịrịm, mịnẹ ori na ori owiapụ-awọmẹ na sime KỊNỊNYANAḄỌ ḅe tọrọkọ kụnụaị dọkịma pịrị gbamaso ḅa.

2 Paka-aị 19:10

Ọmbie ọsụma na, oloko, anịanịa tọn koroma ye, anịanịa kẹẹ wararị oloko, anịanịa kụrọ ḅara-ḅio emi apụ tọn aị na, gboloma ye tẹ ọmịna mịnapụ tẹ amịna opu ama ḅụ angarị apụ ḅẹrẹ kẹ ọ́ ḍọkụma-ḅo sakị ḅo sakị ḅụ, ó ye kẹ in toluma ḅa, mịẹ tẹ in KỊNỊNYANAḄỌ ḅe tọrọkọ ḅẹrẹ-ḅarasii nyana tẹ ịganị ọkị-ḅo ọmịnị na, ọmịna mịnapụ na ọgọnọ gbana ḅịa ḅara. Mị-ḅara mịẹ ọ́ mịẹ ḅarị ḅara tẹ ḅarị ḅẹrẹ-ḅarasii nyana ḅịa.

Izikẹlị 42:13

Tomḅọ ḅe ị̀ ḅẹẹm, “Ma maa awarị ma fịafịa awarị. Arị ḅio ḅụ KỊNỊNYANAḄỌ ḅe tọrọkọ laarị agbamịẹapụ ma fịafịa-tẹịn agbamịẹ-aị ma fịarị. Ḅio ma fịafịa wararị ẹrẹsị agbamịẹapụ ma fịafịa-tẹịn agbamịẹ-aị ma kẹ arị ḅio koromarị mgbọlị afịaị agbamịẹ-aị na, si gotẹ mịẹ agba na kẹ ye gbẹẹ ḅẹ tẹ pịrị-aị na.

Izikẹlị 44:24

Oloko gboloma ịgbanịya paka-paka, agbamịẹapụ ma mie ḅẹrẹ mẹ kọn-pẹlẹ ḅarịye ì oloko ma sime-ḅara ḅụ. Ịn Tamụnọ alalị ma wẹrị ḅa à tọn koroma aḅara na à sụa oloko ma na ḍikitẹ, ịn pịkị Ịnyọsara-Ene mẹ wẹrị fịafịama.

Lẹvitikọsị 9:22

Anịtẹso Erọnị ori aḅara saakị-gelema tomi ma dam, tẹ ịn bomam; tẹ ọ̀ nwẹnị si sin agba mẹ na, dọkịma-agba mẹ na, dein-pịrị-agba mẹ na mịẹ anga mẹ ḅụ ideri-ḅo.

Malakayị 2:7

Karakara Tamụnọ nimi toluma, anie sime agbamịẹapụ pịrị fịrị. Kịnị mu-mu tẹ ịna aḅara à ḅiiarị ye ḍawọ, ini anie Kụrọmamgba nyana KỊNỊNYANAḄỌ ḅe oku-mẹnjịapụ ẹrẹsị.

Ditẹrọnọmị 10:8

Anị sakị ḅụ mie KỊNỊNYANAḄỌ ḅe Livayị furo mẹ sikima KỊNỊNYANAḄỌ ḅe Ọḅọkụ-Igbe mẹ dogi pịrị ye, KỊNỊNYANAḄỌ ḅe tọrọkọ sịẹsime tẹ fịrịmẹnjị ọ̀ pịrị, tẹ ori ẹrẹ ḅụ ye boma ḅo mịmgba lam.

Ditẹrọnọmị 18:5

Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịna afuro mamgba ḅụ ọ̀ sẹlẹ pakama-ḅom, tẹ ori na, ori owiapụ-awọmẹ na sịẹsime tẹ KỊNỊNYANAḄỌ ḅe ẹrẹ mẹ ḅụ fịrịmẹnjị gbamaso ḅẹ ḅara.

Ditẹrọnọmị 19:17

anịrẹ ịgbanịya mẹ ḅẹ maa apakịrị ḅẹ apụ ma KỊNỊNYANAḄỌ ḅe tọrọkọ, agbamịẹapụ ma na, ḅẹrẹkọn-apụ ma na tẹ arị ene ma ḅụ kọrịnama kọrị warị mẹ ḅio simearị apụ ma tọrọkọ ḅo ḅa;

Ditẹrọnọmị 21:4

Anịsakị anị opu ama mẹ ḅẹ omongiapụ ma amụ tụḅọ iyi-a asambịrịma nambulo ḅe kẹ ideri minji mẹnjịarị gbọrụ tụndụ ogboku tẹ amụ ịn ye ḍiḅi ḅẹ soku-a, pịkị ye ḍiḅi-a anga ḅo ḅa, tẹ anịjụ tụndụ ogboku mẹ ḅụ amụ iyi-a asambịrịma nambulo ḅe kọngọ anyịma ḅa.