Ditẹrọnọmị 20:16 - FỊAFỊA BAỊBỤLỤ

¹⁶ Kụma mịna atomi ma tẹ KỊNỊNYANAḄỌ ọmịna Tamụnọ ḅe kẹ sime anga ḅụ ọ́ pịrị tẹ opu ama ma ḅio ọwụ nụnụ ọkị-ọkị sara, sara pakamarị gberie-sọ ọ́ ḅọrọma tẹ ḍumo-sime ḅịa.

Ditẹrọnọmị 20:16 Iomraidhean Croise

Kịẹn-aḅịḅị 21:35

Mie ḅụ ini ori na, ori owiapụ-awọmẹ na, ori atomi mamgba na ḅaa nwenii ḍumo tẹ kirikọn ọ̀ pịrị kpọkpọ gbọrụḅọ-sọ ofori.

Kịẹn-aḅịḅị 31:17

Ọkọẹrẹsị mịọkụ, ḍọkọḍọkọ-awọmẹ ma ogbo-ḅio ḅụ owiḅọ goḅọ-goḅọ na, ẹrẹḅọ nwẹn-sịn ẹrẹḅọ tẹ gbọrụ anga mono ḅụ owiḅọ nimi tẹ ḅọ goḅọ-goḅọ ḅaa.

Kịẹn-aḅịḅị 33:52

anịtẹrẹmẹ mie ọmịnị ama mẹ ḅe apụ mamgba dee pakama ḅarịye ọmịna tọrọkọ ḅụ, tẹ ịna ḍụḅarị akpokobịa mamgba na, ini ikulele kẹ tẹmẹ oru mẹmgba na ḅaa kọsịma, tẹ pịkị ịna gele ayeyọ (oru-awarị) mamgba kan-sara ḅarịye.

Ditẹrọnọmị 20:15

Mị-ḅara mie ọ́ kẹ opu ama mamgba tẹ ọmịna aḅụụ ḅẹlẹma ala lamatẹ anga ḅụ simearị aị ma tẹ mịanga ḅẹ opu asịẹ ma ḅẹ opu ama-a ḅẹ aị ma mịẹ ḅarị ḅara.

Ditẹrọnọmị 20:17

Kụma KỊNỊNYANAḄỌ ọmịna Tamụnọ ḅe wẹrịtẹ tọn tẹ ḅara ḅụ, ọmịnị ịkatakirikọn-a-ḅara kẹ ịn ḅaa fama ḅa; Itayịti apụ ma na, Amọrayịtị apụ ma na, Kenanị ḅẹ apụ ma na, Pẹrịzayịtị apụ ma na, Hivayịtị apụ ma na, pịkị Jebusayịtị apụ ma na;

Ditẹrọnọmị 24:4

á tarị diḅọ ḅe tẹ á dee pakama ḅọ ḅe, anịtẹrẹmẹ ḅarị inetẹ á pilema tẹrẹmẹ á kẹ sin ọ̀ ta sọma ma; kẹ gotẹ ọkọ ḅẹẹarị, aniemẹ anie KỊNỊNYANAḄỌ ọmịna Tamụnọ ḅe tọrọkọ tọn-tọnye, anịsakị ama mẹ tẹ KỊNỊNYANAḄỌ ọmịna Tamụnọ ḅe kẹ sime anga gotẹ ọ́ pịrị ama mẹ ọ́ ḅẹrẹ-ḅarasii ọkị-ḅo anị ọgọnọ gbana ḅịa.

Ditẹrọnọmị 31:5

KỊNỊNYANAḄỌ ḅe ịn saḅama ọ́ pịrị ḅa, tẹ tọn wararị ḅara mẹmgba tẹ à tọn ọ́ pịrị tẹ ḅara mẹ kẹ ọmịnị ịn mịẹ ḅa.

Ditẹrọnọmị 4:21

Anie sikima, KỊNỊNYANAḄỌ ḅe ọmịna sịḅị gotẹ ịganị ị̀ pịrịm, tẹ ò ye karịm mịnẹ à Jodanị mẹ saḅa ḅịa, anie ḅụ iḅi ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị nyana ḅẹ ama mẹ ḅio à sọ-mu ḅịa.

Ditẹrọnọmị 7:16

Tomi-kụlọkụlọ tẹ KỊNỊNYANAḄỌ ọmịna Tamụnọ ḅe saḅama ọ́ pịrị ḅarị apụ goyegoye ọmịnị ịn ḅaa ḅa, ọmịnị ịn ḍiki sịḅị-jịrị ma, ọ́ pịkị fịrịmẹnjị ịna oru-atamụnọ pịrị ma, kẹ gotẹ ọkọ ḅẹẹarị, aniemẹ ḍiein sọ ọ́ pịrị ḅa.

