Ditẹrọnọmị 20:17 - FỊAFỊA BAỊBỤLỤ

¹⁷ Kụma KỊNỊNYANAḄỌ ọmịna Tamụnọ ḅe wẹrịtẹ tọn tẹ ḅara ḅụ, ọmịnị ịkatakirikọn-a-ḅara kẹ ịn ḅaa fama ḅa; Itayịti apụ ma na, Amọrayịtị apụ ma na, Kenanị ḅẹ apụ ma na, Pẹrịzayịtị apụ ma na, Hivayịtị apụ ma na, pịkị Jebusayịtị apụ ma na;

Ditẹrọnọmị 20:17 Iomraidhean Croise

Suku-saakị 13:7

anịsakị Ebiramụ opu anama ogbo-ogbo ma ḍikiḍikiarị apụ ma na, Lọtị opu anama ogbo-ogbo ma ḍikiḍikiarị apụ ma na ịgbanịya nyana ma ḅọrọarị. Anị sakị mẹ Kenanị ḅẹ apụ ma na, Pẹrịzayịtị apụ ma na ama mẹ ḅio angarị.

Suku-saakị 15:20

Itayịti apụ ma-o, Pẹrịzayịtị apụ ma-o, Lẹsẹrẹtẹ ịn kẹ Rẹfayimu sin tụndụ ogboku mẹ-o,

Suku-saakị 15:21

Amọrayịtị apụ ma-o, Kenanị ḅẹ apụ ma-o, Gagasayịtị apụ ma-o, Jebusayịtị apụ ma ama ma sọ.”

1 Paka-aị 1:14

Kenanị anie pịkị Jebusayịtị apụ ma na, Amọrayịtị apụ ma na, Gagasayịtị apụ na,

Jerimaya 48:10

(Amịna ḅioḅẹngbọ mẹmgba kẹ KỊNỊNYANAḄỌ ḅe kọrịnama mẹ kọrị-a tomḅọ ḅe worii! Pẹlẹ kọsịma tẹ ḅaa-a tomḅọ ḅe worii!)

Kịẹn-aḅịḅị 13:29

Amalẹkị ḅẹ apụ ma Kenanị suku-jụ mẹ ḅio angam; Hitahiti apụ ma na, Jebusayịtị apụ ma na, Amọrayịtị apụ ma na tụndụ ọgọnọ ḅe sịẹ mẹ ḅio angam; anịsakị Kenanị ḅẹ apụ ma Mẹdịterenanị Opu Tọrụ mẹ akaka ḅụ na Jodanị Tọrụ mẹ na ḅụ angam.”

Ditẹrọnọmị 20:16

Kụma mịna atomi ma tẹ KỊNỊNYANAḄỌ ọmịna Tamụnọ ḅe kẹ sime anga ḅụ ọ́ pịrị tẹ opu ama ma ḅio ọwụ nụnụ ọkị-ọkị sara, sara pakamarị gberie-sọ ọ́ ḅọrọma tẹ ḍumo-sime ḅịa.

Ditẹrọnọmị 20:18

mịẹtẹ ini ịna tọn-tọn amịẹaị mamgba, ịn wẹrịtẹ mịẹ-mịẹ ḅara mẹ kẹ ó toluma tẹ ọ́ mịẹ ḅịa ḅara, arị aị ma tẹ fịrịmẹnjị ịna oru-atamụnọ ma piri ḅụ ịn mịẹ tẹ aị ma, tẹ mị ḅara ḅụ KỊNỊNYANAḄỌ ọmịna Tamụnọ ḅe ḅụụ si mịẹ ḅịa ḅara.

Jọsụwa 6:17

Anịsakị opu ama mẹ na anị ḅio simearị aị mamgba na ḅaa tẹ arị gulugulumaa, kẹ agba mịẹ KỊNỊNYANAḄỌ ḅe pịrị ḅara ḅụ. Kụma Rehabụ sẹfị-ẹrẹḅọ ma na, inima tẹ árị na á warị mẹ ḅio sime apụ ngẹrị mie ḍumo ḅarịye, gbala árị mie fịrịmẹnjịapụ ma tẹ wa fịrịma apụ ma kẹ ḅọị yee.

Mịẹfinji 19:18

Ó ḅo amadapụ na, ọmụ-alapụ na, ọmụ asawọ na, asụ na, ịn dọkụ apụ ma na, tomi mamgba na, omoniapụ-o, furo awọmẹ-o, opu-o, kala-o, meni pẹị!”