Ditẹrọnọmị 20:3 - FỊAFỊA BAỊBỤLỤ

³ tẹ ịn ḅẹẹ ḅa: Ọ́ naa yei Izirẹlị, ọmịnị ọmịnị na fịya-a apụ na owu-sọ ḅẹ sọma kpeki ḅo tẹ mịmgba; yee ọmịna ḅioḅẹngbọ ḅịkịma; siye ḅo ọ́ la ḅẹ kuroma anịanịa oju sẹkị, anịanịa opu ḅalafa nyana ịn pịrị ma.

Ditẹrọnọmị 20:3 Iomraidhean Croise

2 Paka-aị 32:8

Ori na simearị ye meni ḅara-kọngọ; kụma wamịnị na sime tẹ ḅarasụa wa pịrị tẹ wamịna owu mẹ sọ ḅarị ḅọ anie KỊNỊNYANAḄỌ wamịna Tamụnọ ḅe” Tẹ tomi ma nwẹnị Hẹzịkaya, Juda ḅẹ amadaḅọ ḅe ẹkwẹn-aḅịḅị ma ḅụ ḅiokpọ nyana.

Jobu 23:16

Tamụnọ mịẹ tẹ ì ḅioḅẹngbọ naịn-ḅọrọ tẹ; Kụrọmamgba Nyanaḅọ ḅe ị̀ tẹmẹ-naịn-naịnma tẹ;

Devidi-Anume 3:6

Si kẹ ị̀ tọn-arị ẹndẹ-ẹndẹ ma gotẹ à ḅalafa-a anie pakịrị-pakịrị ḅụ ì ikelema-koro wararị apụ ma.

Paka-so 14:13

Mozizi nwẹnị tomi ma pakịrị, “Ọ́ ḅalafa ma, ọ́ sịẹ-kụrọọ, tẹ tọrụngbọ kẹ KỊNỊNYANAḄỌ ḅe ḅọrọma mẹ tẹ mịmgba ọ̀ kọrị ọ́ pịrị ḅarịye mẹ ẹrịị: kẹ gotẹ ọkọ ḅẹẹarị, Ijiputi-ḅẹ-apụ ma tẹ ọ́ mịmgba ẹrịarị apụ ma ọ́ gbala-gbala ḅarị jen-maaịn kẹ ini ẹrị ḅịa.

Ayịzaya 28:16

Mie mịọkụ Tẹịn ḅẹrẹtọn KỊNỊNYANAḄỌ ḅe ḍukoarị ye, “À Zayọnị ḅụ jike ḅịa kụrọtẹ suku-saakịarị. Anị ḅụ arị anyị-anyị-a ḍụḅarị kẹ ịkọlị mẹ ḅụ sụarị, anie ma ẹkwẹn-aḅịḅị ma tẹ kẹ wararị aị ma, jike-jike-a minini mẹ pịkị ye-inemarị!

Ayịzaya 7:4

Ọ̀ ḅẹ ọ̀ tẹlẹma tẹ ẹbị, ḅụụ-ḅalaḅala-a ḅara, tẹ tẹmẹ-naịn-naịn-a anịanịa kuroma ḅụụ-ḅaa ḅara sime. Ama-da Rezini ịganị na, ọ̀ jụ ḅẹ Siriya ḅẹ apụ na, Ama-da Pẹka na si kẹ kịnị mịẹ mẹ, biin ḅẹ-yearị pakịrị amẹngbọ ḅụ soarị onwin nẹngị-a.

Kịẹn-aḅịḅị 14:9

Ọmịnị rẹ paa sịḅị-kụrọma KỊNỊNYANAḄỌ ḅe pịrị ma, tẹ ama mẹ ḅẹ atomi ma ḍiki-ḅalafa ma, kẹ gotẹ ọkọ ḅẹẹarị, ini anie sime wa pịrị fịye; ịna ḅụụ-ḍikiḍikiye mẹ ịna aḅụụ ḅụ sikima tẹ, anịsakị KỊNỊNYANAḄỌ ḅe wamịnị na emi; ọmịnị ịn ḍiki-ḅalafa ma.”

Matiyo 10:16

“Ó pokii! À nwẹn kẹ ọ́ fịrịma pakamarị mẹ, à gbala ḅọrọ ọ́ kẹ anana kun pẹị-pẹị anama ogboku fịrịmarị ọkụ! Ọmịnị ododo aka tii tii ḅara kẹ aka tii tẹ olosịkịya ye kẹ kịnị lama lama-a ḅara mẹ simee, tẹ ye kẹ gbọrụḅọ-sọ lama ma.

Matiyo 10:28

Oju akpakpa mẹ ngẹrị ḅaa tẹ ḅarị inetẹ tẹmẹ mẹ ḅaa ḅịa apụ ma, ọmịnị in gotẹ ḅalafa ma; anie nakara Tamụnọ mie ó mangịma ḅarị ḅọ, anie inetẹ ẹlị ḅio oju akpakpa mẹ na, tẹmẹ na ḅaa guluguluma ḅẹ ḅọ ḅe.

Matiyo 10:31

Ọkọẹrẹsị, ọ́ ḅalafa ma, ọ́ kpọma ọ̀ ḅụụ yela kịẹnkịẹn-ọkụ-ofori wẹẹrẹsị gboloma nẹngịm!

Matiyo 8:26

Jizọsị nwẹnị pakịrị, “Ó tiegotẹ mị ḅara mẹmgba kẹ tẹmẹ-naịn-naịnarị? Ọ́ nyana minini boowa la ḅara ḍiki!” Anịtẹso ọ̀ nwẹnị saakị tẹ tọn fẹrụ mẹ na, ọnụngọ mẹ na pịrị tẹ arị daasịẹ, tẹ tọrụ mẹ nwẹnị yaụ-sime lama.

