Ditẹrọnọmị 20:4 - FỊAFỊA BAỊBỤLỤ

⁴ Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe anie oriḅe tẹ ọmịnị na fịya-a apụ na owu sọ ọ́ pịrị ḅẹ ọmịnị na muarị ḅọ, owu-ḅara-iḅi mẹ kẹ ọ́ pịrị ḅẹ ẹrẹsị.

Ditẹrọnọmị 20:4 Iomraidhean Croise

1 Paka-aị 14:15

Ị́ ịn kẹ balịsamụ sịn opu asịn ma sịḅị ọgọnọ ḅụ mẹnjị aḅụọ fiearị naa tẹrẹmẹ mu owu paka; kẹ gotẹ ọkọ ḅẹẹarị, à tarị ị́ tọrọkọ-pẹlẹma mu Filisiteniapụ ọmụ-ogbo mẹ ḅaa tẹẹ.”

2 Paka-aị 13:12

Ḍikii, Tamụnọ wamịna sịḅịkọ ḅụ wamịnị na emi, tẹ ori agbamịẹapụ ịna owu ọdụ ma ọlọ wararị, kẹ ofuro tẹ ọmịnị na sọ ḅarị owu mẹ sịn koroma. Yei Izirẹlị ḅẹ awọmẹ, ọ́ KỊNỊNYANAḄỌ ọmịna aḍapụ ma tẹkẹarị Tamụnọ ḅe na owu sọ ma, kẹ gotẹ ọkọ ḅẹẹarị, ọmịna aḅara iḅi ḅịa.”

Paka-so 14:14

KỊNỊNYANAḄỌ ḅe owu mẹ sọ ọ́ pịrị ḅa, anịsakị ọmịnị nyana tẹ mịẹ ḅarịye anie jike-a ḅara kẹ sịẹ-kụrọ.”

Romu 8:37

Gbala-gbala, ma mamgba ḅio, wa ḅẹlẹma ḅọ ḅe ḅụ, owu wamịna ḅara iḅi fama tẹ!

Ditẹrọnọmị 1:30

KỊNỊNYANAḄỌ ọmịna Tamụnọ ḅe tẹ ọmịna tọrọkọ-tarịarị ḅọ ḅe ḅarana owu mẹ sọ ọ́ pịrị ḅa, ọ̀ wẹrịtẹ Ijiputi ḅụ ọmịna atọrụngbọ mịẹ ọ́ pịrị ḅara pembema ḅara,

Ditẹrọnọmị 11:25

Inetẹ ọmịna kuḅu daasịẹ ḅẹ gbọrụ owiḅọ sọ ofori KỊNỊNYANAḄỌ ọmịna Tamụnọ ḅe ó ḍiki-ḅalafa mẹ na, ọmịna aḅụụ opu ḅalafa nyana mẹ na kẹ ọ́ mẹnjị-ḅọrọ ḅarị ama mamgba ọgọnọ gbana ḅa ọ̀ wẹrịtẹ kẹ ọ́ karịma ḅara.

Ditẹrọnọmị 3:22

In ḍiki-ḅalafa ma, kẹ gotẹ ọkọ ḅẹẹarị, owu mẹ sọ ị́ pịrịarị ḅọ anie KỊNỊNYANAḄỌ ị́ Tamụnọ ḅee.”

Ditẹrọnọmị 31:6

Iḅi ḅiokpọ ḅụ ọ́ kụrọ sịẹsime, ó siye ḅụụ la ḅẹ kuroma, anịanịa opu ḅalafa nyana ma ịna aḅụụ; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe mie ọmịnị na muarị ye; ori ó pikirima, anịanịa ọ́ sịkị ḅịa.”

Ditẹrọnọmị 32:30

Gbọrụḅọ tọ-ḅara kẹ kịnị maa ẹndẹ oyia asi finji ḍuka na-iḅi, tẹ maa apụ kịnị puku, sọnọ ẹndẹ finji dee mangịma, ịna Ịkụ Ḅe ịn dẹrị tẹ sikima tẹ KỊNỊNYANAḄỌ ḅe ịn wẹrịso tẹ?

Jọsụwa 10:11

Ini Izirẹlị tọrọkọ ḅụ ḍumo-mangị mẹ kọn-arị ḅara ḅụ, ịn kpọlị iwo Bẹtị-horoni mu anga mẹ ḅụ tuuideriarị ogbo, KỊNỊNYANAḄỌ ḅe nwẹnị So-ḅio ḅụ ḍụḅa-ḍụḅatẹ aḍụḅarị kẹ ini ọgọnọ ịn gbin ma-mu Azika jụjụ-ḅio la, tẹ ịn nwẹnị fịị; so aḍụḅarị ma ḅụ fịị apụ Izirẹlị ḅẹ owiapụ ma okologie mẹ kẹ ḅaa apụ nẹngịm.

Jọsụwa 10:42

Gbọrụ sakị ḅụ mie Jọsụwa mịna amadapụ mamgba na, ịna ama na ọkị ye, gbala KỊNỊNYANAḄỌ Izirẹlịapụ tẹkẹarị Tamụnọ ḅe owu mẹ sọ Izirẹlị pịrịm ẹrẹsị.

Jọsụwa 23:10

Ọmịna aḅụụ ḅe gbọrụḅọ kịnị maa ẹndẹ oyia asi finji dee mangịmarị, KỊNỊNYANAḄỌ ọmịna Tamụnọ ḅe mie ò minini ḅara ḅụ owu mẹ sọ ọ́ pịrị ye ḅẹẹ-sakị.

1 Samụẹlị 14:23

Anị ḅara mie KỊNỊNYANAḄỌ ḅe kẹ anị ene ḅụ Izirẹlị ḍụa-ḅọrọma ḅara; tẹ owu mẹ mẹnjị Bẹtị-aveni ḅọrọ iwom.