Jọsụwa 10:20

Jọsụwa na, Izirẹlị ḅẹ owiapụ ma na gburo-gburo lama ḅara mẹ kẹ ịn ḅaa nwenii ini ọfịn pakama fama tẹ, tẹ ịna aḅụụ boowa kọn apụ ma tẹ ini ọmụ gotẹ nama kụrọma wararị opu ama ma ḅio sọ-mu apụ ma sọ-mu tẹso,

Jọsụwa 10:28

Anị ene mẹ ḅụ, Jọsụwa Mekida ọkịm, tẹ tomi mamgba na ịna amadaḅọ ḅe na ḅaam; ori ịkatakirikọn-a-ḅara kẹ anị ḅio tomḅọ goḅọ-goḅọ ḅaam, ọ̀ wẹrịso kọnma gbọrụḅọ-sọ ofori; tẹ ọ̀ kẹ Jeriko ḅẹ amadaḅọ mịẹ tẹ ḅara kẹ Mekida ḅẹ amadaḅọ ḅe mịẹm.

Jọsụwa 10:40

Anị ḅara mie Jọsụwa kẹ bebe ama mẹ nẹngịma ḅara, tụndụ ọgọnọ ḅẹ opu sịẹ mẹ-o, Kenanị suku-jụ mẹ-o, lẹsẹrẹ kiri ḅụ simearị ama mẹ-o, tuuideri anga ḅụ simearị ama mẹ-o, na arịḅẹ amadapụ mamgba na. Ọ̀ kpọkpọ gbọrụ tomḅọ sọ kọnma-a, kụma KỊNỊNYANAḄỌ Izirẹlịapụ tẹkẹarị Tamụnọ ḅe wẹrịtẹ tọn ḅara mịnẹ ọwụ-sararị ye goyegoye ḅaa ḅẹẹ ḅara ḅụ, ori ịkatakirikọn-a-ḅara kẹ ịn ḅaam.

Jọsụwa 11:14

Izirẹlịapụ ma mịna opu ama ma ḅụ ọmụ mẹ ḅio ọkị aị mamgba na opu anama ma na ini ọkị ịna aḅụụ pịrịm kụma tomḅọ goḅọ-goḅọ ini okologie mẹ kẹ pẹlẹ ḅaa nwenii ḅẹḅọ-ḅẹḅọ tẹ ọwụ-sararị ḅọ tẹ ịn kọnma ḅọ ofori.

Jọsụwa 6:24

Anịtẹrẹmẹ ịn fịnị kẹ opu ama mẹ na, anị ḅio sime aị mamgba na dọkịmam; seleḅa na, golu ma na, pịkị ojo na, ikulele na kẹ tẹmẹ ẹfẹrẹ ma na ngẹrị mie ịn kẹ KỊNỊNYANAḄỌ ḅe warị mẹ ḅẹ ye koko anga ḅụ suu ye.

Jọsụwa 8:25

Inimgba tẹ anị ene fịị apụ owiapụ na, ereme na, kịnị puku, oyi ẹndẹ finji (12,000) anie Ayị ḅẹ apụ mamgba.

Jọsụwa 8:8

Anịsakị ọmịnị opu ama mẹ ọkị sakị ọ́ fịnị kẹ opu ama mẹ ḅụ sụa ḅa, KỊNỊNYANAḄỌ ḅe wẹrịtẹ ḅẹẹ tẹ ḅara, ọmịnị à tọn ọ́ pịrị ḅara ḍiki mịẹ.”

Jọsụwa 9:24

Ịn nwẹnị Jọsụwa pakịrị, “Anị kẹ gotẹ ọkọ mịẹ ye, piki-pikiye-ofori ḅara ḅụ ini anị ḍuko ị́ afịrịmẹnjịapụ pịrịm, mịnẹ, KỊNỊNYANAḄỌ ị́ Tamụnọ ḅe tọn ọ̀ fịrịmẹnjịḅọ Mozizi pịrịm ò bebe ama mẹ kẹ ọ́ piri, tẹ ọmịna tọrọkọ simearị ama mẹ ḅio sime apụ mamgba ḅaa fama; anieḅụ wa nwẹnị wamịna aḍumo gotẹ gburo-gburo ḅara kẹ ó gotẹ ḅalafa lama tẹ miemẹ mịẹm.

Jọsụwa 9:27

Kụma Jọsụwa anị ene mẹ ḅụ ịn mịẹtẹ ịn fịnị pẹlẹ apụ na, minji ḍuu apụ na sọ tomina-ogbo mẹ na, KỊNỊNYANAḄỌ ḅe agbamịẹ-anga mẹ na pịrịm, miemẹ ọkọ mịẹ tọrọkọ-tọrọkọ mu ḅo mịmgba sọ la ḅa KỊNỊNYANAḄỌ ḅe sẹlẹ-ọkị ḅarị anga ḅụ.

Jọsụwa 9:7

Kụma Izirẹlị ḅẹ owiapụ ma nwẹnị Hivayịtị apụ ma ḅẹẹ, “Sosi-ọkụma, ọ́ wamịna ogboku angarị; anị kụma wa tọ-ḅara kẹ inetẹ ọmịnị na ọḅọkụ fị ḅẹ?”

1 Samụẹlị 15:3

Mịọkụ mu Amalẹkị ḅẹ apụ ma ḅaa tẹ ịkatakirikọn-a-ḅara kẹ ịn nyana aị mamgba sima famaa; àrị wẹrịso ma, kụma owiḅọ-o, ẹrẹḅọ-o, kalatụḅọ-o, ndo-ndoarị tụḅọ-o, pootẹ-nambulo-o, anana-o, ike-sụa-nama-o, yedogi-nama sọ.”