Makị 16:18

ịn ḅara kẹ ododo saakị, anịanịa kịnị-ḅaaḅa ye ḅuu sọ, ye ịn la ḅịa; ịn ḅara kẹ obiapụ ọgọnọ gbana tẹ ini oju iḅi ḅa.”

Makị 16:6

Ọ̀ nwẹnị ḅẹẹ, “Ọ́ ḅụụ-gbiripu ma. À nimi wararị mịnẹ ọ́ Nazarẹtị ḅẹ Jizọsị ḍọkịarị, ịn kẹ ẹngbẹsẹ-sịn ḅụ ḅakụ ḅọ ḅe. Ọ̀ mịanga ofori — ọ̀ saakị tẹẹ! Ó ḍikii, mie ini ò koroma anga mẹ.

Fịrịmẹnjịapụ 27:24

ị̀ ḅẹẹm, ‘Pọlụ, ḅalafa ma, í mu Romu Tomikiri mẹ daarị ḅọ ḅe tọrọkọ sịẹ ḅa. Tẹ Tamụnọ nyana ị́ pịrị ḍiki-ḅụụjịrị ḅụ, ori ị́ na muarị apụ mamgba aḍumo ḅọrọma tẹ.’

Ditẹrọnọmị 1:21

Ḍikii, KỊNỊNYANAḄỌ ọmịna Tamụnọ ḅe ama mẹ kẹ ọmịna tọrọkọ koroma tẹẹ; ọmịnị iwo muu, tẹ KỊNỊNYANAḄỌ ọmịna aḍapụ ma Tamụnọ ḅe ḍuko ọ́ pịrị ḅara ḅụ ọkị nyanaa; ọ́ ḅalafa, anịanịa, ḅụụ tukutuku nyana ma.

Ditẹrọnọmị 20:1

Ọmịnị ọmịnị na fịya-a apụ na ọmụgbin ḅẹ sakị, tẹ ọ́ tọnwa asụ na, kirimẹnjị-ọmụarụ na, ḍụḅa ọ́ soku-ḅẹ ọmụ-ogbo nẹngị ọmụ-ogbo na ẹrị-ẹrị, ọmịnị in ḍiki ḅalafaa ma; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịnị na emi, oriḅe tẹ Ijiputi ama mẹ ḅụ ó ḍikiḍiki pakama-ḅo ḅọ ḅe.

Ditẹrọnọmị 20:2

Tẹ ọ́ sọma-mu owu mẹ kpeki sakị, agbamịẹapụ ma mẹnjị tọrọkọ ḅọ tẹ ẹkwẹn tomi ma pịrị ḅa,

1 Tẹsalonịka 5:15

Ọmịnị ẹrị mịnẹ gbọrụḅọ-sọ kura-aye kẹ si kẹ mḅọ mịẹ ḅọ mịẹ ọkị-a, kụma sakị mamgba ọ́ kẹ ọ́ mịẹ ḅẹ tẹ kẹ ḅiotọn wararị ye sọma, mịnẹ ọmịnị iḅi kẹ jụmọ-jụmọ mịẹm, pịkị tomi mamgba na.

1 Timoti 6:12

Minini mangị ịrụa mẹ ḅụ í inetẹ ḅara, inetẹ ḅara mịẹ, tẹ sime gbamaso ḍumo nyana ị́ ḅụụ pịrịị; kẹ gotẹ ọkọ ḍukoarị, mị ḍumo mẹ nyana mie Tamụnọ gotẹ ị́ sịn ye, tọnwa-apụ tọrọkọ ḅụ í í minini mẹ mịẹ kụrọma sakị mẹ ḅụ.

Hiburu 13:6

Ọkọẹrẹsị, ó yee wa ḅiokpọ tẹ ḅẹẹ, “KỊNỊNYANAḄỌ ḅe anie ḅarasụa ị̀ pịrịarị ḅọ, à ḅalafa ḅịa. Tụḅọ inetẹ tiye kẹ ị̀ mịẹ ḅẹ?”

Jọsụwa 23:10

Ọmịna aḅụụ ḅe gbọrụḅọ kịnị maa ẹndẹ oyia asi finji dee mangịmarị, KỊNỊNYANAḄỌ ọmịna Tamụnọ ḅe mie ò minini ḅara ḅụ owu mẹ sọ ọ́ pịrị ye ḅẹẹ-sakị.

Mịẹfinji 2:10

Ọmịnị ẹrị ḅẹ-yearị tọrụsiẹrị goyegoye ọmịnị anị gotẹ ḅalafa ma. Ó pokii! Ekwesu ḅe ọ́ daaḍiki ḅa, ọmịna ḅụ ḅẹ ja apụ kẹ ikoli suu ḅụ, tẹ oyi aḍin mie ọ́ kẹ tọrụsiẹrị ḅarịye. Ọmịnị ọmịnị ị̀ ḅụ nyana minini mẹ ọlọ kụrọmaa, anị nwẹnị fịị dogi-ḅo sọ, tẹ yẹrị ḍumo kẹ owu-ḅara-iḅi apụ gbẹẹ-ye sọma tẹ kẹ ọ́ pịrị ḅa.

1 Samụẹlị 17:32

Devidi nwẹnị Sọlụ ḅẹẹ, “yee gbọrụ tomḅọ ḅioḅẹngbọ sọ ò gotẹ pikiri ma, ị́ fịrịmẹnjịḅọ mu ḅị Filisiteniḅọ ḅe na owu sọ ḅa.”