Ditẹrọnọmị 21:21 - FỊAFỊA BAỊBỤLỤ

²¹ Anịtẹso ọkụma opu ama mẹ ḅẹ owiapụ mamgba ḍụḅarị kẹ ò gbin ḅaa ḅa; mị-ḅara mie ọ́ kẹ siye mẹ sịkịrị siin ḅarị ḅara ọmịna ogbo-ḅio ḅụ; anịsakị Izirẹlị mẹmgba naa tẹ ḅalafa ḅa.

Ditẹrọnọmị 21:21 Iomraidhean Croise

Ditẹrọnọmị 13:5

Kụma anị ịkịankoroḅọ ḅe, anịanịa anị ḍawọ-puuḅọ ḅe ini ọ̀ ḅaa ḅa, gbala ọ̀ sịḅị-kụrọ toluma tẹ, KỊNỊNYANAḄỌ ọmịna Tamụnọ ḅe tẹ Ijiputi ḅẹ ama mẹ ḅio ọ́ pakama-ḅo, tẹ omoni-sọ anga mẹ ḅio ọ́ pakịrị ḅọ ḅe na tụḅụrụ ye tolumam ẹrẹsị, kẹ ó mịẹtẹ ọmịnị etela mẹ tẹ KỊNỊNYANAḄỌ ọmịna Tamụnọ ḅe tọnm ọ́ mẹnjị ḅẹẹ ye mẹ wẹrịso ḅẹ ḅara. Mị-ḅara mie ọ́ kẹ ọmịna ogbo-ḅio siye mẹ sịkịrị sin ḅarị ḅara.

Lẹvitikọsị 24:16

Oriḅe tẹ KỊNỊNYANAḄỌ ḅe ẹrẹ fie sima ḅọ, sima ḅọ, ini mḅọ ḅaa ḅa, tomina-ogbo mẹmgba ḍụḅarị kẹ mḅọ gbin ḅa; igoniḅọ ḅe na, ama-kuḅu ḅẹ ḅọ ḅe na gbọrụ ḅara, mḅọ Tamụnọ Ẹrẹ fie sima, sima, ini mḅọ ḅaa ḅa.”

Ditẹrọnọmị 22:24

anịrẹ ọmịnị ini maa apụ ma pakama anị opu ama mẹ ḅẹ ogigo-ḅọkọ mẹ ḅo ḅa, tẹ ḍụḅarị kẹ ịn gbin ḅaa ḅa gbala ẹrẹḅọtụḅọ ma opu ama mẹ ḅio emi sọ ḅarasụa gotẹ oloku-a; anịsakị owiḅọ ḅe, ori ọ̀ mịnaḅọ ta pilemam ẹrẹsị; mị-ḅara mie ọ́ kẹ ọmịna ogbo-ḅio ḅụ siye mẹ sịkịrị siin ḅarịye.

Ditẹrọnọmị 22:21

anịrẹ ini ẹrẹḅọtụḅọ ma pakama-ḅo ḅa á ḍa warị ḅọkọ ḅụ, tẹ opu ama mẹ ḅẹ owiapụ ma ḍụḅarị kẹ á gbin ḅaa ḅa; gbala á sẹfị oḅori mịẹye mịẹ tẹ ẹrẹsị á ḍa warị ḅio Izirẹlị ḅụ. Mị-ḅara mie ọ́ kẹ ọmịna ogbo-ḅio ḅụ siye sịkịrị sin ḅarị ḅara.

Ditẹrọnọmị 17:5

anịrẹ ọmịnị anị owiḅọ ḅe, anịanịa anị ẹrẹḅọ ma tẹ mị siye mẹ mịẹ ḅọ mẹ kẹ ọmịna ogigo-aḅọkọ ma ḅo ḅa tẹ ḍụḅarị kẹ anị owiḅọ ḅe, anịanịa anị ẹrẹḅọ ma gbin ḅaa ḅa.

1 Kọrịntị 5:13

Sọsị ḅẹ apụ-a tomi kọn mẹ anie Tamụnọ ḅẹrẹ. “Ọmịnị ọmịna ogbo ḅụ simearị si tomḅọ ḅe dee-siin.”

Lẹvitikọsị 20:2

“Izirẹlịapụ ma ḅẹẹ, Izirẹlị ḅẹ apụ ma ḅụ, anịanịa igoniapụ tẹ Izirẹlị ḅụ angarị apụ ma ḅụ, ḅẹḅọ-ḅẹḅọ tẹ amịna awọmẹ ḅụ ḅẹḅọ-ḅẹḅọ kẹ Molẹkị nwẹn-sịn oru-tamụnọ ḅe pịrị ḅọ pịrị ḅọ, ini mḅọ ḅaa ḅa; ama mẹ ḅẹ apụ ḍụḅarị kẹ mḅọ gbin ḅaa ḅa.

Lẹvitikọsị 20:27

Owiḅọ, anịanịa ẹrẹḅọ tẹ fụḅara, anịanịa, ḅara-kuḅu ḍikiarị ḅọ, anịanịa majịkị mịẹarị ḅọ, ini mḅọ ḅaa ḅa. Ịn ḍụḅarị kẹ mḅọ gbin ḅaa ḅa. Mḅọ ọmbie amịna ọgọnọ gbana ḅa.

