Ditẹrọnọmị 20:8 - FỊAFỊA BAỊBỤLỤ

⁸ Fịrịmẹnjị-opuapụ ma ẹkwẹn tọrọkọ mu tomi ma pịrị tẹ ḅẹẹ ḅa: Tụḅọ emi tẹ siye ḅụụ la ḅẹ kuroma nyana tẹ ḅioḅẹngbọ ḅịkị tẹ ḅọ? Yee mḅọ ọḅụ pịkị-so mḅọ warị mu, anieofori mḅọ pembema ḅọ ḅioḅẹngbọ ḅofa mḅọ ḅioḅẹngbọ sanị ḅara sanị.

Ditẹrọnọmị 20:8 Iomraidhean Croise

Paka-so 15:15

Mịọkụ Idọmụ ḅẹ sịḅịdapụ ma ekpe tukutukuarị Mohabụ ḅẹ tọrọkọ-tarịapụ ma oju sẹkị ịn kun-arị; Kenanị ḅẹ apụ mamgba gbọrsịḅị sanị fa tẹẹ.

Egberima-Ẹkwẹn 24:10

Ye ḅo tọrụ ḅalaḅalama ḅara sime tẹso ị́ ḅụụ-lọkọarị ḅẹḅẹ, karakarama tẹ ị́ ḅụụ ịnyọ ofori.

Kịẹn-aḅịḅị 13:31

Kụma tomi ma tẹ ori na mu apụ ma nwẹnị ḅẹẹ, “Wa ịnyọ nyana tẹ iwo mu tomi ma na owu sọ ḅịa; kẹ gotẹ ọkọ ḅẹẹarị, ịn kụrọ wa nẹngịm.”

Kịẹn-aḅịḅị 32:9

Kẹ gotẹ ọkọ ḅẹẹarị, ini iwo mu Ẹsịkọlị ḅẹ Tụndụ Ogboku mẹ la tẹ ama mẹ ẹrị sakị, ini Izirẹlịapụ ma ḅioḅẹngbọ lọkọmam mẹnjị ama mẹ tẹ KỊNỊNYANAḄỌ ḅe kẹ ịn pịrị tẹ ama mẹ ḅio sọ-mu ḅụ.

Luku 9:62

Jizọsị ọ̀ ḅẹẹm, “Ọgụ ọlọ tẹ kẹ ḍụọ kọrịarịḅọ tẹ tọrụ pịkị ọḅụ ḍikiarị tomḅọ mẹ, mḅọ Tamụnọ Ama-da mẹ na mịẹye nyana-a.”

1 Kọrịntị 15:33

Ọ́ ḍụkụ tẹ kịnị oḅori kẹ ọ́ sịn ma. “Si ikia-ogbo iḅi-yemịẹ-ḅara sima simam.”

Ditẹrọnọmị 1:28

Wa iwo tọ anga muarị? Wamịna amịnapụ mịẹ tẹ wamịna aḅioḅẹngbọ sanị tẹẹ. Ịn ḅẹẹm, “tomi ma ịn gburo-gburo na, gele na kẹ wa nẹngị wararị, opu ama ma ḍụḅa ḍụḅa wararị, tẹ ini ọmụ-aị kẹ arị mịẹ kụrọma mu so la wararị; anie sikima, wa anịjụ ḅụ nonji-atomi ma owiapụ ma ẹrị tẹẹ.”

Ditẹrọnọmị 20:9

Fịrịmẹnjị-opuapụ ma ẹkwẹn mẹ kọn tomi ma pịrị kunoma tẹso, kụma, anịsakị rẹ ịn tomi ma kẹ sịḅịda ḅẹ ḅẹrẹtọn-apụ tọn ḅa.

Ditẹrọnọmị 23:9

Ó mu ọmịnị na fịya-a apụ ma da-paka ḅẹ akpụrụ-warị ḅio kobiri sakị, anị sakị mẹ siye goyegoye ḅụ ọmịnị ọmịna aḅụụ wẹrị ḅelema ḅa.

Mịẹfinji 21:8

Kụma mịẹ ḅẹ ye ẹrị tẹ ḅụụ gwẹ-gwẹarị apụ na, tomi kẹ ja apụ ḅara-ḅio dẹrịmarị apụ na, amịna ḍumo kọn pengemarị apụ na, kịnị-ḅaapụ na, ḅụụ wẹrị kpaịnma-a apụ na, ḍiri ibiam tii-arị apụ na, oru tẹkẹ apụ na, iruo apụ mamgba na, arị atomi ma sime anga anie, ọpọlị balị kọrị ḅara kọrịarị tọrụ mẹ ḅio, aniemẹ anie maaịn karama fịị mẹ.”

Mịẹfinji 3:16

Kụma ị́ mẹmẹ wararị ẹrẹsị, anie ị́ ọfịrị-a, ị́ pịkị oḅoku-a mẹ, àrị í osoro pakama ḅa ị̀ ḅịḅị ḅio ḅụ!

Ḅẹrẹkọn-apụ 7:3

Ọkọẹrẹsị mịọkụ kpo-kpo gbolo tomi ma ḅeri ḅio suu tẹ ḅẹẹ, ‘Ḅẹḅọ-ḅẹḅọ tẹ ḅalafaarị tẹ oju-sẹkịarị ḅọ goḅọ-goḅọ yee mḅọ pịkịma-so ama mu.’ ” Gidiyọnị ịn daaḍikim, tẹ kịnị maa apuku na jeia ẹndẹ finji (22,000) pịkịma-som, tẹ kịnị gbọrụ puku na sọnọa ẹndẹ finji (10,000) nwẹnị kọọn.