Ditẹrọnọmị 21:1 - FỊAFỊA BAỊBỤLỤ

¹ Ama mẹ tẹ KỊNỊNYANAḄỌ ọmịna Tamụnọ ḅe ọ́ nyana ḅẹ tẹ kẹ ọ́ pịrị ama mẹ ḅio ḅẹḅọ-ḅẹḅọ fịị tẹ ama na kpeki-a anga ḅụ koro-sime wararị tẹ ọ́ ḍọkị-ẹrịm, tẹ kịnị ọ̀ ḅaa ḅọ nimi-a ḅẹḅẹ,

Ditẹrọnọmị 21:1 Iomraidhean Croise

Suku-saakị 4:10

KỊNỊNYANAḄỌ ḅe nwẹnị ḅẹẹ, “Í tiegotẹ nwẹn sime ye mịẹ? Í iyimbere ọmbie mẹ pọkọ kiri mẹ ḅio sime tẹ owu ị̀ pịrịarị.

Devidi-Anume 5:6

Í iruo-apụ mamgba ḅaa gulugulumarị tẹ kụrọ-ḅara mịẹ, tẹ tomi toluma famarị apụ ḍiki-iderimarị.

Devidi-Anume 9:12

Tamụnọ tọrụsiẹrịarị apụ ma kẹ ḅiokoromarị: Ori ịna owu kẹ ḅioḅọrọma-a: tẹ ò fomu-ḅara kẹ kura-aye kẹ ịn mịẹarị apụ pịrịarị.

Egberima-Ẹkwẹn 28:17

Kịnị-ḅa-ḅẹrẹ sịḅị ḅụ gbana wararị ḅọ mẹ, mḅọ sarasarama amịna ḍuḅu sokuarị. Ọ̀ dasịẹma ḅẹ ḍọkị ma.

Ayịzaya 26:21

KỊNỊNYANAḄỌ ḅe So-ḅio ò sime yọ ḅụ ḅo tomikiri ḅẹ apụ ma asi gotẹ in fomu ḅa. Ḅọị ḅara ḅụ tomikiri ḅụ ịn ḅaa apụ mamgba paka ḅa, tẹ kiri mẹ ḅarị jen kẹ ịn ḅaa tẹ apụ kikima ḅịa.

Fịrịmẹnjịapụ 28:4

Ododo ḅe ọkọ kẹ Pọlụ ḅara lọkụ-lọkụarị mẹ mịẹtẹ ama nyana apụ ma nwẹnị jụmọ-jụmọ ḅẹẹ, “Ḅieḅe arịḅọ ḅa; abajị ḅio ọ̀ fa-a so tẹso, kụma ọ̀ kọn tẹ iri-mịẹye mẹ paa ọ̀ ḅaa ḅẹ tẹ ò ḍukamẹnjịarị.”

Ditẹrọnọmị 19:10

Anie ofori mịẹye-ofori apụ ọmbie ḅofa ama mẹ tẹ KỊNỊNYANAḄỌ ọmịna Tamụnọ ḅe kẹ sime anga gotẹ ọ́ pịrị ama mẹ ḅio sara, tẹ anieḅụ ọmbie ọsụma ḅẹrẹ-ḅarasii ḅofa ọmịna ọgọnọ gbana.

Ditẹrọnọmị 20:20

Opu asịn ma tẹ ó nimim fịye sụa-a opu asịn mie ọmịnị inetẹ ḅaa tẹ pẹlẹ-gbin ḅarịye, mịẹtẹ ọmịnị inetẹ opu ama mẹ tẹ ọmịnị na ọmụgbin-arị ama mẹ ikelema-koro tẹ owu kẹ anị paka ḅẹ kọrịnama kọrị tẹ owu kẹ anị paka nwenii anị ḅịkị ḅẹ ḅara.

Ditẹrọnọmị 21:2

anịrẹ ọmịna omongiapụ na, ọmịna ḅẹrẹkọn-apụ na paka-ḅo ḅa, tẹ ori tẹ ịn ḅaa ḅọ ḅe oju-akpakpa mẹ ḅele-laa-ḅara tọn tọn mu ori ikelema-koro opu ama ma la ḅa.

Ditẹrọnọmị 3:18

Anịsakị mẹ ḅụ à tọn ịn pịrị tẹ ḅẹẹm: KỊNỊNYANAḄỌ wamịna Tamụnọ ḅe mị ama mẹ kẹ ó pịrị tẹ ọmịnị anị nyana-a; ọmịna owu-akọnịapụ mamgba owu aị kẹ ḅụụ-tẹlẹma tẹ ọmịna amịnapụ Izirẹlịapụ ma tọrọkọ tarị saḅa-ḅọrọ ḅa.