Ditẹrọnọmị 20:19 - FỊAFỊA BAỊBỤLỤ

¹⁹ Ọ́ gbọrụ opu ama ọkị ḅẹ ẹrẹsị nangwọ sakị kẹ anị ikelema-koro tẹ owu kẹ anị paka ḅarị sakị, ó kumbu kẹ anị ḅẹ opu asịn pẹlẹ pẹlẹ ḅaa ḅụ arị ḅaa ma; kẹ gotẹ ọkọ ḅẹẹarị, ọmịnị inetẹ arịḅẹ asịnmgbọlụ fị ḅa, kụma ọmịnị arị pẹlẹ-gbin ma. Piri-ḅio-ḅẹ opu asịn ma ḅọrọ tomi tẹ ọmịnị ini ikelema-koro tẹ owu kẹ ịn paka na-iḅi?

Ditẹrọnọmị 20:19 Iomraidhean Croise

Matiyo 3:10

Ịn kẹ suku-na-suku-na ḅụ sịn ma pẹlẹ-pẹlẹ-gbin ḅarị kumbu mẹ ini anị kẹ ḅo la tẹẹ; iḅi mgbọlụ sụa-a sịn goyegoye ini anị pẹlẹ-gbin tẹ kẹ wakị kọrị fịnị mẹ ḅio suu ḅa.

Ditẹrọnọmị 26:6

Tẹ Ijiputi-ḅẹ-apụ ma nwẹnị guda-guda ḅara kẹ wa mịẹ, tẹ ḅụụ-fụka kẹ wa pịrị, tẹ wa kẹ kụrọtẹ omoniapụ sọma.

Matiyo 21:19

Etela akaka ḅụ ọ̀ gbọrụ ịla sịn ẹrị tẹ mẹnjị mu anị lam, kụma anị ọgọnọ gbọrụ mgbọlụ sọ ofori, ịnyịnya sikima. Mie ḅụ ọ̀ sịn mẹ ḅẹẹm, “Ị́ ḅarị jen kẹ mgbọlụ sụa ḅịa!” Anị gbọrụ kiri ịla sịn mẹ nwẹnị samụnọ fama.

Ditẹrọnọmị 20:18

mịẹtẹ ini ịna tọn-tọn amịẹaị mamgba, ịn wẹrịtẹ mịẹ-mịẹ ḅara mẹ kẹ ó toluma tẹ ọ́ mịẹ ḅịa ḅara, arị aị ma tẹ fịrịmẹnjị ịna oru-atamụnọ ma piri ḅụ ịn mịẹ tẹ aị ma, tẹ mị ḅara ḅụ KỊNỊNYANAḄỌ ọmịna Tamụnọ ḅe ḅụụ si mịẹ ḅịa ḅara.

Ditẹrọnọmị 20:20

Opu asịn ma tẹ ó nimim fịye sụa-a opu asịn mie ọmịnị inetẹ ḅaa tẹ pẹlẹ-gbin ḅarịye, mịẹtẹ ọmịnị inetẹ opu ama mẹ tẹ ọmịnị na ọmụgbin-arị ama mẹ ikelema-koro tẹ owu kẹ anị paka ḅẹ kọrịnama kọrị tẹ owu kẹ anị paka nwenii anị ḅịkị ḅẹ ḅara.

Jerimaya 6:6

Kụrọmamgba nyana KỊNỊNYANAḄỌ ḅe tọn tẹẹ, mịnẹ mịna amadapụ ma sịn pẹlẹ-pẹlẹ-gbin tẹ kiri kpolima-kpolima Jeruselemu ikelema ḅa, kẹ ama mẹ ọkị ḅẹ ḅara. Ò ḍuko tẹẹ, “À fomu-ḅara kẹ mị opu ama mẹ pịrị ḅa, kịnị ponoma anị ḅio ḅin wararị ẹrẹsị.

2 Amadapụ 3:19

tẹ ọmịnị ịn mịẹ kụrọma wararị opu ama ma na, ịna ḅụ yela opu ama ma goyegoye nẹngịma ḅa, ịna iḅi opu asịn goyegoye ọ́ pẹlẹ-gbin ḅa, ịna ngụngụḅa minji mẹmgba ọ́ dasịẹma ḅa, tẹ ḍụḅarị kẹ ịna ḍụọ ḍiḅi iḅi akiri mamgba gbaịn fama ḅa.”

2 Amadapụ 3:25

tẹ ini opu ama ma kanm tẹ owiḅọ goḅọ-goḅọ ḍụḅarị gbọrụ pakịrị gbọrụ pakịrị kẹ iḅi kiri goyegoye gbin nwenii ḍụḅarị apakịrị pakịrị anị gbaịn fama ḅa; ngụngụḅa minji goyegoye ịn dasịẹmam, tẹ iḅi sịn goyegoye pẹlẹ-gbinm. Ka-hẹrẹsị kịngẹ mie kọn tẹ anị ḅẹ aḍụḅarị ma arị sime kiri ḅụ emi ye, katapọtị pembe ye tẹịn-arị apụ ma nwẹnị anị ikelema-koro tẹ owu kẹ anị paka.