Lẹvitikọsị 24:14

“Kobiri-ogbo mẹ ogbo-ḅio ḅụ ori ḅe tẹ ye karị ḅọ ḅe pakama-ḅo tẹ inima tẹ ò ye mẹ karị tẹ naa apụ ma ịna aḅara kẹ ọ̀ sịḅị ọgọnọ gbana, anịsakị yee tomina-ogbo mẹmgba ḍụḅarị kẹ ò gbin ḅaa.

Kịẹn-aḅịḅị 15:25

Anịsakị agbamịẹḅọ ḅe nwẹnị si-wẹrịso pịrị ḅẹrẹ fama Izirẹlị ḅẹ tomina-ogbo mẹmgba pịrị ḅa; tẹ ịn si-wẹrịso pịrị nyana ḅa; gbala miemẹ anie nimi-a ḅara ḅụ mịẹ tọkọrọma ye, tẹ ịn pịkị ịna agbamịẹye ọkị-ḅo tẹ, fịnị ḅụ KỊNỊNYANAḄỌ ḅe tọrọkọ ḅụ mịẹ agba, na pịkị ịn nimi-a ḅara ḅụ mịẹ tọkọrọma ye mẹ gotẹ KỊNỊNYANAḄỌ ḅe tọrọkọ si sin agba mịẹ tẹ ẹrẹsị.

Kịẹn-aḅịḅị 15:35

KỊNỊNYANAḄỌ ḅe nwẹnị Mozizi ḅẹẹ, “Owiḅọ ḅe ọmịnị ọ̀ ḅaa ḅa; kobiri-ogbo mẹ ḅio ọmịnị ọ̀ pakama etela-ogbo ḅo ḅa, tẹ tomina-ogbo mẹmgba ḍụḅarị kẹ ọ̀ gbin ḅa.”

Kịẹn-aḅịḅị 15:36

Tẹ tomina-ogbo mẹ kobiri-ogbo mẹ ḅio ọ̀ pakama etela-ogbo ḅo, tẹ KỊNỊNYANAḄỌ ḅe wẹrịtẹ tọn Mozizi pịrị ḅara ḅụ ḍụḅarị kẹ ò gbin ḅaam.

Ditẹrọnọmị 21:20

Anịsakị ini opu ama mẹ ḅẹ omongiapụ ma ḅẹẹ ḅa: “Ḅie wamịna owiḅọtụḅọ ḅe ọ̀ kịnị na kura-a, tẹ sịḅị-kụrọ wararị, ọ̀ wamịna pọkọ poki-a, ori anie pọkọ sịkịrị tẹ iru ḅuu ma ḅọrọarị ḅọ.”

2 Samụẹlị 18:17

Tẹ ịn nwẹnị Abusalọmụ ọkị, tẹ ọ̀ kẹ opu piri mẹ ḅio gbọrụ opu olulu ḅio gbin suu, tẹ nwẹnị gburo-gburo lama ḅara kẹ tọnwa aḍụḅarị kẹ ò ponoma kpoli tunduruma; tẹ Izirẹlị mẹmgba ọrụḅọ-ọrụḅọ nwẹnị ḍumo-mangị kọn so amịna soku-ḅẹ ama mu.

Paka-so 21:17

“Ḅẹḅọ-ḅẹḅọ tẹ ye karị amịna ḍaḅọ, anịanịa amịna iyingiḅọ pịrị ḅọ, pịrị ḅọ, ini mḅọ ḅaa ḅa.”

Ditẹrọnọmị 13:6

Í iyimbere, í iyingi owiḅọtụḅọ, anịanịa í owiḅọtụḅọ, anịanịa ị́ ẹrẹḅọtụḅọ, anịanịa ị́ tẹmẹ ḅio sime taḅọ, anịanịa í ikiaḅọ tẹ ị́ ọkị ị́ tẹmẹ lama ḅọ ḅọị ḅara kẹ í toluma tẹ ḅẹẹm: Yee wa mu fịrịmẹnjị oru-atamụnọ pịrị, oru-atamụnọ tẹ ị́yẹrị, anịanịa ị́ aḍapụ sọ nimi-a ye;

Ditẹrọnọmị 13:12

Ọmịna opu ama ma tẹ KỊNỊNYANAḄỌ ọmịna Tamụnọ ḅe kẹ ọ́ pịrịm ọmịnị anịjụ anga ḅẹẹ aị ma ḅẹ gberie ḅio ọ́ naa, naa,

Ditẹrọnọmị 17:7

Ọ̀ ḅaa mẹ ḅụ ḅẹrẹ kiri sime apụ ma ḅara tomi mamgba ḅụ tarị tarị ọ̀ da-paka ḅa, tẹrẹmẹ tomi mamgba ḅo anị ḅụ sọ ḅa. Mị-ḅara mie ọmịnị ọmịna ogbo-ḅio siye mẹ sịkịrị sin ḅarị ḅara.

Egberima-Ẹkwẹn 30:17

Ḅẹḅọ-ḅẹḅọ tẹ amịna ḍaḅọ kẹ kpọọtiarị, anịanịa iyingiḅọ ḍiki-simarị ḅọ árị omongi sakị ḅụ, ẹdẹlẹ amẹẹ mḅọ pẹị, anịanịa piri-ḅio-ḅẹ opu afeni mḅọ atọrụngbọ gbọn pakama-ḅo na-iḅim.