Ditẹrọnọmị 21:4 - FỊAFỊA BAỊBỤLỤ

⁴ Anịsakị anị opu ama mẹ ḅẹ omongiapụ ma amụ tụḅọ iyi-a asambịrịma nambulo ḅe kẹ ideri minji mẹnjịarị gbọrụ tụndụ ogboku tẹ amụ ịn ye ḍiḅi ḅẹ soku-a, pịkị ye ḍiḅi-a anga ḅo ḅa, tẹ anịjụ tụndụ ogboku mẹ ḅụ amụ iyi-a asambịrịma nambulo ḅe kọngọ anyịma ḅa.

Ditẹrọnọmị 21:4 Iomraidhean Croise

Izikẹlị 36:9

Àrị ọmịna jụ emi, tẹ à mịẹ tẹ ó nimi ḅa mịnẹ ọmịna kiri ịn pịkị siin soku tẹ fịaị ḍiḅi ḅa anị ḅụ.

Ditẹrọnọmị 21:3

Anịtẹso ọkụma opu ama mẹ tẹ ịn ḅaa ḅọ ḅe kpeki-tẹịn ama mẹ ḅẹ omongiapụ ma amụ tụḅọ iyi-a gbọrụ asambịrịma nambulo tẹ ịn kẹ amụ kọrịnama kọrị-a, pịkị pọkọ sụa sịn kẹ pọkọ ḅụ sụatẹ kẹ amụ ye nụnụ-a asambịrịma nambulo ọkị ḅa.

Ditẹrọnọmị 21:5

Agbamịẹapụ ma, Livayị owiapụ-awọmẹ ma nwẹnị mẹnjị sọma ḅo ḅa, kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe fịrịmẹnjị ọ̀ pịrị, tẹ KỊNỊNYANAḄỌ ḅe ẹrẹ mẹ ḅụ kịnị boma gotẹ ịn sẹlẹ-ọkị tẹ, anịsakị ịna ẹkwẹn-ḅịḅị ḅụ ịgbanịya goyegoye na, jụmọ-jụmọ fomu ḅẹrẹ na goyegoye pẹlẹ ḅa.

1 Pita 3:18

Kẹ gotẹ ọkọ ḍukoarị, Kịrayịsị gbọrụ sakị kịngẹ kẹ si gotẹ fịị inweni-mgba pịrịm, iḅi tomḅọ ḅe si-mịẹapụ kiri ḍima tẹ fịịm, mịẹtẹ ori ọ́ ḅọrọma mu Tamụnọ la ḅẹ ḅara. Meni oju ḅụ ini ọ̀ ḅaam, kụma tẹmẹ ḅụ Tamụnọ ò ḍumomam,

1 Samụẹlị 6:7

Ọkọẹrẹsị mịọkụ ọ́ maa aḅụọ sụa ịwọ yedogi-kirimẹnjị-arụ na, ndo pịrịarị tẹ gbala-gbala kọngọ sụa sịn amụ kọngọ ḅụ gbana-a maa anambulo na ọkị tẹ tẹlẹma, tẹ yedogi-kirimẹnjị-arụ mẹ kẹ ịna kọngọ ḅụ sụa, kụma ọmịnị ịna aḅụụ ịna nambulo awọmẹ ma ọkị nama koko warị muu.