Ditẹrọnọmị 20:11 - FỊAFỊA BAỊBỤLỤ

¹¹ Anịsakị dein anie anị ḅẹ pakịrị ḅịḅị tẹ ịn kẹ ọ́ pịrị ye, tẹ ḅọkọ finji ọ́ pịrị, pịrị, anịrẹ tomi tẹ ọmịnị anị ḅio ḍọkị-ẹrị apụ mamgba kụrọ kọrịnama kọrị tẹ fịrịmẹnjị ọ́ pịrị ḅa.

Ditẹrọnọmị 20:11 Iomraidhean Croise

1 Amadapụ 5:1

Taya ḅẹ Amadaḅọ Hiramụ anie sakị mẹmgba Devidi ikiaḅọ, ọ̀ naam mịnẹ Sọlọmọnị amada-kụlọ ḅụ Devidi kiri ọkị tẹ ẹrẹsị, ọ̀ nwẹnị ọ̀ sịẹ mẹ tọrụ-ḍima ḅara ḅụ kịnị kẹ ọ̀ fịrịma.

2 Amadapụ 6:22

Ọ̀ nwẹnị pakịrị, “Ị́ ịn ḅaa ḅịa. Ị́yẹrị í okologie na ḍiein na kẹ kun-a apụ ma ḅaa ḅẹ? Fịye na minji na kẹ ịn pịrị ịn fị, pịkị ḅuu tẹ so ịna sịḅịdaḅọ ḍọkụma-mu.”

Devidi-Anume 120:7

Yẹrị dein ẹkwẹn kọn-arị sakị, ini ọmụ ḍọkịarị.

Luku 19:14

Tomḅọ ḅe ama ḅẹ apụ ọ̀ ḅẹlẹma-a ẹrẹsị ịn nwẹnị oku fịrịma ò tongu pono mu mịnẹ ịn ḅarị ḅii-a ori ịna ama-da.

Ditẹrọnọmị 20:10

Ọ́ sọma mu gbọrụ opu ama kpeki tẹ owu kẹ anị paka ḅarị sakị, ó dein pakama ḅarị akiri kẹ anị pịrịị.

Ditẹrọnọmị 20:12

Kụma anị ọmịnị na gbọrụ dein ḅara sọ mịẹ-a, kụma owu kẹ ọ́ paka, paka, anịrẹ ọmịnị anị ikelema-koro tẹ owu kẹ anị paka ḅa.

Jọsụwa 16:10

Anị sime-ḅara, sime-ḅara sọ, Kenanị ḅẹ apụ ma tẹ Geza ḅụ sime apụ ma ini ịn dee-a; anieḅụ Kenanị ḅẹ apụ ma Iferemu ogbo-ḅio sime ḅo mịmgba lam, kụma ịn ḅo omoniapụ sọ kụrọ kọrịnama kọrị pịrịm.

Jọsụwa 9:27

Kụma Jọsụwa anị ene mẹ ḅụ ịn mịẹtẹ ịn fịnị pẹlẹ apụ na, minji ḍuu apụ na sọ tomina-ogbo mẹ na, KỊNỊNYANAḄỌ ḅe agbamịẹ-anga mẹ na pịrịm, miemẹ ọkọ mịẹ tọrọkọ-tọrọkọ mu ḅo mịmgba sọ la ḅa KỊNỊNYANAḄỌ ḅe sẹlẹ-ọkị ḅarị anga ḅụ.

Jọsụwa 9:8

Ịn nwẹnị Jọsụwa ḅẹẹ, “Wamịnị anie ọmịna afịrịmẹnjịapụ.” Jọsụwa nwẹnị ịn gbela, “Ọmịnị tọ apụ? Ọ́ tọ-anga sime tẹ ḅo?.”

Jọsụwa 9:9

Ịn nwẹnị ọ̀ ḅẹẹ, “Ala-lamatẹ opu sịẹ ḅụ wa sime tẹ ḅom KỊNỊNYANAḄỌ ọmịna Tamụnọ ḅe ẹrẹ mẹ gotẹ; kẹ gotẹ ọkọ ḅẹẹarị, wa ọ̀ mịẹarị aị gbolomaye na, Ijiputi ḅụ ọ̀ mịẹ aị mamgba na naa tẹ,

Ḅẹrẹkọn-apụ 1:28

Izirẹlị ḍụḅatẹ ḅo ịnyọ nyana tẹso, ịn nwẹnị Kenanị ḅẹ apụ ma kẹ kụrọ kọrịnama kọrị apụ sọma, kụma ini ịkatakirikọn-a-ḅara kẹ ịn dee pakama-a.